| | ᠵᠣᠬᠢᠶᠠᠭᠴᠢ᠄ ᠮᠠ᠊ · ᠡᠷᠳᠡᠨᠢᠪᠠᠲᠤ | | | | ᠵᠤᠨ ᠤ ᠪᠣᠷᠤᠭᠠ ᠱᠠᠭᠢᠨ ᠣᠷᠣᠬᠤ ᠶᠢ ᠴᠢᠩᠨᠠᠭᠰᠠᠭᠠᠷ | ᠵᠢᠷᠤᠭ ᠰᠢᠭ᠋ ᠲᠠᠯᠠ ᠳᠠᠭᠠᠨ ᠭᠠᠭᠴᠠᠭᠠᠷ ᠭᠡᠭᠡᠯᠵᠡᠨ ᠬᠡᠶᠢᠷᠬᠡᠵᠦ | ᠲᠡᠷᠲᠡᠭᠡ ᠠᠯᠤᠰ ᠰᠣᠯᠣᠩᠭᠠᠷᠠᠬᠤ ᠲᠡᠭᠷᠢ ᠶᠢᠨ ᠬᠠᠶᠠᠭᠠ ᠵᠦᠭ | ᠲᠡᠰᠬᠡᠯ ᠦᠭᠡᠢ ᠮᠥᠷᠥᠭᠡᠳᠦᠯ ᠢᠶᠠᠨ ᠠᠯᠳᠠᠵᠤ ᠣᠷᠭᠢᠯᠠ | ᠡᠨᠡᠬᠡᠨ ᠣᠷᠴᠢᠯᠠᠩ ᠤᠨ ᠪᠣᠷᠣᠭᠠᠨ ᠤ ᠴᠡᠩᠬᠡᠷ ᠳᠤᠰᠤᠯ ᠤᠳ | ᠡᠶᠢᠮᠦ ᠯᠠ ᠠᠩᠬᠢᠯᠤᠮᠠ ᠪᠠᠶᠢᠭᠠ ᠶᠢ ᠪᠢ ᠤᠬᠠᠨ ᠮᠡᠳᠡᠭᠡ ᠦᠭᠡᠢ | ᠴᠡᠴᠡᠭᠲᠦ ᠤᠯᠠᠷᠢᠯ ᠤᠨ ᠡᠭᠦᠯᠡᠰ ᠨᠠᠮᠠ ᠲᠠᠢ ᠲᠣᠭᠯᠠᠭᠠᠮ ᠬᠢᠬᠦ ᠰᠢᠭ | ᠴᠢᠭᠢᠭᠯᠢᠭ ᠲᠠᠭᠠᠲᠠᠢ ᠰᠡᠪᠡᠯᠵᠡᠭᠡ ᠴᠡᠭᠡᠵᠢ ᠶᠢ ᠠᠭᠤᠵᠢᠷᠠᠲᠠᠯᠠ ᠰᠡᠩᠭᠢᠨᠡᠨᠡ | ᠬᠡᠴᠢᠨᠡᠨ ᠵᠢᠯ ᠥᠩᠭᠡᠷᠡᠲᠡᠯᠡ ᠬᠡᠭᠡᠷᠡ ᠶᠢᠨ ᠭᠤᠶᠣᠮᠰᠤᠭ ᠲᠤ ᠲᠠᠲᠠᠭᠳᠠᠨ | ᠭᠡᠶᠦᠷᠡᠨ ᠵᠣᠭᠰᠤᠭᠠ ᠨᠠᠮᠠᠶᠢ ᠥᠭᠡᠷᠡ ᠬᠡᠨ ᠣᠶᠢᠯᠠᠭᠠᠬᠤ ᠪᠤᠢ | ᠦᠷᠡ ᠪᠠᠨ ᠳᠠᠭᠠᠭᠤᠯᠤᠭᠰᠠᠨ ᠲᠣᠭᠤᠷᠤᠤ ᠶᠢᠨ ᠬᠥᠩᠭᠡᠬᠡᠨ ᠠᠯᠬᠤᠭᠠ | ᠡᠪᠡᠰᠦ ᠨᠠᠪᠴᠢᠰ ᠢ ᠰᠠᠨᠠᠭᠠ ᠠᠯᠳᠠᠭᠤᠯᠤᠮᠠᠷ ᠠᠶᠢᠵᠠᠮ ᠲᠠᠢ ᠬᠠᠷᠠᠭᠳᠠᠨᠠ | ᠪᠦᠯᠢᠶᠡᠬᠡᠨ ᠬᠤᠷᠠ ᠶᠢᠨ ᠳᠤᠰᠤᠯ ᠬᠠᠴᠠᠷ ᠨᠣᠷᠭᠠᠭᠠᠬᠤ ᠪᠠᠷ ᠯᠠ | ᠪᠠᠶᠢᠭᠠᠯᠢ ᠶᠢᠨ ᠭᠠᠶᠢᠬᠠᠮᠰᠢᠭ ᠭᠡᠳᠡᠭ ᠶᠠᠮᠠᠷᠬᠠᠨ ᠰᠠᠶᠢᠬᠠᠨ ᠢ ᠮᠡᠳᠡᠷᠡᠨᠡ | ᠡᠭᠡᠭᠡ ᠠᠳᠠᠯᠢᠪᠲᠤᠷ ᠢᠷᠡᠵᠦ ᠪᠤᠴᠠᠳᠠᠭ ᠣᠨ ᠵᠢᠯ ᠨᠦᠭᠦᠳ ᠯᠠ | ᠡᠷᠭᠢᠴᠡᠭᠦᠯᠦᠯ ᠤᠨ ᠰᠢᠵᠢᠮ ᠢ ᠭᠦᠨᠳᠡᠨ ᠪᠤᠳᠤᠯ ᠢ ᠭᠡᠭᠡᠯᠵᠡᠭᠦᠯᠭᠦ ᠠᠴᠠ | ᠠᠯᠲᠠᠨ ᠬᠠᠷᠢᠶᠠᠴᠠᠢ ᠳᠡᠷᠭᠡᠳᠡᠭᠦᠷ ᠪᠠᠶᠠᠷᠯᠠᠯᠳᠤᠨ ᠰᠦᠯᠵᠢᠯᠳᠦᠭᠰᠡᠭᠡᠷ | ᠤᠢ ᠰᠠᠨᠠᠮᠵᠢ ᠶᠤᠮᠰᠢᠭ ᠰᠣᠯᠣᠩᠭᠠᠨ ᠶᠢᠷᠲᠢᠨᠴᠦ ᠳᠤ ᠲᠥᠭᠡᠷᠢᠭᠦᠯᠦᠨᠡ᠃ | | |