| | ᠵᠣᠬᠢᠶᠠᠭᠴᠢ᠄ ᠫᠤ · ᠰᠠᠨᠠᠭᠠᠷᠪᠦᠣ | | | | | ᠪᠦᠷᠬᠦᠭ ᠪᠣᠷᠤᠭᠠ ᠲᠠᠢ ᠡᠳᠦᠷ ᠤᠳ ᠲᠤ | ᠡᠪᠦᠷ ᠳᠡᠭᠡᠷᠡ ᠪᠠᠨ ᠰᠢᠷᠠ ᠮᠤᠤᠷ ᠨᠣᠶᠢᠷᠮᠣᠭᠯᠠᠭᠤᠯᠤᠭᠠᠳ | ᠰᠠᠬᠠᠯ ᠳᠤᠮᠳᠠᠭᠤᠷ ᠢᠶᠠᠨ ᠴᠠᠭᠠᠨ ᠬᠤᠯᠤᠭᠠᠨᠠ ᠡᠷᠬᠡᠯᠡᠭᠦᠯᠦᠮᠡᠷ ᠪᠤᠯᠬᠤ ᠶᠤᠮ | ᠪᠦᠷᠬᠦᠭ ᠪᠣᠷᠤᠭᠠ ᠲᠠᠢ ᠡᠳᠦᠷ ᠤᠳ ᠲᠤ | ᠰᠠᠷᠠᠪᠴᠢᠨ ᠳᠣᠣᠷᠠ ᠪᠠᠨ ᠡᠯᠢᠭᠡ ᠴᠠᠭᠠᠨ ᠬᠠᠷᠢᠶᠠᠴᠠᠢ ᠵᠤᠯᠵᠠᠭᠠᠯᠠᠭᠤᠯᠤᠭᠠᠳ | ᠰᠠᠷᠠ ᠳᠦᠭᠦᠷᠬᠦ ᠪᠠᠷ ᠨᠢ ᠠᠳᠠ ᠲᠠᠢ ᠨᠠᠶᠢᠷᠠᠭᠴᠢᠳ ᠲᠠᠢ ᠪᠠᠨ ᠠᠷᠢᠬᠢᠳᠠᠮᠠᠷ ᠪᠤᠯᠬᠤ ᠶᠤᠮ | ᠪᠦᠷᠬᠦᠭ ᠪᠣᠷᠤᠭᠠ ᠲᠠᠢ ᠡᠳᠦᠷ ᠤᠳ ᠲᠤ | ᠰᠢᠯᠦᠭ ᠢᠶᠠᠷ ᠰᠣᠷᠢᠨᠵᠢᠨ ᠪᠦᠭᠡᠵᠢ ᠳᠠᠪᠲᠠᠭᠤᠯᠤᠭᠠᠳ | ᠱᠢᠷᠦᠨ ᠤᠷᠤᠭᠤᠯᠲᠤ ᠥᠬᠢᠳ ᠢ ᠥᠳᠥᠭᠡᠮᠡᠷ ᠪᠤᠯᠬᠤ ᠶᠤᠮ | ᠪᠦᠷᠬᠦᠭ ᠪᠣᠷᠤᠭᠠ ᠲᠠᠢ ᠡᠳᠦᠷ ᠤᠳ ᠲᠤ | ᠰᠥᠨᠢ ᠶᠢ ᠪᠣᠯᠵᠣᠮᠣᠷ ᠤᠨ ᠬᠤᠰᠢᠭᠤᠨ ᠳᠤ ᠵᠠᠭᠤᠯᠭᠠᠭᠠᠳ | ᠨᠣᠶᠢᠷ ᠢᠶᠠᠨ ᠭᠡᠭᠡᠭᠰᠡᠨ ᠭᠡᠯᠦᠭᠮᠡ ᠨᠠᠷ ᠲᠤ ᠥᠭᠭᠦᠮᠡᠷ ᠪᠤᠯᠬᠤ ᠶᠤᠮ | | | | ᠪᠦᠷᠬᠦᠭ ᠪᠣᠷᠤᠭᠠ ᠲᠠᠢ ᠡᠳᠦᠷ ᠤᠳ ᠲᠤ | ᠴᠠᠭᠠᠨ ᠮᠥᠭᠦ ᠤᠷᠭᠤᠲᠠᠯᠠ ᠤᠨᠲᠠᠭᠠᠳ ᠁ | ᠰᠡᠷᠡᠭᠡᠳ | ᠴᠡᠩᠬᠡᠷ ᠮᠠᠨᠠᠨ ᠬᠥᠰᠢᠭᠡᠯᠡᠭᠰᠡᠨ ᠠᠭᠤᠯᠠᠰ ᠤᠨ ᠳᠤᠮᠳᠠ | ᠠᠯᠠᠭ ᠲᠡᠪᠡᠯ ᠲᠠᠢ ᠬᠡᠷᠡᠮᠦ ᠰᠢᠭ ᠰᠡᠷᠭᠦᠯᠡᠩ ᠰᠢᠯᠦᠭ ᠢᠶᠠᠨ ᠪᠢᠴᠢᠨᠡᠮ | ᠪᠦᠷᠬᠦᠭ ᠪᠣᠷᠤᠭᠠ ᠲᠠᠢ ᠡᠳᠦᠷ ᠤᠳ ᠲᠤ | ᠰᠢᠷᠭᠠᠯ ᠵᠡᠷᠭᠡᠯᠭᠡᠨ ᠤᠷᠤᠰᠲᠠᠯᠠ ᠤᠨᠲᠠᠭᠠᠳ ᠁ | ᠰᠡᠷᠡᠭᠡᠳ | ᠠᠯᠲᠠ ᠣᠰᠣᠨ ᠠᠴᠠ ᠨᠢ ᠠᠮᠰᠠᠭᠰᠠᠨ ᠴᠣᠬᠤᠷ ᠪᠤᠭᠤ | ᠮᠡᠨᠳᠦᠴᠢᠯᠡᠭᠡ ᠪᠣᠯᠭᠠᠨ ᠡᠪᠡᠷ ᠢᠶᠠᠨ ᠪᠡᠯᠭᠡᠯᠡᠬᠦ ᠰᠢᠭ ᠰᠢᠯᠦᠭ ᠪᠢᠴᠢᠨᠡᠮ | | | | ᠪᠦᠷᠬᠦᠭ ᠪᠣᠷᠤᠭᠠ ᠲᠠᠢ ᠡᠳᠦᠷ ᠤᠳ ᠲᠤ | ᠪᠥᠬᠦᠶᠢᠵᠦ ᠰᠠᠭᠤᠭᠠᠳ ᠦᠨᠢᠶᠡ ᠰᠠᠭᠠᠳᠠᠭ ᠡᠵᠢ ᠪᠠᠨ | ᠨᠣᠶᠢᠲᠠᠨ ᠡᠪᠡᠰᠦᠨ ᠤ ᠳᠤᠮᠳᠠ ᠠᠴᠠ ᠮᠥᠷ ᠢ ᠨᠢ ᠭᠡᠷᠡᠯᠳᠦᠲᠡᠯᠡ ᠰᠢᠯᠦᠭ ᠪᠢᠴᠢᠨᠡᠮ | ᠪᠦᠷᠬᠦᠭ ᠪᠣᠷᠤᠭᠠ ᠲᠠᠢ ᠡᠳᠦᠷ ᠤᠳ ᠲᠤ | ᠪᠡᠶᠡ ᠶᠢᠨ ᠮᠢᠨᠢ ᠳᠤᠮᠳᠠᠭᠤᠷ ᠤᠷᠤᠰᠬᠤ ᠴᠢᠰᠤ ᠪᠠᠨ ᠦᠶᠡᠷᠯᠡᠭᠦᠯᠦᠨ | ᠦᠶᠡ ᠦᠶᠡ ᠶᠢ ᠮᠢᠨᠢ ᠦᠷᠡᠵᠢᠭᠦᠯᠦᠭᠰᠡᠨ ᠡᠬᠡ ᠣᠷᠣᠨ ᠳᠠᠭᠠᠨ | ᠪᠣᠷᠣᠭᠠᠨ ᠤ ᠰᠣᠯᠣᠩᠭᠠ ᠬᠤᠪᠢᠯᠬᠤ ᠣᠯᠠᠨ ᠣᠯᠠᠨ ᠰᠢᠯᠦᠭ ᠪᠢᠴᠢᠨᠡᠮ︕ |