| | ᠵᠣᠬᠢᠶᠠᠭᠴᠢ᠄ ᠪᠣᠷᠵᠢᠭᠢᠨ ᠷ᠊·ᠨᠠᠰᠤᠨᠬᠡᠰᠢᠭ | | | ᠣᠪᠣᠭᠠ ᠣᠩᠭᠤᠳ ᠢ ᠭᠡᠶᠢᠭᠦᠯᠬᠦ ᠭᠡᠵᠦ ᠣᠳᠣᠳ ᠲᠠᠢ ᠬᠠᠮᠲᠤ ᠬᠠᠨᠢᠰᠴᠤ | ᠣᠷᠴᠢᠯᠠᠩ ᠤᠨ ᠠᠯᠢᠪᠠ ᠶᠢ ᠲᠠᠨᠢᠭᠳᠠᠭᠤᠯᠬᠤ ᠭᠡᠵᠦ ᠳᠡᠰᠤ ᠬᠠᠷᠠᠩᠭᠤᠢ ᠶᠢ ᠵᠦᠰᠦᠭᠰᠡᠨ | ᠠᠳᠤᠭᠤᠳ ᠤᠨ ᠬᠥᠯᠥᠰᠦ ᠲᠠᠢ ᠠᠮᠢᠰᠬᠤᠯᠯᠠᠬᠤ ᠭᠡᠵᠦ ᠨᠠᠮᠤᠭᠤᠬᠠᠨ ᠬᠥᠳᠡᠭᠡ ᠪᠠᠨ ᠪᠠᠷᠠᠯᠠᠵᠤ | ᠠᠭᠠᠭ ᠲᠠᠢ ᠴᠠᠢ ᠰᠦᠯᠡᠬᠦ ᠭᠡᠵᠦ ᠦᠷ ᠤᠨ ᠲᠤᠶᠠᠭᠠ ᠲᠠᠢ ᠮᠡᠨᠳᠦᠴᠢᠯᠡᠳᠡᠭ ᠶᠤᠮ | | | ᠡᠵᠢ ᠶᠢᠨ ᠬᠠᠷᠠᠴᠠ ᠲᠠᠢ ᠠᠯᠤᠰ ᠤᠨ ᠠᠯᠤᠰ ᠢ ᠡᠨᠡᠷᠢᠯ ᠬᠠᠶᠢᠷᠠ ᠪᠠᠷ ᠲᠡᠷᠭᠡᠯᠰᠢᠭᠦᠯᠵᠦ | ᠡᠵᠡᠨ ᠰᠠᠭᠤᠴᠠ ᠲᠠᠢ ᠪᠣᠷᠣᠬᠠᠨ ᠲᠠᠯᠠ ᠪᠠᠨ ᠨᠠᠷᠠ ᠲᠠᠢ ᠢᠵᠢᠯᠢᠬᠡᠨ ᠪᠦᠪᠡᠶᠢᠯᠡᠭᠰᠡᠨ | ᠡᠩ ᠦᠭᠡᠢ ᠡᠬᠡ ᠳᠡᠯᠡᠬᠡᠢ ᠪᠠᠨ ᠥᠪᠡᠷ ᠲᠡᠭᠡᠨ ᠲᠣᠯᠢᠳᠠᠬᠤ ᠶᠢᠨ ᠤᠴᠢᠷ | ᠡᠨᠡᠬᠡᠨ ᠬᠤᠷᠸᠠ ᠶᠢᠨ ᠠᠶᠠᠯᠭᠤ ᠪᠦᠭᠦᠨ ᠢ ᠡᠭᠡᠰᠢᠭ ᠳᠦᠷᠥᠭᠦᠯᠵᠤ ᠬᠥᠭᠵᠢᠮᠳᠡᠳᠡᠭ ᠶᠤᠮ | | | ᠣᠨ ᠣᠨ ᠤ ᠴᠡᠴᠡᠭᠲᠦ ᠵᠤᠨ ᠢ ᠴᠢᠯᠠᠭᠤᠳ ᠤᠨ ᠡᠯᠢᠭᠡᠨ ᠳᠤ ᠳᠡᠯᠭᠡᠷᠡᠭᠦᠯᠵᠦ | ᠤᠷᠭᠤᠬᠤ ᠡᠭᠦᠯᠡᠰ ᠤᠨ ᠰᠡᠮᠭᠡᠨ ᠨᠡᠭᠦᠳᠡᠯ ᠳᠡᠷᠡ ᠤᠷᠤᠭᠤ ᠭᠦᠪᠤᠯᠵᠡᠭᠰᠡᠨ | ᠬᠥᠮᠥᠨ ᠵᠤᠨ ᠤ ᠬᠥᠬᠡ ᠳᠤᠮᠤᠭ ᠢ ᠳᠡᠭᠡᠳᠦ ᠲᠡᠭᠷᠢ ᠢᠪᠡᠭᠡᠬᠦ ᠳᠤ | ᠬᠥᠬᠡᠷᠡᠬᠦ ᠲᠠᠪᠢᠯᠠᠩ ᠤᠨ ᠠᠮᠢᠯᠠᠯ ᠪᠦᠭᠦᠨ ᠦᠷᠡ ᠦᠨᠳᠦᠰᠦ ᠲᠠᠢ ᠦᠷᠭᠦᠯᠵᠢᠯᠡᠳᠡᠭ ᠶᠤᠮ | | | ᠲᠡᠷᠲᠡᠭᠡᠬᠢ ᠨᠠᠷᠠᠪᠴᠢᠨ ᠠᠴᠠ ᠳᠡᠪᠳᠡᠷᠢᠨ ᠨᠢᠰᠬᠦ ᠬᠥᠬᠦᠭᠡ ᠶᠢᠨ ᠳᠠᠭᠤᠨ ᠢ ᠴᠢᠩᠨᠠᠵᠤ | ᠳᠠᠩᠳᠠ ᠪᠠᠨ ᠶᠠᠷᠢᠭᠳᠠᠳᠠᠭ ᠦᠯᠢᠭᠡᠷ ᠤᠨ ᠶᠢᠷᠲᠢᠨᠴᠦ ᠭᠦᠨ ᠰᠥᠨᠢ ᠪᠠᠷ ᠳᠤᠤᠨᠢᠬᠰᠠᠨ | ᠵᠥᠭᠡᠯᠡᠬᠡᠨ ᠮᠡᠯᠮᠡᠯᠵᠡᠬᠦ ᠴᠡᠭᠡᠨ ᠤᠰᠤᠨᠠ ᠠᠭᠤᠯᠠᠰ ᠤᠨ ᠥᠩᠭᠡ ᠪᠤᠭᠤᠷᠤᠯᠲᠤᠬᠤ ᠳᠤ | ᠵᠥᠩᠳᠡᠭᠡᠨ ᠡᠷᠢᠭᠳᠡᠬᠦ ᠥᠴᠥᠭᠡᠳᠦᠷ ᠤᠨ ᠲᠤᠬᠠᠢ ᠥᠨᠥᠴᠢᠨ ᠨᠢᠯᠪᠤᠰᠤ ᠲᠠᠢ ᠬᠤᠨᠣᠳᠠᠭ ᠶᠤᠮ | | | ᠡᠷᠲᠡ ᠡᠳᠦᠭᠡ ᠶᠢᠨ ᠴᠠᠭ ᠬᠤᠭᠤᠴᠠᠭᠠ ᠠᠯᠳᠠᠩᠬᠠᠨ ᠬᠠᠷᠭᠤᠢ ᠳᠤ ᠮᠥᠷᠳᠡᠭᠳᠡᠵᠦ | ᠡᠷᠭᠢᠨ ᠬᠠᠷᠠᠬᠤ ᠤᠯᠠ ᠮᠥᠷ ᠴᠠᠰᠤ ᠪᠣᠷᠣᠭᠠᠨ ᠲᠠᠢ ᠡᠭᠡᠯᠵᠢᠯᠡᠭᠰᠡᠨ | ᠡᠯᠢᠭᠡ ᠪᠦᠲᠦᠨ ᠬᠤᠩᠭᠤᠷᠬᠠᠨ ᠮᠥᠷᠥᠭᠡᠳᠦᠯ ᠥᠨᠢᠳᠡ ᠶᠢᠨ ᠰᠡᠳᠬᠢᠯ ᠢ ᠠᠷᠭᠠᠮᠵᠢᠬᠤ ᠳᠤ | ᠠᠮᠤᠷ ᠠᠮᠤᠭᠤᠯᠠᠩ ᠤᠨ ᠭᠡᠷᠡᠯ ᠭᠡᠭᠡ ᠵᠠᠭᠤᠨ ᠥᠭᠡᠳᠡ ᠲᠤᠨᠤᠯᠵᠠᠳᠠᠭ ᠶᠤᠮ |