| ᠳ᠋ᠧᠩᠺᠧᠦ ᠰᠢᠶᠠᠨ ᠬᠠᠲᠤᠨ ᠭᠤᠣᠯ ᠢ ᠬᠠᠪᠢᠳᠠᠨ ᠪᠠᠶᠢᠷᠢᠯᠠᠵᠤ᠂ ᠬᠠᠲᠤᠨ ᠭᠤᠣᠯ ᠤᠨ ᠵᠢᠭᠠᠰᠤ ᠡᠯᠪᠡᠭ ᠭᠠᠷᠳᠠᠭ᠃ ᠪᠣᠷᠣᠲᠣᠬᠤᠢ ᠣᠷᠣᠨ ᠳᠤ ︽ᠬᠠᠪᠤᠷ | ᠴᠤᠯᠪᠤᠭᠤᠷᠲᠤ ᠵᠢᠭᠠᠰᠤ᠂ ᠨᠠᠮᠤᠷ ᠮᠥᠷᠭᠦ ᠵᠢᠭᠠᠰᠤ︾ ᠭᠡᠰᠡᠨ ᠦᠭᠡ ᠪᠠᠶᠢᠳᠠᠭ᠂ ᠳᠠᠷᠤᠢ ᠬᠠᠪᠤᠷ ᠴᠤᠯᠪᠤᠭᠤᠷᠲᠤ ᠵᠢᠭᠠᠰᠤ ᠬᠠᠮᠤᠭ ᠲᠠᠷᠭᠤᠨ ᠠᠮᠲᠠᠯᠢᠭ ᠪᠠᠶᠢᠵᠤ᠂ | ᠨᠠᠮᠤᠷ ᠲᠤᠨᠢ ᠮᠥᠷᠭᠦ ᠵᠢᠭᠠᠰᠤ ᠬᠠᠮᠤᠭ ᠰᠢᠮᠡ ᠰᠠᠶᠢᠲᠠᠢ ᠪᠠᠶᠢᠳᠠᠭ ᠭᠡᠰᠡᠨ ᠦᠭᠡ ᠪᠣᠯᠣᠨᠠ᠃ | ᠴᠤᠯᠪᠤᠭᠤᠷᠲᠤ ᠵᠢᠭᠠᠰᠤ ᠮᠠᠰᠢ ᠬᠤᠪᠣᠷ᠂ ᠮᠢᠬᠠ ᠨᠢ ᠨᠠᠷᠢᠯᠢᠭ᠂ ᠠᠮᠲᠠ ᠰᠠᠶᠢᠲᠠᠢ᠂ ᠰᠢᠮᠡ ᠲᠡᠭᠦᠰ ᠪᠠᠶᠢᠵᠤ᠂ ︽ᠬᠠᠲᠤᠨ ᠲᠠᠶᠢᠯᠬᠤ ᠦᠶᠡ ᠶᠢᠨ | ᠴᠤᠯᠪᠤᠭᠤᠷᠲᠤ ᠵᠢᠭᠠᠰᠤ ᠶᠢ ᠣᠷᠬᠤᠳᠠᠢ ᠪᠠᠷ ᠰᠣᠯᠢᠬᠤ ᠦᠭᠡᠢ︾ ᠭᠡᠰᠡᠨ ᠦᠭᠡ ᠪᠠᠶᠢᠳᠠᠭ᠃ | ᠬᠠᠲᠤᠨ ᠭᠤᠣᠯ ᠤᠨ ᠮᠥᠷᠭᠦ ᠵᠢᠭᠠᠰᠤ ᠪᠣᠯ ᠮᠠᠨ ᠤ ᠤᠯᠤᠰ ᠤᠨ ᠳᠥᠷᠪᠡᠨ ᠶᠡᠭᠡ ᠨᠡᠷᠡᠲᠦ ᠵᠢᠭᠠᠰᠤ ᠶᠢᠨ ᠨᠢᠭᠡ ᠪᠢᠯᠡ ︵ᠮᠢᠩ ᠤᠯᠤᠰ ᠤᠨ ᠦᠶᠡᠰ᠂ ᠲᠠᠢ | ᠬᠤ ᠨᠠᠭᠤᠷ ᠤᠨ ᠮᠥᠩᠭᠦᠨ ᠵᠢᠭᠠᠰᠤ᠂ ᠰᠦᠩᠵᠢᠶᠠᠩ ᠠᠯᠠᠭᠠᠨᠠ᠂ ᠬᠠᠲᠤᠨ ᠭᠤᠣᠯ ᠤᠨ ᠮᠥᠷᠭᠦ᠂ ᠬᠥᠬᠡᠮᠥ᠋ᠷᠡᠨ ᠤ ᠴᠠᠭᠴᠢ ᠵᠢᠭᠠᠰᠤ ᠶᠢ ᠳᠤᠮᠳᠠᠳᠤ ᠤᠯᠤᠰ ᠤᠨ | ᠳᠥᠷᠪᠡᠨ ᠶᠡᠭᠡ ᠨᠡᠷᠡᠲᠦ ᠵᠢᠭᠠᠰᠤ ᠭᠡᠳᠡᠭ︶᠃ | ᠮᠥᠷᠭᠦ ᠵᠢᠭᠠᠰᠤ ᠨᠢ ᠳᠤᠮᠳᠠᠳᠤ ᠶᠢᠨ ᠰᠣᠶᠣᠯ ᠳᠤ ᠥᠯᠵᠡᠶᠢᠲᠦ ᠵᠢᠭᠠᠰᠤ ᠭᠡᠭᠳᠡᠵᠦ᠂ ︽ᠮᠥᠷᠭᠦ ᠵᠢᠭᠠᠰᠤ ᠯᠤᠤᠰ ᠤᠨ ᠬᠠᠭᠠᠯᠭᠠ ᠶᠢ ᠬᠠᠷᠠᠶᠢᠬᠤ︾ ᠭᠡᠰᠡᠨ | ᠤᠯᠠᠮᠵᠢᠯᠠᠯ ᠪᠠᠶᠢᠵᠤ᠂ ᠰᠠᠶᠢᠨ ᠰᠠᠶᠢᠬᠠᠨ ᠬᠦᠰᠡᠯ ᠡᠷᠡᠮᠡᠯᠵᠡᠯ ᠪᠡᠶᠡᠯᠡᠭᠳᠡᠬᠦ ᠶᠢᠨ ᠪᠡᠯᠭᠡᠳᠡᠯ ᠪᠣᠯᠵᠤ ᠪᠠᠶᠢᠳᠠᠭ᠃ | ᠤᠯᠠᠮᠵᠢᠯᠠᠯ ᠶᠠᠷᠢᠶᠠ ᠶᠢ ᠦᠨᠳᠥᠰᠦᠯᠡᠪᠡᠯ᠂ ᠡᠩᠬᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠭᠠᠯᠳᠠᠨ ᠪᠣᠱᠣᠭᠲᠤ ᠬᠠᠭᠠᠨ ᠢ ᠳᠠᠶᠢᠯᠠᠵᠤ ᠢᠯᠠᠯᠲᠠ ᠣᠯᠣᠭᠠᠳ ᠪᠤᠴᠠᠬᠤ | ᠵᠠᠮ ᠳᠠᠭᠠᠨ ᠣᠩᠭᠤᠴᠠᠨ ᠳᠤ ᠰᠠᠭᠤᠵᠤ ᠤᠷᠤᠰᠬᠠᠯ ᠤᠷᠤᠭᠤᠳᠠᠨ ᠶᠠᠪᠤᠭᠠᠳ ᠰᠠᠨ ᠱᠧᠩ ᠭᠦᠩ ᠳᠤ ᠢᠷᠡᠵᠦ ᠠᠮᠠᠷᠠᠵᠠᠢ᠃ ᠲᠤᠬᠠᠢ ᠶᠢᠨ ᠦᠶᠡᠰ ᠲᠤᠰ ᠭᠠᠵᠠᠷ ᠨᠢ | ᠠᠯᠠᠱᠠ ᠬᠤᠱᠤᠳ ᠸᠠᠩ ᠤᠨ ᠬᠠᠷᠢᠶᠠᠨ ᠳᠤ ᠪᠠᠶᠢᠭᠰᠠᠨ ᠲᠤᠯᠠ᠂ ᠠᠯᠠᠱᠠ ᠸᠠᠩ ᠵᠢᠭᠠᠰᠤ ᠪᠠᠷ ᠳᠠᠶᠢᠯᠠᠵᠠᠢ᠃ ᠳᠠᠶᠢᠯᠠᠯᠭᠠ ᠳᠡᠭᠡᠷᠡ᠂ ᠡᠩᠬᠡ ᠠᠮᠤᠭᠤᠯᠠᠩ ᠬᠠᠭᠠᠨ | ᠬᠠᠲᠤᠨ ᠭᠤᠣᠯ ᠤᠨ ᠵᠢᠭᠠᠰᠤ ᠶᠢ ᠮᠠᠰᠢ ᠠᠮᠲᠠᠷᠬᠠᠨ ᠮᠠᠭᠲᠠᠵᠤ ᠪᠠᠶᠢᠵᠠᠢ᠃ ᠪᠡᠭᠡᠵᠢᠩ ᠳᠤ ᠪᠤᠴᠠᠭᠰᠠᠨ ᠤ ᠳᠠᠷᠠᠭᠠ᠂ ᠡᠩᠬᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠰᠠᠨ ᠱᠧᠩ | ᠭᠦᠩ ᠤᠨ ᠬᠠᠲᠤᠨ ᠭᠤᠣᠯ ᠤᠨ ᠵᠢᠭᠠᠰᠤ ᠶᠢ ᠮᠠᠷᠲᠠᠵᠤ ᠴᠢᠳᠠᠬᠤ ᠦᠭᠡᠢ ᠲᠤᠯᠠ ᠠᠯᠠᠱᠠ ᠸᠠᠩ ᠢᠶᠠᠷ ᠵᠢᠯ ᠪᠣᠯᠭᠠᠨ ᠤ ᠬᠠᠪᠤᠷ ᠨᠠᠮᠤᠷ ᠪᠡᠭᠡᠵᠢᠩ ᠳᠤ ᠵᠢᠭᠠᠰᠤ | ᠬᠦᠷᠭᠡᠯᠭᠡᠬᠦ ᠪᠣᠯᠵᠤ᠂ ᠰᠠᠨ ᠱᠧᠩ ᠭᠦᠩ ᠤᠨ ᠵᠢᠭᠠᠰᠤ ᠶᠢ ︽ᠬᠠᠲᠤᠨ ᠭᠤᠣᠯ ᠤᠨ ᠡᠷᠭᠦᠴᠡ ᠵᠢᠭᠠᠰᠤ︾ ᠭᠡᠵᠦ ᠨᠡᠷᠡᠶᠢᠳᠴᠡᠢ᠃ |