ᠮᠣᠩᠭᠤᠯᠴᠤᠳᠤᠨ ᠥᠯᠥᠭᠡᠢ ᠵᠢᠨ ᠶᠣᠰᠣᠨ
ᠨᠡᠶ᠋ᠢᠲᠡᠯᠡᠭᠰᠡᠨ ᠴᠠᠭ᠄ 2024-07-23
ᠮᠣᠩᠭᠤᠯᠴᠤᠳ ᠨᠢᠯᠬᠠ ᠬᠡᠦᠬᠡᠳ ᠵᠶ᠋ᠠᠨ ᠥᠯᠥᠭᠡᠶ᠋ᠢᠳᠡᠵᠦ ᠥᠰᠬᠡᠬᠦ ᠵᠢ ᠡᠷᠬᠢᠮᠯᠡᠳᠡᠭ᠃ ᠥᠯᠥᠭᠡᠢ ᠵᠢᠨ ᠬᠤᠶᠠᠷ ᠠᠷᠠᠯᠨᠢ ᠬᠤᠶᠠᠷ ᠲᠣᠬᠤᠢ ᠢᠯᠡᠭᠦᠦ ᠣᠷᠲᠣ᠂ ᠳᠣᠣᠷᠠ ᠲᠠᠯᠠᠨᠢ ᠬᠠᠭ᠋ᠠᠰ ᠨᠣᠮᠣᠨ ᠬᠡᠯᠪᠡᠷᠢᠲᠡᠢ ᠮᠣᠳᠣᠨ ᠬᠠᠪᠲᠠᠰᠤᠪᠠᠷ ᠪᠦᠲᠦᠭᠰᠡᠨ ᠪᠥᠭᠡᠳ ᠬᠤᠶᠠᠷ ᠠᠷᠠᠯ ᠳᠡᠭᠡᠷᠡᠨᠢ ᠭᠤᠶᠣᠮᠰᠤᠭ ᠵᠢᠵᠢᠭ ᠴᠣᠩᠬᠤ ᠤᠷᠠᠯᠠᠨ ᠵᠠᠰᠠᠭᠰᠠᠨ ᠪᠠᠶ᠋ᠢᠳᠠᠭ᠃ ᠨᠣᠮᠣᠨ ᠬᠡᠯᠪᠡᠷᠢᠲᠡᠢ ᠠᠷᠠᠯᠤᠨ ᠢᠷᠤᠭ᠋ᠠᠷᠨᠢ ᠥᠯᠥᠭᠡᠢᠪᠠᠨ ᠬᠥᠳᠡᠯᠭᠡᠬᠦᠳᠤ ᠦᠢ᠍ᠯᠡᠳᠦᠯᠲᠠᠢ᠂ ᠠᠷᠠᠯ ᠳᠡᠭᠡᠷᠡᠬᠢ ᠵᠢᠵᠢᠭ ᠴᠣᠩᠬᠤᠨᠢ ᠨᠢᠯᠬᠠ ᠬᠡᠦᠬᠡᠳ ᠵᠶ᠋ᠠᠨ ᠳᠠᠷᠤᠨ ᠤᠶᠠᠬᠤᠳᠤ ᠬᠡᠷᠡᠭᠯᠡᠨᠡ᠃ ᠥᠯᠥᠭᠡᠢ ᠬᠢᠬᠦ ᠮᠣᠳᠣ ᠵᠢ ᠵᠠᠪᠠᠯ ᠦᠷᠡᠯᠡᠬᠦ ᠮᠣᠳᠣ ᠰᠣᠩᠭᠤᠨᠠ᠂ ᠥᠯᠥᠭᠡᠢ ᠵᠢᠨ ᠲᠣᠯᠣᠭ᠋ᠠᠢᠨᠢ ᠬᠠᠪᠢᠷᠭ᠋ᠠᠨ ᠰᠠᠷᠠ ᠬᠡᠯᠪᠡᠷᠢᠲᠡᠢ᠂ ᠪᠤᠷᠭ᠋ᠠᠰᠤ ᠵᠢ ᠮᠠᠲᠠᠶ᠋ᠢᠯᠭ᠋ᠠᠭᠰᠠᠨᠤ ᠲᠠᠷᠠᠭᠠ ᠤᠯᠠᠭ᠋ᠠᠨ ᠪᠤᠶᠤ ᠴᠠᠭ᠋ᠠᠨ ᠪᠥᠰ ᠵᠶ᠋ᠠᠷ ᠪᠦᠷᠬᠦᠨ ᠣᠶᠣᠵᠤ᠂ ᠬᠦᠦ ᠪᠣᠯ ᠮᠣᠷᠢ᠂ ᠪᠦᠷᠭᠦᠳ ᠵᠡᠷᠭᠡ ᠠᠮᠢᠲᠠᠨ ᠤᠷᠠᠯᠠᠨ ᠣᠶᠣᠵᠤ᠂ ᠡᠷᠡᠯᠬᠡᠭ ᠪᠠᠭ᠋ᠠᠲᠤᠷ ᠬᠡᠶ᠋ᠢᠮᠣᠷᠢᠲᠠᠢ ᠪᠣᠯᠬᠤ ᠵᠢ ᠪᠡᠯᠭᠡᠳᠡᠳᠡᠭ᠃ ᠥᠬᠢᠨ ᠪᠣᠯ ᠬᠤᠸᠠᠷ ᠴᠡᠴᠡᠭ᠂ ᠮᠣᠳᠣ ᠤᠷᠭᠤᠮᠠᠯ ᠬᠠᠳᠬᠤᠨ ᠣᠶᠣᠵᠤ᠂ ᠰᠡᠴᠡᠨ ᠰᠡᠷᠭᠦᠯᠡᠭ ᠭᠤᠶᠣ ᠬᠡᠭᠡᠨᠴᠢᠷ ᠪᠣᠯᠬᠤ ᠵᠢᠨᠢ ᠵᠥᠩᠨᠡᠳᠡᠭ᠃ ᠥᠯᠥᠭᠡᠢ ᠵᠢᠨ ᠲᠣᠯᠣᠭ᠋ᠠᠢᠳᠤ ᠪᠠᠰᠠ ᠲᠣᠯᠢ᠂ ᠪᠠᠷᠰᠤᠨ ᠰᠠᠪᠠᠷ᠂ ᠢᠮᠠᠭ᠋ᠠᠨ ᠡᠪᠡᠷ᠂ ᠬᠤᠨᠢᠨ ᠱᠠᠭᠠ ᠡᠯᠭᠦᠳᠡᠭᠨᠢ ᠭᠠᠢ ᠪᠠᠷᠴᠢᠳᠢ ᠠᠷᠢᠯᠭ᠋ᠠᠵᠤ᠂ ᠠᠮᠤᠷ ᠲᠠᠶ᠋ᠢᠪᠣᠭ᠌ᠢ ᠬᠦᠰᠡᠨ ᠪᠡᠯᠭᠡᠳᠡᠭᠰᠡᠨ ᠰᠠᠨᠠᠭᠠ ᠪᠣᠯᠣᠨᠠ᠃ ᠣᠳᠣ ᠴᠦ᠍ ᠭᠡᠳ ᠥᠯᠥᠭᠡᠢ ᠵᠢᠨ ᠲᠣᠯᠣᠭ᠋ᠠᠢᠳᠤ ᠲᠣᠯᠢ ᠡᠯᠭᠦᠬᠦᠨᠢ ᠨᠡᠯᠢᠶᠡᠳ ᠬᠠᠳᠠᠭ᠋ᠠᠯᠠᠭᠳᠠᠵᠤ ᠪᠠᠶ᠋ᠢᠨᠠ᠃ ᠬᠦᠦᠲᠠᠢ ᠪᠣᠯᠪᠠᠯ ᠨᠠᠭ᠋ᠠᠴᠤᠠᠴᠠᠨᠢ ᠥᠯᠥᠭᠡᠢ ᠬᠦᠷᠭᠡᠳᠡᠭ᠂ ᠡᠨᠡᠨᠢ ᠡᠷᠲᠡᠨᠤ ᠦᠶᠡ ᠵᠢᠨ ᠬᠦᠦ ᠵᠢ ᠬᠦᠨᠳᠣᠳᠬᠡᠵᠣ ᠬᠡᠦᠬᠡᠨᠢ ᠬᠥᠩᠭᠡᠪᠴᠢᠯᠡᠬᠦ ᠨᠠᠵᠠᠭ᠋ᠠᠢ ᠲᠠᠯᠠᠠᠴᠠ ᠪᠣᠯᠤᠭᠰᠠᠨ ᠪᠠᠶ᠋ᠢᠬᠠ᠃ ᠣᠳᠣ ᠨᠡᠶ᠋ᠢᠭᠡᠮᠤᠨ ᠬᠥᠭᠵᠢᠯᠲᠡ ᠪᠣᠯᠣᠨ ᠡᠷᠡᠭᠲᠡᠢ ᠡᠮᠡᠭᠲᠡᠢ ᠵᠢ ᠡᠷᠬᠡ ᠲᠡᠭᠰᠢ ᠦᠵᠡᠬᠦ ᠪᠣᠯᠤᠭᠰᠠᠨᠠᠴᠠ ᠬᠦᠦ ᠬᠡᠦᠬᠡᠨ ᠭᠡᠵᠦ ᠢᠯᠭ᠋ᠠᠯ ᠦᠭᠡᠢ᠂ ᠨᠠᠭ᠋ᠠᠴᠤᠠᠴᠠᠨᠢ ᠥᠯᠥᠭᠡᠢ ᠬᠦᠷᠭᠡᠵᠦ᠂ ᠬᠠᠶ᠋ᠢᠷᠠᠯᠠᠨ ᠰᠠᠨᠠᠵᠤ ᠪᠠᠶ᠋ᠢᠬᠤ ᠰᠡᠳᠬᠢᠯ ᠵᠶ᠋ᠠᠨ ᠢᠯᠡᠳᠬᠡᠬᠦ ᠪᠣᠯᠵᠠᠢ᠃ ᠪᠠᠰᠠ ᠵᠠᠷᠢᠮᠨᠢ ᠰᠢᠨᠡ ᠥᠯᠥᠭᠡᠢ ᠬᠡᠷᠡᠭᠯᠡᠬᠦ ᠦᠭᠡᠢ᠂ ᠲᠤᠰᠬᠠᠶ᠋ᠢᠯᠠᠨ ᠣᠯᠠᠨ ᠬᠡᠦᠬᠡᠳ ᠥᠯᠥᠭᠡᠶ᠋ᠢᠳᠡᠵᠦ ᠥᠩᠭᠡᠷᠡᠭᠰᠡᠨ ᠥᠯᠥᠭᠡᠢ ᠵᠢᠭᠡᠯᠡᠵᠦ ᠥᠯᠥᠭᠡᠶ᠋ᠢᠳᠡᠳᠡᠭ᠂ ᠣᠯᠠᠨ ᠬᠡᠦᠬᠡᠳ ᠥᠯᠥᠭᠡᠶ᠋ᠢᠳᠡᠵᠦ ᠥᠰᠬᠡᠭᠰᠡᠨ ᠥᠯᠥᠭᠡᠢ ᠬᠡᠦᠬᠡᠳᠲᠤᠨᠢ ᠥᠯᠵᠡᠢ ᠪᠡᠯᠭᠡ ᠠᠪᠴᠢᠷᠠᠨᠠ ᠭᠡᠵᠦ ᠦᠵᠡᠳᠡᠭ᠃
ᠥᠯᠥᠭᠡᠢ ᠵᠢᠨ ᠳᠡᠪᠢᠰᠬᠡᠷᠢ ᠵᠣᠬᠢᠶᠠᠬᠤᠳᠠᠭᠠᠨ ᠴᠡᠪᠡᠷᠯᠡᠵᠦ ᠬᠠᠳᠠᠭ᠋ᠠᠭᠰᠠᠨ ᠰᠠᠭ᠋ᠠᠭᠤᠨ ᠬᠠᠯᠢᠰᠤ ᠵᠢ ᠪᠥᠰ ᠤᠭᠤᠲᠠᠨᠳᠤ ᠰᠠᠪᠠᠯᠠᠵᠤ ᠣᠶᠣᠭ᠋ᠠᠳ ᠬᠠᠮᠤᠭᠤᠨ ᠳᠣᠣᠷᠠᠨᠢ ᠳᠡᠪᠢᠰᠦᠨᠡ᠃ ᠡᠨᠡᠨᠢ ᠴᠢᠬᠢᠭᠢ ᠰᠡᠷᠭᠡᠶ᠋ᠢᠯᠡᠵᠦ᠂ ᠬᠠᠯᠠᠭᠤᠨᠢ ᠲᠠᠷᠬᠠᠭ᠋ᠠᠬᠤ ᠦᠢ᠍ᠯᠡᠳᠦᠯᠲᠠᠢ᠃ ᠲᠠᠷᠠᠭᠠᠨᠢ ᠬᠤᠴᠢᠯᠭᠠ ᠵᠢᠨ ᠨᠢᠭᠡ ᠦᠵᠦᠭᠦᠷᠢ ᠥᠯᠥᠭᠡᠢ ᠵᠢᠨ ᠲᠣᠯᠣᠭ᠋ᠠᠢ ᠤᠷᠤᠭᠤ ᠬᠠᠨᠳᠤᠭᠤᠯᠤᠨ ᠳᠡᠯᠭᠡᠵᠦ ᠲᠠᠯᠪᠢᠭ᠋ᠠᠳ᠂ ᠳᠡᠭᠡᠷᠡᠨᠢ ᠬᠠᠯᠠᠭᠤᠯᠵᠤ ᠬᠠᠭᠤᠷᠠᠶ᠋ᠢᠯᠠᠭᠰᠠᠨ ᠮᠠᠩᠬᠠᠨ ᠰᠢᠷᠣᠢᠪᠠᠨ ᠲᠡᠭᠰᠢᠯᠡᠨ ᠳᠡᠪᠢᠰᠴᠦ᠂ ᠬᠡᠦᠬᠡᠳᠤᠨ ᠲᠣᠯᠣᠭ᠋ᠠᠢ ᠵᠢ ᠥᠯᠥᠭᠡᠢ ᠵᠢᠨ ᠬᠠᠶᠠᠭᠠᠳᠤ ᠲᠤᠯᠭ᠋ᠠᠨ ᠬᠡᠦᠬᠡᠳ ᠵᠶ᠋ᠠᠨ ᠬᠡᠪᠲᠡᠭᠦᠯᠦᠨᠡ᠃ ᠡᠨᠡᠨᠢ ᠬᠥᠩᠭᠡᠵᠢᠯᠲᠡᠠᠴᠠ ᠪᠣᠯᠤᠭᠰᠠᠨ ᠬᠡᠦᠬᠡᠳᠤᠨ ᠲᠣᠯᠣᠭ᠋ᠠᠢ ᠬᠡᠲᠦᠷᠬᠡᠢ ᠭᠤᠵᠤᠭ᠋ᠠᠷ ᠪᠣᠯᠤᠭᠰᠠᠨᠢ ᠵᠠᠯᠠᠷᠠᠭᠤᠯᠬᠤ ᠦᠢ᠍ᠯᠡᠳᠦᠯᠲᠠᠢ᠃ ᠳᠡᠪᠢᠰᠦᠭᠰᠡᠨ ᠮᠠᠩᠬᠠ ᠰᠢᠷᠣᠢᠨᠢ ᠬᠡᠦᠬᠡᠳᠲᠤ ᠲᠠᠭ᠋ᠠᠲᠠᠢ ᠮᠥᠷᠲᠡᠭᠡᠨ ᠰᠢᠭᠡᠰᠦ ᠵᠢ ᠰᠢᠩᠭᠡᠭᠡᠬᠦ ᠦᠢ᠍ᠯᠡᠳᠦᠯᠲᠠᠢ᠃ ᠬᠡᠦᠬᠡᠳ ᠵᠶ᠋ᠠᠨ ᠴᠢᠩᠭᠠ ᠪᠠᠭᠯᠠᠭ᠋ᠠᠳ ᠥᠯᠥᠭᠡᠢ ᠵᠢᠨ ᠠᠷᠠᠯᠳᠤ ᠵᠣᠬᠢᠶᠠᠭᠰᠠᠨ ᠪᠦᠰᠡᠪᠠᠷ ᠴᠢᠩᠭᠠ ᠳᠠᠷᠤᠭᠤᠯᠤᠨ ᠤᠶᠠᠨᠠ᠂ ᠡᠨᠡᠨᠢ ᠬᠡᠦᠬᠡᠳᠤᠨ ᠬᠥᠯ ᠮᠤᠷᠤᠢ ᠪᠣᠯᠬᠤᠠᠴᠠ ᠰᠡᠷᠭᠡᠶ᠋ᠢᠯᠡᠨᠡ᠃ ᠥᠯᠥᠭᠡᠢᠪᠠᠨ ᠬᠥᠩᠭᠡᠨ ᠬᠥᠳᠡᠯᠭᠡᠵᠦ᠂ ᠬᠡᠦᠬᠡᠳ ᠵᠶ᠋ᠠᠨ ᠠᠮᠲᠠᠲᠤ ᠨᠣᠶ᠋ᠢᠷᠲᠤᠨᠢ ᠣᠷᠣᠭᠤᠯᠤᠨᠠ᠃ ᠣᠳᠣ ᠠᠮᠢᠳᠤᠷᠠᠯᠤᠨ ᠨᠥᠬᠦᠴᠡᠯ ᠰᠠᠶ᠋ᠢᠵᠢᠷᠠᠭᠰᠠᠨ ᠲᠤᠯᠠ ᠰᠢᠭᠡᠰᠦ ᠠᠭᠤᠰᠬᠠᠬᠤ ᠪᠥᠰ ᠵᠶ᠋ᠠᠷ ᠮᠠᠩᠬᠠ ᠰᠢᠷᠣᠢ ᠵᠢ ᠣᠷᠣᠯᠠᠭᠤᠯᠬᠤᠨᠢ ᠣᠯᠠᠨ ᠪᠣᠯᠵᠠᠢ᠃
ᠮᠣᠩᠭᠤᠯᠴᠤᠳᠤᠨ ᠬᠡᠦᠬᠡᠳ ᠵᠶ᠋ᠠᠨ ᠥᠯᠥᠭᠡᠶ᠋ᠢᠳᠡᠵᠦ ᠥᠰᠬᠡᠬᠦ ᠶᠣᠰᠣᠨᠢ ᠦᠷᠡ ᠬᠡᠦᠬᠡᠳ ᠵᠶ᠋ᠠᠨ ᠡᠷᠡᠭᠦᠯ ᠰᠠᠶ᠋ᠢᠬᠠᠨ ᠪᠡᠶᠡ ᠲᠥᠷᠬᠦᠲᠠᠢ ᠪᠣᠯᠭ᠋ᠠᠨ ᠲᠣᠷᠨᠢᠭᠤᠯᠤᠨ ᠪᠣᠶ᠋ᠢᠵᠢᠭᠤᠯᠬᠤᠳᠤ ᠬᠡᠮᠵᠢᠶᠡᠯᠡᠰᠢ ᠦᠭᠡᠢ ᠦᠢ᠍ᠯᠡᠳᠦᠯ ᠴᠢᠳᠠᠪᠤᠷᠢᠪᠠᠨ ᠦᠵᠡᠭᠦᠯᠦᠭᠰᠡᠨ ᠪᠠᠶ᠋ᠢᠨᠠ᠃
ᠢᠷᠡᠯᠲᠡ᠄ ᠤᠷᠠᠳᠤᠨ ᠬᠤᠶ᠋ᠢᠲᠤ ᠬᠤᠰᠢᠭᠤᠨᠤ ᠵᠠᠰᠠᠭᠤᠨ ᠤᠷᠳᠤᠨᠤ ᠮᠤᠩᠭᠤᠯ ᠰᠦᠯᠵᠢᠶᠠ