| | ᠵᠣᠬᠢᠶᠠᠭᠴᠢ᠄ ᠷ᠊·ᠲᠦᠮᠡᠨ᠋ᠥ᠌ᠯᠵᠡᠢ | | ᠵᠢᠯ ᠵᠢᠯ ᠳᠡᠭᠡᠨ ᠴᠡᠯᠡᠭᠡᠷᠡᠭᠡᠳ ᠢᠷᠡᠳᠡᠭ | ᠭᠤᠶᠣ ᠭᠤᠷᠪᠠᠨ ᠰᠠᠷᠠ | ᠣᠨ ᠣᠨ ᠳᠠᠭᠠᠨ ᠳᠡᠯᠭᠡᠷᠡᠭᠡᠳ ᠥᠩᠭᠡᠷᠡᠳᠡᠭ | ᠣᠭ᠍ᠶᠤ ᠶᠡᠷᠡᠨ ᠬᠤᠨᠤᠭ | | ᠬᠠᠨ ᠰᠠᠨᠰᠠᠷ ᠤᠨ ᠨᠠᠷᠠ ᠠᠴᠠ ᠨᠠᠭᠠᠰᠢ ᠪᠠᠨ | ᠬᠠᠮᠤᠭ ᠤᠨ ᠣᠶᠢᠷᠠᠬᠠᠨ ᠵᠠᠢ ᠰᠠᠨ ᠪᠢᠯᠡ︕ | ᠬᠠᠮ ᠰᠡᠷᠡᠯ ᠤᠨ ᠴᠠᠷᠠᠭᠠ ᠠᠴᠠ ᠭᠠᠳᠠᠭᠰᠢ ᠪᠠᠨ | ᠬᠠᠯᠭᠢᠨ ᠴᠠᠯᠭᠢᠯᠠᠭᠰᠠᠨ ᠴᠠᠭ ᠰᠠᠨ ᠪᠢᠯᠡ︕ | | ᠮᠠᠨᠠᠨ ᠰᠡᠮᠡᠷᠬᠡᠢ ᠪᠠᠷ ᠴᠢᠬᠢᠨ ᠳᠤ ᠤᠶᠠᠷᠠᠭᠤ | ᠰᠠᠭᠠᠯᠢᠴᠢᠨ ᠡᠭᠡᠴᠢ ᠶᠢᠨ ᠴᠡᠭᠡᠯᠬᠡᠨ ᠡᠭᠡᠰᠢᠭ | ᠬᠠᠨᠠᠨ ᠴᠣᠭᠤᠷᠬᠠᠢ ᠪᠠᠷ ᠴᠡᠭᠡᠵᠢᠨ ᠳᠤ ᠠᠭᠤᠵᠢᠭᠤ | ᠰᠠᠷᠠᠭᠤᠯᠬᠠᠨ ᠠᠭᠠᠷ ᠤᠨ ᠡᠷᠡᠭᠦᠯᠭᠡᠨ ᠲᠦᠭᠡᠭᠡᠯ | | ᠠᠳᠤᠭᠤᠴᠢᠨ ᠠᠬᠠ ᠶᠢᠨ ᠤᠷᠭᠠᠨ ᠳᠤ ᠨᠠᠭᠠᠯᠳᠤᠭᠤᠯᠤᠭᠰᠠᠨ | ᠠᠯᠠᠭᠠᠨ ᠭᠤᠣᠯ ᠤᠨ ᠬᠢᠨᠢ ᠬᠥᠯᠥᠰᠦᠨ ᠣᠷᠣᠮ | ᠠᠶᠢᠷᠠᠭ ᠤᠨ ᠰᠠᠬᠠᠷᠠᠭᠠᠨ ᠳᠤ ᠬᠤᠷᠢᠵᠤ ᠳᠡᠶᠢᠯᠦᠭᠰᠡᠨ ᠦᠭᠡᠢ | ᠠᠷᠠᠭᠠ ᠵᠠᠪᠠᠵᠢ ᠶᠢᠨ ᠬᠢᠨᠢ ᠰᠢᠯᠦᠰᠦᠨ ᠱᠦᠭᠦᠷᠡᠯ | | ᠰᠡᠪᠢᠯᠵᠡᠬᠦ ᠰᠠᠯᠬᠢ ᠪᠠᠷ ᠰᠡᠩᠭᠢᠨᠡᠨ ᠦᠨᠦᠷᠲᠦᠭᠰᠡᠨ | ᠰᠠᠷᠠᠭᠤᠯ ᠲᠠᠯᠠ ᠶᠢᠨ ᠰᠢᠮᠡᠯᠢᠭ ᠠᠭᠢ | ᠰᠡᠩᠰᠡᠨ ᠠᠭᠤᠷ ᠢᠶᠠᠷ ᠤᠷᠠᠨ ᠢᠶᠠᠨ ᠭᠠᠶᠢᠬᠠᠭᠤᠯᠤᠭᠰᠠᠨ | ᠰᠠᠮᠪᠠᠢ ᠴᠡᠩᠬᠡᠷ ᠰᠡᠷᠭᠦᠯᠡᠩ ᠵᠡᠷᠭᠡᠯᠭᠡᠨ ᠁ | | ᠵᠤᠨ ᠭᠡᠵᠦ ᠶᠠᠭᠤ ᠰᠠᠨ ᠪᠢᠯᠡ︖ | ᠤᠷᠢᠬᠠᠨ ᠬᠠᠪᠤᠷ ᠢᠶᠠᠨ ᠦᠳᠡᠵᠦ ᠮᠣᠷᠳᠠᠭᠤᠯᠤᠭᠰᠠᠨ | ᠴᠡᠯᠡᠭᠡᠷ ᠭᠤᠷᠪᠠᠨ ᠰᠠᠷᠠ | ᠲᠠᠷᠭᠤᠨ ᠨᠠᠮᠤᠷ ᠢᠶᠠᠨ ᠤᠭᠲᠤᠵᠤ ᠬᠦᠯᠢᠶᠡᠭᠰᠡᠨ | ᠳᠡᠯᠭᠡᠷ ᠶᠡᠷᠡᠨ ᠬᠤᠨᠤᠭ | ᠵᠠᠭᠤᠨ ᠥᠩᠭᠡ ᠶᠢᠨ ᠪᠤᠳᠤᠭ ᠢ ᠵᠠᠷᠤᠭᠠᠳ | ᠵᠢᠷᠤᠵᠤ ᠪᠠᠭᠲᠠᠭᠰᠠᠨ ᠦᠭᠡᠢ ᠳ᠋ᠢᠰᠺ ᠶᠤᠮ ᠪᠠᠶᠢᠨᠠ︕ | ᠳᠠᠭᠤᠨ ᠮᠥᠩᠬᠡ ᠶᠢᠨ ᠪᠤᠳᠣᠯ ᠢ ᠣᠷᠭᠤᠭᠤᠯᠤᠭᠠᠳ | ᠰᠢᠩᠭᠡᠭᠡᠵᠦ ᠭᠦᠷᠥᠭᠰᠡᠨ ᠦᠭᠡᠢ ᠲᠠᠶᠢᠫ ᠶᠤᠮ ᠪᠠᠶᠢᠨᠠ︕ | | |