| ᠤᠷᠠᠳ ᠨᠤᠳᠤᠭ ᠨᠢ ᠴᠦᠯᠯᠡᠷᠬᠡᠭ᠂ ᠠᠭᠤᠯᠠᠷᠬᠠᠭ᠂ ᠴᠢᠭᠢᠭᠯᠢᠭ ᠵᠡᠷᠭᠡ ᠠᠳᠠᠯᠢ ᠪᠤᠰᠤ ᠰᠢᠨᠵᠢ ᠴᠢᠨᠠᠷ ᠪᠦᠬᠦᠢ ᠣᠷᠤᠨ ᠨᠤᠳᠤᠭ ᠢ ᠪᠠᠭᠲᠠᠭᠠᠳᠠᠭ ᠠᠴᠠ ᠠᠳᠠᠯᠢ | ᠪᠣᠰᠤ ᠣᠷᠤᠨ ᠨᠤᠳᠤᠭ ᠤᠨ ᠠᠳᠠᠯᠢ ᠪᠣᠰᠤ ᠪᠠᠶᠢᠭᠠᠯᠢ᠂ ᠭᠠᠵᠠᠷ ᠵᠦᠢ ᠶᠢᠨ ᠣᠨᠴᠠᠯᠢᠭ ᠲᠤ ᠲᠤᠬᠢᠷᠠᠭᠰᠠᠨ ᠣᠯᠠᠨ ᠵᠦᠢᠯ ᠤᠨ ᠭᠡᠭᠡᠷᠡ ᠶᠢᠨ ᠠᠷᠢᠶᠠᠳᠠᠨ᠂ ᠵᠢᠭᠦᠷᠲᠡᠨ | ᠨᠤᠳᠤᠭᠯᠠᠨ ᠤᠷᠤᠰᠢᠭᠰᠠᠭᠠᠷ ᠢᠷᠡᠭᠰᠡᠨ ᠶᠤᠮ᠃ ᠤᠷᠠᠳ ᠤᠨ ᠭᠤᠪᠢ ᠵᠤ ᠨᠤᠲᠤᠭ ᠢᠶᠠᠷ ᠬᠠᠮᠤᠭ ᠣᠯᠠᠨ ᠪᠠᠶᠢᠳᠠᠭ ᠠᠮᠢᠲᠠᠨ ᠭᠦᠷᠦᠭᠡᠰᠦ ᠭᠡᠪᠡᠯ ᠵᠡᠭᠡᠷᠡ ᠶᠠᠩᠭᠢᠷ᠂ | ᠬᠤᠯᠠᠨ᠂ ᠠᠭᠤᠯᠠᠷᠬᠠᠭ ᠤᠷᠤᠨ ᠢᠶᠠᠷ ᠪᠣᠯ ᠬᠦᠬᠡ ᠢᠮᠠᠭᠠ᠂ ᠤᠯᠠᠭᠠᠨ ᠢᠮᠠᠭᠠ ᠣᠯᠠᠨ ᠪᠠᠶᠢᠳᠠᠭ᠃ ᠪᠠᠰᠠ ᠠᠷᠭᠠᠯᠢ᠂ ᠪᠦᠬᠦᠩ᠂ ᠲᠠᠤᠯᠠᠢ ᠬᠢᠭᠡᠳ ᠨᠣᠭᠳᠤᠷᠤ᠂ | ᠲᠤᠭᠤᠳᠠᠭ᠂ ᠲᠤᠭᠤᠷᠤᠤ᠂ ᠢᠲᠠᠭᠤ᠂ ᠲᠤᠩᠰᠢᠭᠤᠯ᠂ ᠬᠠᠶᠢᠷᠠᠭᠤᠴᠠᠢ ᠪᠠᠶᠢᠳᠠᠭ᠃ ᠮᠢᠬᠠᠴᠢᠨ ᠠᠮᠢᠲᠠᠨ ᠳᠤ ᠢᠷᠪᠢᠰ᠂ ᠴᠢᠨ᠋ᠸᠠ᠂ ᠦᠨᠡᠭᠡ᠂ ᠰᠢᠯᠦᠭᠦᠰᠦ᠂ ᠬᠢᠷᠰᠠ᠂ | ᠮᠠᠩᠭᠢᠰᠦ᠂ ᠬᠠᠷᠠ ᠬᠦᠷᠡᠩ ᠪᠤᠯᠠᠭᠠ᠂ ᠦᠮᠡᠬᠡᠢ ᠬᠦᠷᠡᠩ᠂ ᠰᠢᠷᠠ ᠰᠤᠯᠤᠩᠭᠠ᠂ ᠪᠠᠶᠢᠳᠠᠭ᠃ ᠰᠢᠪᠠᠭᠤᠳ ᠤᠨ ᠵᠦᠢᠯ ᠳᠤ ᠪᠦᠷᠭᠦᠳ᠂ ᠬᠠᠷᠴᠠᠭᠠᠢ᠂ ᠬᠢᠷᠢᠶᠡ᠂ | ᠬᠠᠷᠠ ᠰᠢᠪᠠᠭᠤ᠂ ᠰᠢᠷᠠ ᠰᠢᠪᠠᠭᠤ᠂ ᠵᠤᠷᠠᠬᠠ᠂ ᠲᠠᠰ ᠵᠡᠷᠭᠡ ᠮᠢᠬᠠᠴᠢᠨ ᠰᠢᠪᠠᠭᠤ ᠤᠳ ᠪᠠᠶᠢᠳᠠᠭ᠃ ᠡᠭᠦᠨ ᠳᠤ ᠶᠤᠯᠤ ᠭᠡᠭᠴᠢ ᠨᠢᠭᠡᠨ ᠲᠦᠷᠦᠯ ᠤᠨ ᠰᠢᠪᠠᠭᠤᠨ ᠤ | ᠭᠡᠳᠡᠰᠦ ᠨᠢ ᠬᠦᠮᠦᠨ ᠤ ᠬᠤᠳᠤᠭᠤᠳᠤ ᠭᠡᠳᠡᠰᠦᠨ ᠤ ᠡᠪᠡᠳᠴᠢᠨ ᠢ ᠵᠠᠰᠠᠬᠤ ᠳᠤ ᠰᠠᠶᠢᠨ ᠭᠡᠳᠡᠭ ᠪᠠ ᠦᠮᠡᠬᠡᠢ ᠬᠦᠷᠡᠩ ᠭᠡᠳᠡᠭ ᠠᠮᠢᠲᠠᠨ ᠤ ᠮᠢᠬᠠ ᠶᠢ ᠠᠳᠤᠭᠤᠨ ᠤ | ᠭᠡᠮ ᠳᠤ ᠰᠠᠶᠢᠨ ᠭᠡᠳᠡᠭ᠃ ᠡᠨᠡ ᠮᠡᠲᠦ ᠮᠢᠬᠠ ᠨᠢ ᠡᠮ ᠤᠨ ᠵᠦᠢᠯ ᠳᠤ ᠤᠷᠤᠳᠠᠭ ᠠᠮᠢᠲᠠᠨ ᠠᠷᠪᠠᠭᠠᠳ ᠵᠦᠢᠯ ᠪᠠᠶᠢᠳᠠᠭ᠃ ᠪᠦᠷᠢᠨ ᠪᠣᠰᠣ ᠪᠦᠷᠢᠳᠭᠡᠯ ᠢ | ᠦᠨᠳᠦᠰᠦᠯᠡᠪᠡᠯ ᠡᠳᠦᠭᠡ ᠪᠤᠯᠳᠠᠯᠠ ᠤᠷᠠᠳ ᠨᠤᠲᠤᠭ ᠲᠤ ᠬᠠᠮᠠᠭᠠᠯᠠᠯᠲᠠ ᠳᠤ ᠤᠷᠤᠭᠰᠠᠨ ᠠᠮᠢᠲᠠᠨ ᠨᠡᠶᠢᠲᠡ 36 ᠲᠦᠷᠦᠯ᠂ ᠡᠭᠦᠨ ᠳᠤ ᠠᠷᠢᠶᠠᠲᠠᠨ 10 ᠵᠦᠢᠯ᠂ | ᠵᠢᠭᠦᠷᠲᠡᠨ 26 ᠵᠦᠢᠯ ᠪᠠᠶᠢᠨᠠ᠃ ᠡᠭᠦᠨ ᠤ ᠲᠤᠳᠤᠷᠠ ᠤᠯᠤᠰ ᠤᠨ ᠨᠢᠭᠡᠳᠦᠭᠡᠷ ᠳᠡᠰ ᠤᠨ ᠬᠠᠮᠠᠭᠠᠯᠠᠯᠲᠠ ᠳᠤ ᠤᠷᠤᠭᠰᠠᠨ ᠠᠮᠢᠲᠠᠨ ᠨᠡᠶᠢᠲᠡ 8 ᠵᠦᠢᠯ ᠪᠠᠶᠢᠵᠤ᠂ | 3 ᠨᠢ ᠠᠷᠢᠶᠠᠳᠠᠨ ᠤ ᠲᠦᠷᠦᠯ᠂ 5 ᠨᠢ ᠵᠢᠭᠦᠷᠲᠡᠨ ᠤ ᠲᠦᠷᠦᠯ ᠪᠤᠯᠤᠨ᠃ ᠬᠤᠶᠠᠳᠤᠭᠠᠷ ᠳᠡᠰ ᠤᠨ ᠬᠠᠮᠠᠭᠠᠯᠠᠯᠲᠠ ᠳᠤ ᠤᠷᠤᠭᠰᠠᠨ ᠠᠮᠢᠲᠠᠨ ᠨᠡᠶᠢᠲᠡ 23 ᠵᠦᠢᠯ | ᠪᠠᠶᠢᠵᠤ᠂ 7 ᠨᠢ ᠠᠷᠢᠶᠠᠳᠠᠨ ᠤ ᠲᠦᠷᠦᠯ᠂ 16 ᠨᠢ ᠵᠢᠭᠦᠷᠲᠡᠨ ᠤ ᠲᠦᠷᠦᠯ ᠪᠤᠯᠤᠨᠠ᠃ ᠠᠷᠢᠶᠠᠳᠠᠨ ᠵᠢᠭᠦᠷᠲᠡᠨ ᠠᠴᠠ ᠭᠠᠳᠠᠨᠠ᠂ ᠤᠷᠠᠳ ᠨᠤᠲᠤᠭ ᠲᠤ ᠰᠤᠮᠤᠨ | ᠴᠠᠭᠠᠨ᠂ ᠨᠤᠮᠤᠬᠠᠨ ᠪᠤᠷᠤ ᠭᠡᠭᠴᠢ ᠮᠤᠭᠠᠢ ᠶᠢᠨ ᠲᠦᠷᠦᠯ ᠵᠦᠢᠯ᠂ ᠮᠤᠭᠠᠢ ᠶᠢᠨ ᠭᠦᠷᠪᠡᠯ᠂ ᠬᠤᠨᠢᠨ ᠬᠦᠷᠪᠡᠯ ᠤᠨ ᠵᠦᠢᠯ ᠲᠤᠰ ᠭᠠᠵᠠᠷ ᠤᠨ ᠬᠦᠷᠦᠰᠦ ᠰᠢᠷᠦᠢ ᠶᠢᠨ | ᠣᠨᠴᠠᠯᠢᠭ ᠲᠤ ᠲᠤᠬᠢᠷᠠᠭᠰᠠᠨ ᠢᠶᠠᠷ ᠢᠶᠠᠨ ᠪᠠᠶᠢᠩᠭᠤ ᠬᠠᠷᠠᠭᠳᠠᠳᠠᠭ ᠪᠠᠶᠢᠨᠠ᠃ | ᠮᠣᠩᠭᠤᠯ ᠲᠡᠤᠬᠡ ᠰᠤᠶᠤᠯ ᠤᠨ ᠰᠤᠩᠭᠤᠳᠠᠭ ᠵᠣᠬᠢᠶᠠᠯ ᠤᠨ ᠬᠦᠮᠦᠷᠭᠡ᠂ | ᠵᠠᠩ ᠦᠢᠯᠡ ᠶᠢᠨ ᠴᠤᠪᠤᠷᠠᠯ ᠪᠢᠴᠢᠭ ︽ᠤᠷᠠᠳ ᠵᠠᠩ ᠦᠢᠯᠡ︾ ᠠᠴᠠ ᠪᠠᠭᠤᠯᠭᠠᠪᠠ |