| | ᠵᠣᠬᠢᠶᠠᠭᠴᠢ᠄ ᠪᠣᠷᠵᠢᠭᠢᠨ ᠰᠡᠴᠡᠨ | | | | | ᠨᠠᠮᠤᠭᠲᠤ ᠲᠠᠯᠠ ᠶᠢᠨ ᠬᠦᠴᠢᠷ ᠢ ᠲᠤᠭᠤᠯᠵᠦ ᠢᠷᠡᠭᠰᠡᠨ ᠡᠷᠡᠯᠬᠡᠭ | ᠨᠠᠪᠲᠠᠷᠬᠠᠢ ᠬᠤᠪᠴᠠᠰᠤ ᠬᠠᠭᠤᠷᠠᠢ ᠬᠦᠨᠡᠰᠦ ᠪᠠᠷ ᠥᠯ ᠪᠤᠯᠭᠠᠬᠰᠠᠨ ᠡᠩᠨᠡᠭᠡᠴᠢᠳ | ᠬᠤᠶᠠᠷ ᠲᠦᠮᠡ ᠲᠠᠪᠤᠨ ᠮᠢᠩᠭᠠᠨ ᠭᠠᠵᠠᠷ ᠢ ᠵᠣᠷᠢᠭ ᠢᠶᠠᠷ ᠵᠠᠮᠨᠠᠭᠰᠠᠨ ᠳᠠᠶᠢᠴᠢᠳ | ᠬᠠᠯᠠᠭᠤᠨ ᠠᠮᠢ ᠪᠦᠯᠢᠶᠡᠨ ᠴᠢᠰᠤ ᠪᠠᠷ ᠢᠶᠠᠨ ᠡᠩᠬᠡ ᠶᠢ ᠠᠪᠴᠢᠷᠠᠭᠰᠠᠨ ᠲᠤᠭᠴᠢᠳ | | | ᠬᠠᠶᠢᠷᠠᠲᠤ ᠡᠬᠡ ᠤᠯᠤᠰ ᠤᠨ ᠢᠶᠠᠨ ᠠᠮᠤᠭᠤᠯᠠᠩ ᠲᠠᠶᠢᠪᠤᠩ ᠢ ᠬᠠᠮᠠᠭᠠᠯᠠᠳᠠᠭ | ᠬᠠᠨᠠᠭᠠᠷ ᠰᠠᠶᠢᠬᠠᠨ ᠡᠬᠡ ᠣᠷᠣᠨ ᠤ ᠪᠠᠨ ᠡᠭᠦᠷᠭᠡ ᠬᠦᠨᠳᠦ ᠲᠠᠢ ᠳᠠᠷᠬᠠᠨᠴᠤᠳ | ᠬᠠᠪ ᠬᠠᠷᠠᠩᠭᠤᠢ ᠰᠥᠨᠢ ᠶᠢᠨ ᠭᠦᠨ ᠳᠤ ᠭᠡᠷᠡᠯᠳᠦᠨ ᠲᠤᠶᠠᠭᠠᠷᠠᠳᠠᠭ ᠤᠳᠤᠨ | ᠬᠠᠶᠢᠷᠠ ᠶᠢᠨ ᠪᠤᠷᠬᠠᠨ ᠰᠡᠳᠬᠢᠯ ᠢᠶᠠᠨ ᠤᠯᠤᠰ ᠲᠠᠭᠠᠨ ᠵᠣᠷᠢᠭᠤᠯᠳᠠᠭ ᠰᠣᠳᠣᠨ | | | ᠴᠣᠬᠢᠯᠠᠬᠤ ᠤᠯᠠᠭᠠᠨ ᠵᠢᠷᠦᠬᠡᠨ ᠳᠤᠨᠢ ᠡᠬᠡ ᠤᠯᠤᠰ ᠯᠡ ᠪᠠᠶᠢᠳᠠᠭ | ᠲᠣᠷᠮᠣᠭᠤᠷ ᠬᠥᠭᠡᠷᠦᠬᠦᠨ ᠬᠠᠷᠠᠴᠠᠨ ᠳᠤᠨᠢ ᠠᠷᠠᠳ ᠲᠦᠮᠡᠨ ᠯᠡ ᠦᠵᠡᠭᠳᠡᠳᠡᠭ | ᠲᠤᠭᠠ ᠲᠣᠮᠰᠢ ᠦᠭᠡᠢ ᠡᠳᠦᠷ ᠬᠤᠨᠤᠭ ᠢ ᠪᠤᠳᠤᠯ ᠤᠨ ᠢᠯᠴᠢ ᠪᠠᠷ ᠢᠶᠠᠨ ᠳᠤᠯᠠᠭᠠᠯᠠᠵᠤ | ᠲᠤᠬᠰᠢᠨ ᠰᠦᠷᠳᠡᠨ ᠤ ᠬᠠᠯᠳᠠᠯᠭᠠ ᠠᠴᠠ ᠰᠦᠷᠳᠡᠳᠡᠭ ᠦᠭᠡᠢ ᠵᠠᠩᠵᠤᠨ | | | ᠮᠠᠯᠠᠭᠠᠢ ᠶᠢᠨ ᠬᠢᠨᠢ ᠤᠯᠠᠭᠠᠨ ᠤᠳᠤ ᠠᠴᠠ ᠨᠢ ᠲᠤᠮᠳᠠᠳᠤ ᠶᠢᠨ ᠭᠡᠷᠡᠯ ᠰᠠᠴᠤᠷᠠᠵᠤ | ᠮᠠᠩᠨᠠᠢ ᠬᠥᠮᠥᠰᠬᠡ ᠶᠢᠨ ᠬᠢᠨᠢ ᠲᠤᠬᠰᠢᠨ ᠰᠦᠷ ᠠᠴᠠ ᠮᠠᠭᠤ ᠪᠦᠭᠦᠨ ᠡᠮᠢᠶᠡᠳᠡᠭ | ᠮᠢᠩᠭᠠᠨ ᠣᠨ ᠳᠠᠭᠠᠨ ᠴᠦ ᠮᠢᠲᠠᠷᠠᠰᠢ ᠦᠭᠡᠢ ᠠᠤᠭᠠ ᠶᠡᠭᠡ ᠭᠦᠴᠦᠳᠡᠨ | ᠮᠢᠷᠠᠯᠵᠠᠨ ᠴᠡᠴᠡᠭᠯᠡᠬᠦ ᠡᠬᠡ ᠤᠯᠤᠰ ᠤᠨ ᠨᠣᠮᠢᠨ ᠨᠣᠭᠤᠭᠠᠨ ᠲᠤᠤᠯᠢ | | | ᠮᠢᠨᠤ ᠬᠠᠶᠢᠷᠠᠲᠠᠢ ᠠᠷᠠᠳ ᠤᠨ ᠴᠡᠷᠢᠭ ᠡᠰᠡᠨ ᠮᠡᠨᠳᠤ ᠶᠢᠨ ᠵᠠᠮᠴᠢ | ᠮᠢᠨᠤ ᠬᠠᠶᠢᠷᠠᠲᠠᠢ ᠠᠷᠠᠳ ᠤᠨ ᠴᠡᠷᠢᠭ ᠡᠩᠬᠡ ᠰᠠᠶᠢᠬᠠᠨ ᠤ ᠡᠯᠴᠢ | ᠮᠢᠨᠤ ᠬᠠᠶᠢᠷᠠᠲᠠᠢ ᠠᠷᠠᠳ ᠤᠨ ᠴᠡᠷᠢᠭ ᠡᠭᠡᠯ ᠨᠢᠭᠡᠨ ᠬᠥᠮᠥᠨ | ᠮᠢᠨᠤ ᠬᠠᠶᠢᠷᠠᠲᠠᠢ ᠠᠷᠠᠳ ᠤᠨ ᠴᠡᠷᠢᠭ ᠡᠭᠡᠨᠡᠭᠲᠡ ᠶᠢᠨ ᠨᠠᠷᠠ | | | | |