ᠮᠣᠩᠭᠤᠯᠴᠤᠳᠤᠨ ᠬᠡᠯᠡ ᠶᠠᠷᠢᠶᠠᠨᠤ ᠲᠤᠬᠠᠢ ᠴᠡᠭᠡᠷ ᠶᠣᠰᠣᠨ （ᠨᠢᠭᠡ）
ᠨᠡᠶ᠋ᠢᠲᠡᠯᠡᠭᠰᠡᠨ ᠴᠠᠭ᠄ 2024-06-22
ᠮᠣᠩᠭᠤᠯᠴᠤᠳᠤᠨ ᠵᠠᠩ ᠵᠠᠩᠰᠢᠯ᠂ ᠴᠡᠭᠡᠷ ᠶᠣᠰᠣᠨᠨᠢ ᠶᠡᠬᠡᠩᠬᠢᠳᠡᠭᠡᠨ ᠠᠳᠠᠯᠢᠬᠠᠨ ᠬᠡᠷᠡᠭᠯᠡᠭᠳᠡᠵᠦ ᠢᠷᠡᠭᠰᠡᠨ ᠪᠣᠯᠪᠠᠴᠤ ᠭᠠᠵᠠᠷ ᠭᠠᠵᠠᠷᠤᠨ ᠭᠠᠯᠠᠭᠤ ᠰᠢᠪᠠᠭᠤᠨᠢ ᠭᠤᠸᠠᠯᠠᠬᠤᠨᠢ ᠣᠨᠳᠣᠣ ᠭᠡᠳᠡᠭᠴᠢᠯᠡᠨ ᠲᠤᠰᠪᠦᠷᠢ ᠦᠭᠡ ᠬᠡᠯᠡᠯᠭᠡ᠂ ᠵᠠᠩ ᠳᠠᠳᠬᠠᠯᠤᠨ ᠨᠠᠷᠢᠨ ᠢᠯᠭ᠋ᠠᠭᠠ ᠬᠠᠷᠠᠭᠳᠠᠵᠤ ᠪᠠᠶ᠋ᠢᠳᠠᠭ ᠶᠤᠮ᠃ ᠶᠡᠷᠦᠨᠢ ᠴᠡᠭᠡᠷᠯᠡᠬᠦ ᠶᠣᠰᠣᠨᠳᠤ ᠬᠥᠮᠦᠨ ᠪᠦᠬᠦᠨ ᠶᠠᠮᠠᠷ ᠶᠠᠮᠠᠷ ᠵᠦᠢ᠍ᠯᠢ ᠶᠠᠭᠤᠨᠤ ᠤᠴᠢᠷᠠᠴᠠ ᠨᠠᠰᠤᠨ ᠡᠭᠦᠷᠢᠳᠡ ᠴᠡᠭᠡᠷᠯᠡᠬᠦ ᠴᠢᠬᠤᠯᠠᠲᠠᠢ ᠪᠤᠢ᠂ ᠶᠠᠭᠤ ᠶᠠᠭᠤ ᠵᠢ ᠶᠠᠮᠠᠷ ᠰᠢᠯᠲᠠᠭ᠋ᠠᠨᠠᠴᠠ ᠣᠬᠤᠷᠬᠠᠨ ᠬᠤᠭᠤᠴᠠᠭ᠋ᠠᠨᠳᠤ ᠠᠩᠬᠠᠷᠴᠤ ᠬᠢᠴᠢᠶᠡᠬᠦ ᠬᠡᠷᠡᠭᠲᠡᠢ ᠪᠤᠢ ᠭᠡᠳᠡᠭᠢ ᠲᠡᠭᠦᠨᠤ ᠦᠭᠡ ᠬᠡᠯᠡ᠂ ᠶᠣᠰᠣ ᠰᠤᠷᠲᠠᠬᠤᠨ᠂ ᠱᠠᠰᠢᠨ ᠰᠤᠷᠲᠠᠬᠤᠨ᠂ ᠭᠤᠸᠠ ᠵᠦᠢ᠂ ᠰᠡᠳᠬᠢᠴᠡ ᠵᠦᠢ᠂ ᠡᠷᠡᠭᠦᠯ ᠡᠩᠬᠡ᠂ ᠪᠠᠶ᠋ᠢᠭ᠋ᠠᠯᠢ ᠵᠢᠨ ᠬᠠᠤᠯᠢ ᠵᠡᠷᠭᠡ ᠬᠤᠯᠪᠣᠭᠳᠠᠯᠲᠠᠢ ᠵᠦᠢ᠍ᠯᠤᠳᠠᠴᠠᠨᠢ ᠰᠤᠳᠤᠯᠵᠤ᠂ ᠭᠦᠢ᠍ᠴᠡᠳ ᠵᠥᠪ ᠲᠠᠨᠢᠬᠤ ᠴᠢᠬᠤᠯᠠᠲᠠᠢ ᠭᠡᠳᠡᠭᠢ ᠶᠠᠭᠤᠨᠤ ᠤᠷᠢᠳ ᠠᠩᠬᠠᠷᠬᠤ ᠬᠡᠷᠡᠭᠲᠡᠢ ᠶᠤᠮ᠃ ᠡᠶ᠋ᠢᠮᠦᠠᠴᠠ ᠮᠣᠩᠭᠤᠯᠴᠤᠳ ᠡᠷᠲᠡ ᠦᠶᠡᠠᠴᠠ ᠠᠭᠤᠵᠢᠮ ᠪᠠᠭᠲᠠᠭ᠋ᠠᠮᠵᠢᠲᠠᠢ ᠪᠣᠯᠪᠠᠰᠤᠨ᠂ ᠴᠡᠪᠡᠷ ᠦᠭᠡ ᠶᠠᠷᠢᠶᠠ ᠵᠢ ᠴᠢᠬᠤᠯᠠᠴᠢᠯᠠᠵᠤ᠂ ᠡᠭᠦᠨ ᠵᠶ᠋ᠠᠷ ᠬᠥᠮᠦᠨ ᠬᠥᠮᠦᠨᠤ ᠬᠤᠭᠤᠷᠣᠨᠳᠣᠬᠢ᠂ ᠠᠶ᠋ᠢᠯ ᠰᠠᠭ᠋ᠠᠬᠠᠯᠲᠠ ᠵᠢᠨ ᠬᠤᠭᠤᠷᠣᠨᠳᠣᠬᠢ ᠪᠦᠷ ᠴᠢᠨᠠᠭᠰᠢᠯᠠᠭ᠋ᠠᠳ ᠪᠦᠬᠦ ᠨᠡᠶ᠋ᠢᠭᠡᠮᠤᠨ ᠡᠪ ᠨᠠᠶ᠋ᠢᠷ᠂ ᠡᠶᠡ ᠵᠣᠬᠢᠴᠠᠯᠢ ᠪᠠᠲᠤᠳᠬᠠᠵᠤ ᠢᠷᠡᠭᠰᠡᠨᠨᠢ ᠭᠠᠶ᠋ᠢᠬᠠᠯᠲᠠᠢ᠃
ᠮᠣᠩᠭᠤᠯᠴᠤᠳ ᠠᠮᠤᠷ ᠮᠡᠨᠳᠦ ᠠᠰᠠᠭᠤᠯᠴᠠᠬᠤᠳᠤ ᠪᠠᠰᠠ ᠴᠡᠭᠡᠷ ᠶᠣᠰᠣᠨ ᠪᠠᠶ᠋ᠢᠳᠠᠭ᠃ ᠵᠢᠱ᠌ᠢᠶᠡᠯᠡᠪᠡᠯ 《ᠰᠠᠶ᠋ᠢᠨ ᠶᠠᠪᠤᠵᠤ ᠪᠠᠶ᠋ᠢᠨᠠ ᠤᠤ？》 ᠭᠡᠵᠦ ᠠᠰᠠᠭᠤᠬᠤ ᠵᠢ ᠴᠡᠭᠡᠷᠯᠡᠵᠦ ᠪᠠᠶ᠋ᠢᠭᠰᠠᠨ ᠶᠤᠮ᠃ ᠵᠣᠴᠢᠨᠢ ᠬᠦᠨᠳᠦᠳᠬᠡᠬᠦ ᠡᠭᠦᠳᠡᠨᠠᠴᠠ ᠥᠪᠡᠷᠤᠨ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ ᠰᠠᠨᠠᠭᠠ᠂ ᠴᠠᠭ᠋ᠠᠪᠤᠷ ᠰᠡᠳᠬᠢᠯ ᠵᠶ᠋ᠠᠨ ᠢᠯᠡᠳᠬᠡᠬᠦ ᠵᠢᠨ ᠲᠥᠯᠥᠭᠡ᠂ ᠵᠣᠴᠢᠨ ᠢᠷᠡᠪᠡᠯ ᠭᠠᠳᠠᠨᠠ ᠭᠠᠷᠴᠤ ᠨᠣᠬᠠᠢ ᠬᠤᠷᠢᠵᠤ᠂ ᠭᠡᠷᠲᠡᠭᠡᠨ ᠣᠷᠣᠭᠤᠯᠤᠭ᠋ᠠᠳ᠄ 《ᠲᠠ ᠰᠠᠶ᠋ᠢᠨ ᠮᠣᠷᠢᠯᠠᠵᠤ ᠪᠠᠶ᠋ᠢᠨᠠ ᠤᠤ？》 ᠭᠡᠵᠦ ᠳᠣᠲᠣᠨᠣᠴᠢᠯᠠᠨ ᠠᠮᠤᠷ ᠠᠰᠠᠭᠤᠨ᠂ ᠬᠦᠬᠦᠷ ᠰᠣᠯᠢᠯᠴᠠᠨ ᠮᠡᠨᠳᠦᠴᠢᠯᠡᠳᠡᠭ ᠵᠠᠩᠰᠢᠯᠲᠠᠢ᠃ ᠮᠥᠨᠴᠦ ᠴᠠᠭ᠋ᠠᠨ ᠢᠳᠡᠭᠡ ᠲᠠᠪᠠᠭᠯᠠᠨ᠂ ᠰᠦᠲᠠᠢ ᠴᠠᠢ ᠠᠶᠠᠭ᠋ᠠᠯᠠᠵᠤ ᠵᠠᠰᠠᠳᠠᠭ ᠠᠷᠢᠭᠤᠨ ᠵᠠᠩᠰᠢᠯᠲᠠᠢ ᠪᠠᠶ᠋ᠢᠳᠠᠭ᠃ ᠬᠠᠭᠤᠴᠢᠨᠳᠤ ᠮᠣᠩᠭᠤᠯᠴᠤᠳ 《ᠤᠰᠤ ᠤᠤᠭᠤ》 ᠭᠡᠵᠦ ᠬᠡᠯᠡᠬᠦ ᠵᠢ ᠴᠡᠭᠡᠷᠯᠡᠳᠡᠭ ᠪᠠᠶ᠋ᠢᠵᠠᠢ᠃ ᠮᠣᠩᠭᠤᠯᠴᠤᠳᠤᠨ ᠤᠯᠠᠮᠵᠢᠯᠠᠯᠲᠤ ᠶᠣᠰᠣᠨ ᠵᠶ᠋ᠠᠷ ᠪᠤᠷᠬᠠᠨᠳᠤ ᠪᠣᠯ ᠲᠠᠬᠢᠯ᠂ ᠲᠡᠭᠷᠢᠳᠤ ᠪᠣᠯ ᠰᠠᠴᠤᠯᠢ᠂ ᠬᠥᠮᠦᠨᠳᠤ ᠪᠣᠯ ᠤᠮᠳᠠ᠂ ᠮᠠᠯ ᠠᠳᠤᠭᠤᠰᠤᠳᠤ ᠪᠣᠯ ᠰᠠᠶᠢ 《ᠤᠰᠤ》᠂ ᠴᠢᠳᠬᠦᠷᠲᠤ ᠪᠣᠯ ᠴᠢᠰᠤ ᠭᠡᠬᠦ ᠵᠡᠷᠭᠡ ᠤᠳᠬᠠ ᠵᠢᠨ ᠨᠠᠷᠢᠨ ᠢᠯᠭ᠋ᠠᠭᠠᠲᠠᠢ ᠬᠡᠷᠡᠭᠯᠡᠭᠳᠡᠳᠡᠭ ᠪᠠᠶ᠋ᠢᠭᠰᠠᠨ ᠪᠥᠭᠡᠳ ᠪᠤᠮᠪᠠᠳᠤ ᠭᠠᠷ ᠨᠢᠭᠤᠷ ᠤᠬᠢᠶᠠᠬᠤ ᠵᠢᠨᠢ ᠷᠠᠰᠢᠶᠠᠨ᠂ ᠲᠡᠭᠷᠢᠠᠴᠠ ᠪᠠᠭᠤᠬᠤ ᠵᠢᠨᠢ ᠪᠣᠷᠣᠭ᠋ᠠᠨ ᠬᠤᠷᠠ᠂ ᠭᠠᠵᠠᠷᠠᠴᠠ ᠪᠤᠷᠭᠢᠯᠬᠤ ᠵᠢᠨᠢ ᠪᠤᠯᠠᠭ᠂ ᠷᠠᠰᠢᠶᠠᠨ ᠭᠡᠵᠦ ᠠᠳᠠᠯᠢ ᠪᠤᠰᠤᠪᠠᠷ ᠨᠡᠷᠡᠶ᠋ᠢᠳᠴᠦ ᠢᠷᠡᠭᠰᠡᠨᠨᠢ ᠱᠠᠰᠢᠨ ᠰᠢᠲᠦᠯᠭᠡ᠂ ᠶᠣᠰᠣ ᠮᠣᠷᠠᠯᠠᠴᠠ ᠡᠭᠦᠰᠦᠯᠲᠡᠢ ᠪᠣᠯᠬᠤ ᠵᠢ ᠵᠠᠪᠠᠯ ᠮᠡᠳᠡᠬᠦ ᠬᠡᠷᠡᠭᠲᠡᠢ ᠶᠤᠮ᠃ ᠮᠣᠩᠭᠤᠯᠴᠤᠳ 《ᠤᠰᠤ ᠤᠤᠭᠤᠬᠤ》 ᠦᠭᠡᠢ ᠪᠢᠰᠢ ᠤᠤᠭᠤᠨᠠ᠃ ᠶᠡᠷᠦᠩᠬᠡᠢᠳᠡᠭᠡᠨ ᠪᠠᠷᠤᠭ ᠳᠣᠣᠷᠠᠬᠢ ᠬᠤᠶᠠᠷ ᠵᠦᠢ᠍ᠯᠤᠨ ᠪᠠᠶ᠋ᠢᠳᠠᠯ ᠳᠣᠣᠷᠠ ᠯᠡ ᠤᠤᠭᠤᠳᠠᠭ ᠪᠠᠶ᠋ᠢᠨᠠ᠃ ᠮᠠᠰᠢ ᠬᠦᠨᠳᠦ ᠡᠪᠡᠳᠴᠢᠨᠲᠠᠢ ᠬᠥᠮᠦᠨᠳᠤ ᠪᠤᠴᠠᠯᠤᠭᠰᠠᠨ ᠤᠰᠤ ᠤᠤᠭᠤᠯᠭ᠋ᠠᠵᠤ ᠡᠪᠡᠳᠴᠢᠨᠤ ᠬᠠᠯᠠᠭᠤᠨᠢ ᠬᠠᠳᠠᠩᠰᠢᠭᠤᠯᠤᠨᠠ᠃ ᠮᠥᠨ ᠪᠠᠰᠠ ᠨᠠᠰᠤᠨ ᠡᠴᠦᠰᠯᠡᠬᠦ ᠵᠢᠨ ᠳᠠᠪᠠᠭ᠋ᠠᠨ ᠳᠡᠭᠡᠷᠡ ᠬᠤᠭᠤᠯᠠᠢᠪᠠᠷᠨᠢ ᠬᠤᠭᠤᠯᠠ ᠤᠮᠳᠠ ᠣᠷᠣᠬᠤ ᠦᠭᠡᠢ ᠪᠣᠯ ᠠᠮᠠᠨᠳᠤᠨᠢ ᠬᠠᠯᠪᠠᠭᠠᠪᠠᠷ ᠪᠦᠯᠢᠶᠡᠨ ᠤᠰᠤ ᠥᠭᠳᠡᠭ᠃ ᠡᠶ᠋ᠢᠮᠦᠠᠴᠠ ᠡᠷᠲᠡᠨᠤ ᠦᠭᠡᠨᠳᠤ᠄ 《ᠠᠮᠢ ᠪᠠᠷᠠᠬᠤ ᠦᠶᠡᠰ ᠠᠮᠠᠨᠳᠤ ᠤᠰᠤ ᠬᠢᠬᠦ ᠬᠥᠮᠦᠨᠲᠠᠢ》 ᠭᠡᠳᠡᠭ᠃ ᠡᠶ᠋ᠢᠮᠦ ᠤᠴᠢᠷᠠᠴᠠ ᠡᠷᠲᠡᠨᠤ ᠮᠣᠩᠭᠤᠯᠴᠤᠳ ᠤᠰᠤ ᠤᠤᠭᠤ ᠭᠡᠬᠦ ᠵᠢ ᠴᠡᠭᠡᠷᠯᠡᠳᠡᠭ ᠪᠠᠶ᠋ᠢᠵᠠᠢ᠃ ᠯᠠᠮᠠ ᠬᠤᠸᠠᠷᠠᠭ ᠬᠥᠮᠦᠰᠲᠤ ᠬᠤᠭᠤᠯᠠ ᠤᠮᠳᠠ ᠢᠳᠡ ᠤᠤᠭᠤ ᠭᠡᠵᠦ ᠰᠢᠭᠤᠳ ᠬᠡᠯᠡᠬᠦᠠᠴᠠ ᠴᠡᠭᠡᠷᠯᠡᠨ᠂ ᠮᠠᠩᠵᠠ ᠴᠠᠪ ᠪᠠᠷᠢᠵᠤ ᠬᠠᠶ᠋ᠢᠷᠠᠯᠠ᠂ ᠵᠣᠭᠤᠭ ᠵᠣᠭᠤᠭᠯᠠ ᠭᠡᠬᠦ ᠮᠡᠲᠦᠪᠠᠷ ᠬᠦᠨᠳᠦᠳᠬᠡᠯᠤᠨ ᠦᠭᠡᠪᠠᠷ ᠶᠠᠷᠢᠳᠠᠭ᠃ ᠮᠠᠯ ᠭᠠᠷᠭ᠋ᠠᠬᠤ （ᠨᠢᠲᠤᠯᠬᠤ）ᠳᠠᠭᠠᠨ ᠠᠯᠠᠨᠠ ᠭᠡᠵᠦ ᠬᠡᠯᠡᠬᠦ ᠵᠢ ᠡᠷᠡᠰ ᠴᠡᠭᠡᠷᠯᠡᠳᠡᠭ᠃ ᠠᠯᠠᠬᠤ ᠵᠢᠨ ᠥᠭᠡᠷᠡ ᠨᠡᠷᠡᠶ᠋ᠢᠳᠦᠯᠨᠢ 《ᠭᠠᠷᠭ᠋ᠠᠬᠤ》᠂ 《ᠳᠦᠭᠦᠷᠭᠡᠬᠦ》᠂ 《ᠱᠥᠯᠥ ᠤᠤᠭᠤᠬᠤ》᠂ 《ᠨᠢᠲᠤᠯᠬᠤ》 ᠭᠡᠵᠦ ᠶᠠᠷᠢᠳᠠᠭ᠃ ᠠᠪᠠ ᠵᠢᠨ ᠶᠣᠰᠣᠨᠳᠤ ᠪᠣᠯ᠄ 《ᠠᠪᠠᠯᠠᠬᠤ》᠂ 《ᠭᠥᠷᠥᠭᠡᠯᠡᠬᠦ》᠂ 《ᠪᠠᠷᠢᠬᠤ》 ᠭᠡᠬᠦ ᠮᠡᠲᠦᠪᠠᠷ ᠶᠠᠷᠢᠳᠠᠭ᠃ ᠵᠡᠭᠦᠨ ᠣᠷᠣᠨᠤ ᠣᠯᠠᠩᠬᠢ ᠮᠣᠩᠭᠤᠯᠴᠤᠳ᠄ 《ᠱᠥᠯᠥ ᠤᠤᠭᠤᠬᠤ》᠂ 《ᠮᠠᠯ ᠵᠠᠷᠤᠬᠤ》᠂ 《ᠭᠠᠷᠭ᠋ᠠᠬᠤ》 ᠭᠡᠵᠦ ᠶᠠᠷᠢᠳᠠᠭ᠃ ᠭᠡᠶ᠋ᠢᠴᠢᠨ ᠵᠣᠴᠢᠨᠳᠡᠭᠡᠨ ᠰᠢᠭᠤᠳ 《ᠮᠢᠬᠠ ᠢᠳᠡ》 ᠭᠡᠵᠦ ᠬᠡᠯᠡᠬᠦ ᠵᠢ ᠴᠡᠭᠡᠷᠯᠡᠳᠡᠭ᠃ ᠬᠠᠷᠢᠨ 《ᠢᠳᠡᠭᠡ ᠵᠣᠭᠤᠭᠯᠠ》᠂ 《ᠱᠥᠯᠥ ᠤᠤᠭᠤ》 ᠭᠡᠵᠦ ᠬᠡᠯᠡᠳᠡᠭ᠃
ᠢᠷᠡᠯᠲᠡ᠄ ᠪᠠᠶᠠᠨ ᠨᠠᠭᠤᠷᠤᠨ ᠡᠳᠦᠷᠤᠨ ᠰᠤᠨᠢᠨ