| | ᠵᠣᠬᠢᠶᠠᠭᠴᠢ᠄ ᠡᠷᠬᠢᠮᠲᠣᠭᠲᠠᠬᠤ | | ᠠᠪᠤ ᠮᠢᠨᠢ ᠶᠡᠭᠡ ᠯᠡ ᠵᠣᠭᠤᠭ ᠲᠠᠢ ᠬᠥᠮᠥᠨ ᠪᠠᠶᠢᠭᠰᠠᠨ | ᠠᠳᠤᠭᠤᠨ ᠠᠴᠠ ᠪᠠᠨ ᠪᠤᠴᠠᠵᠤ ᠡᠮᠡᠭᠡᠯ ᠱᠠᠭᠠᠯᠬᠤ ᠶᠢᠨ ᠠᠯᠳᠠᠮ ᠳᠤ | ᠤᠶᠠᠭᠠᠨ ᠳᠡᠭᠡᠷᠡ ᠦᠭᠡ ᠶᠢᠨ ᠭᠤᠭᠴᠤᠭᠠ ᠠᠯᠳᠠᠷᠠᠭᠠᠨ | ᠤᠬᠠᠭᠠᠯᠢᠭ ᠬᠠᠯᠭᠢᠮᠠ ᠵᠣᠭᠤᠭ ᠲᠠᠢ ᠪᠣᠱᠤᠭᠠ ᠳᠠᠪᠠᠳᠠᠭ ᠪᠠᠶᠢᠭᠰᠠᠨ | | | ᠴᠡᠴᠡᠭᠲᠦ ᠵᠣᠨ ᠤ ᠲᠠᠯᠠ ᠪᠠᠷ ᠮᠣᠷᠢ ᠪᠠᠨ ᠬᠠᠵᠠᠯᠠᠭᠤᠯᠤᠨ ᠬᠥᠭᠵᠢᠯᠳᠦᠳᠡᠭ | ᠰᠢᠷᠭᠠᠯ ᠨᠠᠮᠤᠷ ᠤᠨ ᠬᠠᠳᠤᠯᠠᠩ ᠳᠤ ᠬᠡᠭᠡᠷᠡ ᠶᠢᠨ ᠴᠠᠢ ᠲᠠᠢ ᠲᠦᠷᠭᠢᠲᠡᠭ | ᠴᠠᠰᠤ ᠲᠠᠢ ᠡᠪᠦᠯ ᠤᠨ ᠰᠥᠨᠢ ᠪᠠᠷ ᠣᠳᠣᠳ ᠡᠪᠰᠢᠶᠡᠲᠡᠯᠡ ᠬᠠᠭᠤᠴᠢᠯᠠᠳᠠᠭ | ᠴᠠᠭ ᠤᠨ ᠡᠬᠢ ᠬᠠᠪᠤᠷ ᠢᠶᠠᠷ ᠠᠳᠤᠭᠤᠨ ᠲᠣᠭᠤᠰᠣᠨ ᠳᠤ ᠬᠡᠶᠢᠷᠬᠡᠳᠡᠭ | | | ᠠᠪᠤ ᠶᠢᠨ ᠵᠣᠭᠤᠭ ᠲᠠᠭᠠᠵᠦ ᠪᠢ ᠠᠯᠲᠠᠨ ᠲᠠᠯᠠ ᠳᠤ ᠭᠦᠷᠦᠭᠰᠡᠨ | ᠠᠳᠤᠭᠤᠨ ᠰᠠᠯᠬᠢ ᠨᠠᠭᠠᠳᠴᠤ ᠲᠡᠭᠷᠢ ᠶᠢᠨ ᠬᠢᠵᠠᠭᠠᠷ ᠵᠣᠷᠢᠭᠰᠠᠨ | ᠠᠷᠠᠳ ᠤᠨ ᠨᠠᠭᠠᠳᠤᠮ ᠳᠤᠭᠤᠶᠢᠯᠠᠵᠤ ᠡᠷᠡ ᠶᠢᠨ ᠬᠡᠶᠢᠮᠣᠷᠢ ᠰᠡᠷᠭᠦᠭᠡᠭᠰᠡᠨ | ᠠᠪᠤᠷᠭᠤ ᠶᠢᠨ ᠲᠣᠬᠰᠢᠨ ᠳᠡᠪᠢᠯᠭᠡ ᠲᠠᠢ ᠲᠦᠮᠡᠨ ᠤ ᠤᠤᠬᠠᠢ ᠴᠢᠩᠨᠠᠭᠰᠠᠨ | | | ᠲᠦᠷᠪᠡᠨ ᠴᠠᠭ ᠤᠨ ᠨᠡᠭᠦᠳᠡᠯ ᠢᠶᠠᠷ ᠡᠪᠦᠭᠡᠳ ᠤᠨ ᠨᠤᠲᠤᠭ ᠲᠤ ᠪᠠᠭᠤᠴᠠᠯᠠᠵᠦ | ᠲᠡᠮᠡᠭᠡᠨ ᠵᠢᠩ ᠤᠨ ᠡᠭᠡᠰᠢᠭ ᠲᠠᠢ ᠡᠵᠢ ᠶᠢᠨ ᠳᠠᠪᠤᠰᠤ ᠲᠠᠢ ᠪᠤᠴᠠᠳᠠᠭ | ᠡᠷᠢᠯ ᠤᠨ ᠴᠠᠭᠠᠨ ᠰᠠᠯᠬᠢ ᠲᠠᠢ ᠥᠷᠥᠭᠡᠯ ᠤᠨ ᠨᠤᠲᠤᠭ ᠡᠷᠭᠢᠴᠡᠵᠦ | ᠦᠶᠡ ᠬᠤᠷᠠᠭ ᠤᠨ ᠮᠠᠯᠴᠢᠳ ᠲᠠᠢ ᠦᠷ ᠤᠨ ᠭᠡᠭᠡ ᠲᠡᠮᠲᠡᠷᠢᠳᠡᠭ | | | ᠴᠠᠭ ᠲᠦᠷᠦ ᠶᠢᠨ ᠰᠠᠯᠬᠢᠨ ᠤ ᠢᠷ ᠲᠤ ᠰᠡᠳᠬᠢᠯ ᠤᠨ ᠰᠣᠷᠪᠢ ᠲᠠᠢ ᠨᠢ ᠡᠮᠵᠡᠭᠯᠡᠳᠡᠭ | ᠴᠠᠭᠠᠨ ᠵᠤᠳ ᠤᠨ ᠣᠨ ᠵᠢᠯ ᠢᠶᠠᠷ ᠬᠡᠭᠡᠷᠡ ᠶᠢᠨ ᠴᠢᠯᠠᠭᠤᠳ ᠲᠠᠢ ᠨᠢ ᠬᠤᠨᠣᠭᠯᠠᠳᠠᠭ | ᠴᠤᠬ ᠬᠡᠶᠢᠮᠣᠷᠢ ᠶᠢᠨ ᠰᠦᠵᠢᠭ ᠪᠠᠷᠢᠵᠤ ᠠᠭᠤᠯᠠ ᠣᠰᠣᠨ ᠳᠠᠭᠠᠨ ᠵᠠᠯᠪᠠᠷᠢᠳᠠᠭ | ᠴᠢᠩᠭᠠ ᠡᠷᠡᠮᠡᠬᠡᠢ ᠵᠣᠷᠢᠭ ᠰᠠᠭᠤᠵᠤ ᠬᠦᠰᠡᠯ ᠤᠨ ᠵᠢᠯᠣᠭᠤ ᠠᠳᠬᠤᠳᠠᠭ | | | ᠲᠡᠭᠷᠢ ᠶᠢᠨ ᠡᠭᠦᠯᠡ ᠰᠠᠷᠠᠪᠴᠢᠯᠠᠬᠤ ᠪᠤᠲᠣᠯ ᠲᠠᠢ ᠨᠢ ᠪᠢ ᠰᠢᠪᠡᠨᠡᠳᠡᠭ | ᠲᠥᠯ ᠤᠨ ᠲᠠᠭᠤ ᠬᠠᠩᠭᠢᠨᠠᠬᠤ ᠲᠠᠯᠠ ᠶᠢᠨ ᠡᠯᠢᠭᠡᠨ ᠳᠤᠨᠢ ᠲᠣᠭᠯᠠᠳᠠᠭ | ᠲᠡᠦᠬᠡ ᠲᠣᠮᠤᠬ ᠤᠨ ᠠᠯᠠᠭᠠᠨ ᠳᠤᠨᠢ ᠤᠬᠠᠭᠠᠨ ᠣᠷᠭᠤᠵᠦ ᠪᠡᠶᠡᠯᠡᠳᠡᠭ | ᠲᠠᠯᠪᠢᠭᠤᠨ ᠳᠡᠯᠭᠡᠷ ᠵᠣᠭᠤᠭ ᠠᠴᠠ ᠨᠢ ᠠᠮᠢᠳᠤᠷᠠᠯ ᠤᠨ ᠡᠷᠦᠭᠡ ᠲᠠᠲᠠᠳᠠᠭ ᠠ᠋ | | |