ᠨᠠᠷᠠᠨᠤ ᠦᠨᠦᠷ
ᠨᠡᠶ᠋ᠢᠲᠡᠯᠡᠭᠰᠡᠨ ᠴᠠᠭ᠄ 2024-11-29
ᠰᠢᠭᠦᠳᠡᠷᠢᠪᠠᠨ ᠡᠷᠭᠦᠵᠦ ᠨᠠᠷᠠᠨ ᠵᠦᠭ ᠤᠷᠭᠤᠬᠤ ᠲᠠᠯᠠ ᠵᠢᠨ ᠵᠶ᠋ᠠᠨ ᠨᠣᠭᠤᠭ᠋ᠠᠨ ᠡᠪᠡᠰᠦᠨᠳᠤ ᠪᠢ ᠬᠠᠶ᠋ᠢᠷᠠᠲᠠᠢ᠃ ᠰᠠᠯᠬᠢᠨ ᠵᠶ᠋ᠠᠷ ᠦᠨᠦᠰᠦᠭᠦᠯᠵᠦ ᠴᠡᠩᠬᠡᠷ ᠤᠰᠤᠨ ᠰᠢᠭ᠋ ᠬᠠᠯᠭᠢᠯᠠᠨ ᠱᠤᠤᠭᠢᠭ᠋ᠠᠳ ᠳᠣᠲᠣᠷᠠᠨᠢ ᠲᠠᠶ᠋ᠢᠳᠬᠤᠷᠠᠬᠤᠳᠤᠨᠢ ᠪᠢ ᠳᠤᠷᠠᠲᠠᠢ᠃
ᠳᠡᠯᠡᠬᠡᠢ ᠪᠦᠷᠬᠦᠵᠦ ᠴᠡᠯ ᠬᠥᠬᠡᠷᠡᠭᠰᠡᠨ ᠴᠦ᠍ ᠡᠭᠡᠯ ᠪᠣᠷᠣᠭᠵᠢᠭᠤᠨ᠂ ᠡᠩ ᠶᠡᠷᠦᠮᠳᠡᠭ ᠵᠠᠩ ᠴᠢᠨᠠᠷᠨᠢ ᠬᠥᠭᠡᠷᠦᠬᠦᠢ ᠮᠠᠯᠴᠢᠨ ᠠᠪᠤ ᠵᠢᠨ ᠨᠠᠮ ᠳᠠᠷᠤᠤ ᠠᠷᠠᠨᠰᠢᠨᠲᠠᠢ ᠶᠠᠭ᠋ᠠᠬᠢᠭᠰᠠᠨ ᠲᠥᠰᠥᠭᠡᠲᠡᠢ ᠠᠵᠢ？ ᠬᠠᠳᠤᠵᠤ ᠭᠢᠷᠠᠭ᠋ᠠᠬᠰᠠᠨ ᠴᠦ᠍ ᠲᠠᠭᠢᠵᠦ ᠤᠷᠭᠤᠨᠠ᠃ ᠦᠨᠳᠦᠰᠦᠨᠢ ᠬᠥᠷᠥᠰᠥᠨᠳᠤ ᠭᠦᠨ ᠬᠠᠳᠬᠤᠭᠰᠠᠨᠤᠬᠢ ᠶᠤᠮ ᠤᠤ？ ᠡᠰᠡᠬᠦᠯᠡ ᠲᠠᠪᠤᠨ ᠬᠤᠰᠢᠭᠤ ᠮᠠᠯᠤᠨ ᠵᠶ᠋ᠠᠨ ᠲᠥᠯᠥᠭᠡ ᠲᠡᠭᠡᠵᠦ ᠯᠡ ᠢᠳᠡᠷᠡᠭᠦᠨ ᠤᠷᠭᠤᠭᠠ ᠴᠦ᠍ ᠶᠤᠮ ᠤᠤ？
ᠡᠬᠡ ᠵᠢᠨ ᠮᠢᠨᠢ ᠥᠭᠭᠢᠶᠡᠮᠦᠷ ᠴᠠᠭ᠋ᠠᠨ ᠬᠠᠶ᠋ᠢᠷᠠ ᠡᠪᠡᠰᠦᠨᠳᠤ ᠪᠤᠢ᠃ ᠡᠷᠡᠮᠡᠬᠡᠢ ᠳᠠᠶ᠋ᠢᠴᠢᠳᠤᠨ ᠪᠠᠭ᠋ᠠᠲᠤᠷᠯᠢᠭ ᠵᠣᠷᠢᠭ ᠰᠠᠨᠠᠭᠠ ᠡᠪᠡᠰᠦᠨᠳᠤ ᠪᠤᠢ᠃ ᠡᠷᠬᠡ ᠴᠢᠯᠦᠭᠡ᠂ ᠡᠩᠬᠡ ᠲᠠᠶ᠋ᠢᠪᠤᠩ᠂ ᠡᠪ ᠬᠠᠮᠲᠤ ᠨᠡᠶ᠋ᠢᠭᠡᠮᠤᠨ ᠲᠠᠪᠰᠢᠬᠰᠠᠨ ᠪᠣᠯᠪᠠᠰᠤᠨ ᠤᠬᠠᠮᠰᠠᠷ ᠴᠦ᠍ ᠡᠪᠡᠰᠦᠨᠳᠤ ᠪᠤᠢ᠃
ᠬᠠᠪᠤᠷᠲᠠᠭᠠᠨ ᠤᠷᠭᠤᠵᠦ ᠨᠠᠮᠤᠷ ᠦᠷᠡᠯᠡᠬᠦᠨᠢ ᠲᠡᠭᠦᠨᠤ ᠣᠷᠣᠰᠢᠬᠤᠢ ᠵᠢᠨ ᠤᠬᠠᠭ᠋ᠠᠨ᠃ ᠬᠡᠵᠢᠶᠡᠳᠡ ᠤᠶ᠋ᠢᠳᠬᠠᠷᠯᠠᠬᠤ ᠵᠢ ᠮᠡᠳᠡᠬᠦ ᠦᠭᠡᠢ ᠪᠠᠶᠠᠰᠤᠩᠭᠤᠢ ᠣᠪᠣᠷᠢᠨᠢ ᠰᠠᠨᠠᠬᠤᠠᠴᠠ 《ᠪᠤᠷᠬᠠᠨᠤ ᠪᠦᠷᠢᠯᠸᠠ ᠴᠦ᠍ ᠶᠤᠮ ᠤᠤ？》 ᠭᠡᠵᠦ ᠪᠢ ᠳᠣᠲᠣᠷᠠᠪᠠᠨ ᠦᠷᠭᠦᠯᠵᠢ ᠪᠤᠳᠤᠨᠠ᠃ ᠡᠪᠡᠰᠦᠨᠳᠤ ᠮᠡᠳᠡᠷᠡᠮᠵᠢ ᠪᠤᠢ᠃ ᠥᠪᠡᠷᠤᠨ ᠭᠡᠳᠡᠭ ᠬᠦᠰᠡᠯ ᠪᠤᠢ᠃ ᠦᠨᠡᠨᠢ ᠰᠢᠲᠦᠳᠡᠭ ᠰᠡᠳᠬᠢᠯᠭᠡ ᠪᠤᠢ᠃
ᠦᠷ ᠵᠶ᠋ᠠᠷ ᠪᠣᠰᠴᠤ ᠡᠪᠡᠰᠦ ᠵᠢ ᠬᠠᠷᠠᠭ᠋ᠠᠴᠢ᠂ ᠬᠥᠮᠥᠰ ᠠ᠋！ ᠬᠠᠷᠢᠯᠴᠠᠨ ᠨᠠᠯᠠᠵᠤ ᠬᠠᠮᠲᠤᠪᠠᠷ ᠶᠠᠷᠢᠯᠴᠠᠵᠤ ᠪᠠᠶ᠋ᠢᠭᠠ ᠵᠢᠨᠢ ᠴᠢᠩᠨᠠᠭ᠋ᠠᠴᠢ！ ᠡᠪᠡᠰᠦᠨᠤ ᠦᠭᠡ ᠭᠡᠯᠡ ᠭᠡᠵᠦ ᠶᠣᠰᠣᠲᠠᠢ ᠤᠳᠬᠠ ᠭᠦᠨᠵᠡᠭᠡᠢ ᠁ ᠬᠥᠮᠥᠨᠨᠢ ᠬᠥᠮᠥᠨ ᠵᠶ᠋ᠠᠨ ᠡᠷᠭᠦᠬᠦ᠂ ᠠᠭᠤᠯᠠᠨᠢ ᠮᠣᠳᠣᠪᠠᠨ ᠡᠷᠭᠦᠬᠦ ᠬᠥᠮᠥᠨ ᠵᠤᠨᠤ ᠤᠬᠠᠭ᠋ᠠᠨ ᠪᠤᠳᠤᠯ ᠡᠪᠡᠰᠦᠨᠳᠤ ᠪᠠᠶ᠋ᠢᠭᠠ ᠵᠢ ᠲᠠ ᠥᠪᠡᠷᠤᠨ ᠡᠷᠬᠡ ᠦᠭᠡᠢ ᠪᠢᠰᠢᠷᠡᠨ ᠪᠠᠭ᠍ᠠᠷᠬᠠᠬᠤᠨᠢ ᠭᠠᠷᠴᠠᠭᠠ ᠦᠭᠡᠢ᠃
ᠤᠳᠤ ᠲᠦᠭᠡᠵᠦ᠂ ᠰᠠᠷᠠ ᠲᠡᠷᠭᠡᠯᠰᠢᠭᠰᠡᠨ ᠰᠥᠨᠢ᠃ ᠡᠪᠡᠰᠦᠨᠤ ᠤᠩᠭᠤᠨ ᠰᠦᠨᠡᠰᠦᠠᠴᠠ ᠭᠡᠷᠡᠯ ᠰᠠᠴᠤᠷᠠᠨᠠ᠃ ᠲᠡᠭᠦᠨᠢ ᠣᠶ᠋ᠢᠯᠠᠭ᠋ᠠᠬᠤ ᠦᠭᠡᠢ ᠬᠥᠮᠥᠰ 《ᠰᠢᠭᠦᠳᠡᠷᠢ ᠵᠢᠨ ᠭᠠᠯ》 ᠭᠡᠳᠡᠭ᠃ ᠪᠢᠰᠢ！ ᠲᠡᠷᠡ ᠴᠢᠨᠢ ᠡᠪᠡᠰᠦᠨᠤ ᠮᠥᠩᠬᠡ ᠵᠢᠨ ᠠᠮᠢ ᠪᠦᠯᠦᠭᠡ᠃
ᠡᠪᠡᠰᠦᠨᠤ ᠬᠠᠯᠭᠢᠶᠠᠳᠤ ᠠᠭ᠋ᠠᠷ ᠴᠡᠯᠮᠡᠭᠰᠢᠨᠡ᠂ ᠬᠤᠭ ᠲᠣᠭᠤᠰᠣ ᠳᠠᠷᠤᠭᠳᠠᠨᠠ᠂ ᠭᠠᠵᠠᠷ ᠰᠢᠷᠣᠢ ᠭᠤᠸᠠ ᠦᠵᠡᠰᠭᠦᠯᠡᠩ ᠵᠶ᠋ᠠᠨ ᠭᠠᠶ᠋ᠢᠬᠠᠭᠤᠯᠤᠨᠠ᠃ ᠭᠤᠯᠢᠶᠠ ᠠᠵᠠ ᠵᠢᠷᠭ᠋ᠠᠯᠤᠨ ᠡᠭᠡᠰᠢᠭᠲᠠᠢ ᠵᠢᠷᠭᠢᠨᠡ᠃ ᠥᠨᠳᠡᠭᠡᠪᠠᠨ ᠨᠡᠪᠴᠢᠭᠦᠯᠦᠭᠰᠡᠨ ᠲᠣᠭᠤᠷᠤᠤ ᠤᠶᠠᠩᠭᠠ ᠳᠠᠭᠤᠤᠲᠠᠢ ᠳᠣᠩᠭᠤᠳᠤᠨᠠ᠃
ᠬᠥᠷᠥᠰᠥᠪᠠᠨ ᠴᠢᠮᠡᠵᠦ᠂ ᠬᠥᠬᠡᠷᠡᠵᠦ ᠤᠷᠭᠤᠬᠤ ᠡᠪᠡᠰᠦ ᠰᠠᠶ᠋ᠢᠬᠠᠨ᠃ ᠬᠠᠮᠢᠭᠠ ᠭᠦᠷᠦᠭᠰᠡᠨ ᠴᠦ᠍ ᠪᠢ ᠴᠢᠮᠠᠪᠠᠨ ᠮᠠᠷᠲᠠᠵᠤ ᠴᠢᠳᠠᠬᠤ ᠦᠭᠡᠢ᠃ ᠬᠠᠮᠢᠭᠠ ᠭᠦᠷᠦᠭᠰᠡᠨ ᠴᠦ᠍ ᠴᠢ ᠨᠠᠮᠠᠠᠴᠠᠪᠠᠨ ᠵᠠᠶ᠋ᠢᠳᠠᠵᠤ ᠦᠵᠡᠭᠡ ᠦᠭᠡᠢ᠃ ᠰᠦᠲᠠᠢ ᠴᠠᠢᠪᠠᠨ ᠪᠠᠯᠭᠤᠬᠤ ᠪᠦᠷᠢ ᠴᠢᠮᠠᠪᠠᠨ ᠰᠠᠨᠠᠵᠤ ᠬᠠᠶ᠋ᠢᠷᠠᠯᠠᠳᠠᠭ ᠰᠠᠨ᠃ ᠁
ᠡᠬᠡ ᠣᠷᠣᠨᠤ ᠮᠢᠨᠢ ᠠᠯᠳᠠᠨ ᠬᠥᠷᠥᠰᠥᠨᠳᠤ ᠮᠥᠩᠬᠡ ᠵᠢᠨ ᠠᠮᠢᠲᠠᠢ ᠤᠷᠭᠤᠬᠤ ᠡᠪᠡᠰᠦᠨᠠᠴᠠ ᠨᠠᠷᠠᠨᠤ ᠦᠨᠦᠷ ᠠᠩᠬᠢᠯᠵᠤ ᠰᠡᠩᠭᠢᠨᠡᠨᠡ᠃
ᠪᠢ ᠳᠤᠷᠠᠲᠠᠶᠠ ᠨᠢᠭᠡᠨ ᠰᠢᠷᠬᠡᠭ ᠡᠪᠡᠰᠦ ᠪᠣᠯᠵᠤ ᠬᠤᠪᠢᠯᠤᠨᠠᠮ⁈
ᠴᠢᠯᠠᠭᠤ ᠪᠣᠯ ᠴᠢᠨᠠᠷ᠃ ᠴᠢᠳᠠᠪᠠᠯ ᠬᠡᠨ ᠠᠯᠢᠨ ᠵᠶ᠋ᠠᠨ ᠡᠷᠭᠦ ᠭᠡᠰᠡᠨ ᠦᠭᠡ᠃ ᠴᠠᠭᠢᠯᠵᠦ ᠥᠩᠭᠡᠷᠡᠭᠰᠡᠨ ᠣᠨ ᠵᠢᠯᠤᠨ ᠨᠠᠮᠲᠠᠷ᠃ ᠴᠠᠶ᠋ᠢᠯᠭ᠋ᠠᠨ ᠰᠡᠳᠬᠢᠯᠲᠠᠢ ᠳᠡᠭᠡᠳᠦᠰᠤᠨ ᠮᠢᠨᠢ ᠥᠪ ᠪᠣᠯᠭ᠋ᠠᠨ ᠦᠯᠡᠳᠡᠭᠡᠭᠰᠡᠨ ᠰᠤᠳᠤᠷ᠃ ᠤᠵᠠᠭᠤᠷ ᠴᠠᠭᠤᠨ ᠵᠡᠪᠰᠡᠭ᠂ ᠥᠨᠥᠳᠥᠷᠤᠨ ᠪᠠᠭ᠍ᠠᠷᠬᠠᠯ᠃
ᠪᠢ ᠬᠠᠰᠤᠨ ᠥᠩᠭᠡᠲᠠᠢ ᠴᠢᠯᠠᠭᠤ ᠤᠳᠤ ᠰᠢᠭ᠋ ᠲᠦᠭᠡᠭᠰᠡᠨ ᠨᠤᠲᠤᠭᠲᠤ ᠲᠦᠷᠦᠵᠦ ᠥᠰᠦᠭᠰᠡᠨᠤᠬᠢ ᠴᠦ᠍ ᠶᠤᠮ ᠤᠤ？ ᠲᠡᠭᠦᠨᠳᠤ ᠣᠨᠴᠠ ᠵᠢᠨ ᠤᠷᠮᠠ ᠰᠡᠳᠬᠢᠯᠭᠡᠲᠠᠢ᠃ ᠭᠡᠲᠡᠯᠡ ᠠᠩᠬᠠ ᠬᠥᠯᠳᠤ ᠣᠷᠣᠵᠤ ᠮᠤᠶ᠋ᠢᠳᠤᠷ ᠲᠤᠶ᠋ᠢᠲᠤᠷ ᠠᠯᠬᠤᠬᠤᠳᠠᠭᠠᠨ ᠴᠢᠯᠠᠭᠤᠨᠳᠤ ᠪᠦᠳᠦᠷᠢᠵᠦ᠂ ᠡᠪᠦᠳᠦᠭ ᠵᠶ᠋ᠠᠷ ᠵᠶ᠋ᠠᠨ ᠳᠠᠷᠤᠵᠤ ᠤᠨᠠᠬᠤᠳᠠᠭᠠᠨ ᠤᠬᠢᠯᠠᠵᠤ ᠬᠠᠶ᠋ᠢᠯᠠᠭ᠋ᠠᠳ ᠰᠢᠳᠦᠪᠠᠨ ᠵᠠᠭᠤᠵᠤ ᠪᠠᠶ᠋ᠢᠭᠰᠠᠨ ᠦᠯᠢᠭᠡᠷᠲᠠᠢ ᠭᠡᠵᠦ ᠡᠵᠢ ᠶᠠᠷᠢᠬᠤ ᠪᠣᠯᠭ᠋ᠠᠨ ᠬᠥᠬᠦᠷᠡᠨ ᠢᠨᠢᠶᠡᠵᠦ ᠭᠠᠷᠳᠠᠭ᠃ ᠤᠳᠤ ᠪᠤᠳᠤᠪᠠᠯ ᠥᠪᠡᠷ ᠵᠶ᠋ᠠᠨ ᠴᠦ᠍ ᠪᠢ ᠲᠡᠰᠬᠡᠯ ᠦᠭᠡᠢ 《ᠫᠦᠰ》 ᠭᠡᠲᠡᠯᠡ ᠢᠨᠢᠶᠡᠳᠡᠭ ᠶᠤᠮ᠃
ᠦᠨᠡᠨᠳᠡᠭᠡᠨ ᠴᠢᠯᠠᠭᠤ ᠪᠣᠯ ᠮᠢᠨᠤ ᠤᠤᠭ᠋ᠠᠨ ᠪᠠᠭᠰᠢ᠃ ᠨᠠᠳᠠᠳᠤ ᠡᠪᠡᠳᠬᠦ ᠵᠢᠨ ᠵᠤᠪᠠᠯᠠᠩᠢ ᠮᠡᠳᠡᠭᠦᠯᠦᠭᠰᠡᠨ᠃ ᠬᠥᠮᠥᠨ ᠴᠢᠨᠠᠷᠢ ᠴᠦ᠍ ᠣᠶ᠋ᠢᠯᠠᠭ᠋ᠠᠭᠤᠯᠤᠭᠰᠠᠨ᠃ ᠪᠠᠲᠤ ᠴᠢᠩᠭᠠ ᠵᠣᠭᠰᠣᠯᠲᠠ ᠵᠢ ᠵᠢᠭ᠋ᠠᠭᠰᠠᠨ ᠤᠬᠠᠭ᠋ᠠᠷᠠᠯ ᠰᠡᠬᠡᠭᠡᠷᠡᠯᠤᠨ ᠬᠥᠲᠥᠴᠢ ᠪᠠᠶ᠋ᠢᠭᠰᠠᠨ᠃ ᠲᠡᠭᠦᠨᠤ ᠬᠠᠯᠠᠭᠤᠨ ᠬᠦᠢ᠍ᠲᠡᠨᠠᠴᠠ ᠵᠢᠷᠦᠬᠡᠰᠢᠶᠡᠬᠦ ᠦᠭᠡᠢ᠃ ᠬᠠᠭ᠋ᠠᠷᠠᠬᠤᠠᠴᠠ ᠪᠢᠰᠢ ᠬᠤᠲᠣᠶ᠋ᠢᠳᠠᠭ ᠦᠭᠡᠢ ᠡᠷᠡᠰᠭᠡᠨ ᠵᠠᠩᠨᠢ ᠨᠠᠮᠠᠶ᠋ᠢ ᠢᠷᠯᠡᠵᠦ ᠠᠮᠢᠳᠤᠷᠠᠯᠤᠨ ᠪᠡᠷᠬᠡ ᠵᠢ ᠢᠯᠡᠨ ᠳᠠᠪᠠᠭ᠍ᠤ ᠵᠣᠷᠢᠭ ᠵᠢᠷᠦᠬᠡᠲᠠᠢ ᠪᠣᠯᠭ᠋ᠠᠵᠠᠢ᠃
ᠠᠭᠤᠯᠠᠨᠳᠤ ᠠᠪᠠᠷᠢᠵᠤ ᠤᠷᠭᠢᠯᠳᠤᠨᠢ ᠭᠠᠷᠬᠤ ᠪᠣᠯ ᠮᠢᠨᠤ ᠬᠠᠮᠤᠭᠤᠨ ᠳᠤᠷᠠᠲᠠᠢ ᠬᠥᠳᠡᠯᠭᠡᠭᠡᠨ ᠪᠣᠯᠣᠨᠠ᠃ ᠪᠠᠭᠠᠳᠠᠭᠠᠨ ᠪᠢ ᠠᠬᠠᠪᠠᠨ ᠲᠠᠭ᠋ᠠᠵᠦ᠂ ᠨᠤᠲᠤᠭᠤᠨ ᠠᠭᠤᠯᠠᠪᠠᠨ ᠠᠪᠠᠷᠢᠳᠠᠭ ᠪᠠᠶ᠋ᠢᠯᠠ᠃ ᠳᠡᠭᠡᠷᠡᠨᠢ ᠭᠠᠷᠤᠭ᠋ᠠᠳ ᠬᠤᠯᠠ ᠵᠢ ᠬᠠᠷᠠᠵᠤ ᠵᠤᠬᠰᠤᠬᠤᠳᠠᠭᠠᠨ 《ᠠᠪᠤᠲᠠᠢ ᠶᠠᠭ᠋ᠠᠬᠢᠭᠰᠠᠨ ᠠᠳᠠᠯᠢ ᠪᠤᠢ？》 ᠭᠡᠵᠦ ᠪᠤᠳᠤᠬᠰᠠᠨ ᠵᠶ᠋ᠠᠨ ᠫᠤᠤᠳᠠᠭ᠋ᠠᠳ ᠣᠯᠠᠨᠢ ᠢᠨᠢᠶᠡᠯᠭᠡᠵᠦ ᠥᠩᠭᠡᠷᠡᠭᠰᠡᠨ ᠠᠵᠢ᠃ ᠲᠡᠷᠡ ᠦᠶᠡᠪᠠᠨ ᠡᠷᠭᠢᠴᠡᠭᠦᠯᠬᠦᠪᠠᠷ ᠠᠭᠤᠯᠠ ᠭᠡᠵᠦ ᠳᠡᠭᠡᠷᠡᠪᠠᠨ ᠵᠣᠭᠰᠣᠭ᠋ᠠᠵᠤ᠂ ᠬᠤᠯᠠ ᠬᠠᠷᠠᠭᠤᠯᠬᠤᠪᠠᠷ ᠵᠶ᠋ᠠᠨ ᠨᠢᠷᠤᠭᠤᠨᠳᠠᠭᠠᠨ ᠡᠭᠦᠷᠴᠦ ᠥᠰᠬᠡᠭᠡᠳ ᠭᠦᠯᠦᠭᠤᠨ ᠳᠥᠷᠥᠭᠡᠨᠳᠤ ᠡᠷᠭᠦᠵᠦ ᠭᠠᠷᠭ᠋ᠠᠭᠰᠠᠨ ᠡᠴᠢᠭᠡᠲᠠᠢ ᠦᠨᠡᠬᠡᠷ ᠥᠭᠡᠷᠡ ᠶᠠᠭᠤ ᠳ᠋ᠠ？ ᠠᠭᠤᠯᠠ ᠮᠢᠨᠢ᠃
ᠮᠣᠩᠭᠤᠯ ᠨᠤᠲᠤᠭᠤᠨ ᠮᠢᠨᠢ ᠵᠢᠷᠭ᠋ᠠᠬᠤ ᠨᠠᠷᠠᠨᠢ ᠴᠦ᠍ ᠠᠭᠤᠯᠠᠨᠳᠠᠭᠠᠨ ᠰᠥᠬᠦᠷᠡᠳᠡᠭ ᠡᠷᠬᠢᠮ ᠳᠡᠭᠡᠳᠦ᠂ ᠪᠣᠯᠪᠠᠰᠤᠨ ᠰᠤᠷᠲᠠᠯᠲᠠᠢ ᠭᠡᠬᠦᠳᠤ ᠬᠦᠷᠡᠩ ᠥᠩᠭᠡᠲᠠᠢ ᠮᠠᠨᠠᠨᠨᠢ ᠥᠷᠯᠥᠭᠡ ᠪᠦᠷᠢ ᠥᠯᠮᠡᠢ ᠵᠢᠨᠢ ᠦᠨᠦᠰᠴᠦ ᠰᠢᠩᠭᠡᠳᠡᠭ ᠤᠴᠢᠷᠲᠠᠢ᠃ ᠰᠡᠪᠡᠯᠵᠡᠬᠦ ᠰᠠᠯᠬᠢᠨ ᠨᠢᠮᠭᠡᠨ ᠲᠣᠭᠤᠰᠣ ᠵᠢᠨᠢ ᠭᠦᠪᠢᠬᠦ ᠭᠡᠬᠦᠳᠤ ᠰᠢᠪᠡᠷᠡᠬᠦ ᠪᠣᠷᠣᠭ᠋ᠠᠨ ᠴᠠᠩᠭ᠋ᠠᠭᠠ ᠵᠢᠨᠢ ᠲᠠᠶ᠋ᠢᠯᠵᠦ ᠪᠤᠴᠠᠬᠤᠳᠠᠭᠠᠨ ᠥᠩᠭᠡᠲᠦ ᠰᠣᠯᠣᠩᠭᠠᠪᠠᠷ ᠲᠡᠭᠷᠢᠲᠠᠢ ᠬᠤᠯᠪᠣᠳᠠᠭᠲᠤ ᠮᠢᠨᠤ ᠰᠡᠳᠬᠢᠯ ᠥᠪᠡᠷᠤᠨ ᠡᠷᠬᠡ ᠦᠭᠡᠢ ᠬᠥᠭᠰᠡᠵᠦ ᠰᠢᠯᠦᠭᠤᠨ ᠣᠩᠭᠤᠳ ᠭᠢᠯᠠᠰᠬᠢᠨ ᠪᠠᠭᠤᠳᠠᠭ ᠪᠠᠶ᠋ᠢᠯᠠ᠃
ᠭᠡᠷᠡᠯ ᠢᠯᠴᠢ ᠰᠢᠩᠭᠡᠭᠰᠡᠨ᠂ ᠳᠣᠲᠣᠷ ᠲᠠᠮᠢᠷᠲᠠᠢ ᠠᠭᠤᠯᠠ ᠴᠢᠯᠠᠭᠤ ᠮᠢᠨᠢ᠃ ᠨᠠᠷᠠᠨ ᠰᠦ ᠵᠢᠨ ᠦᠨᠦᠷ ᠴᠢᠮᠠᠠᠴᠠ ᠬᠠᠩᠬᠤᠯᠤᠨᠠ᠃ ᠲᠡᠷᠡ ᠠᠭ᠋ᠠᠷ ᠰᠢᠭ᠋ ᠱᠠᠩᠳᠠᠭᠤᠨ ᠦᠨᠦᠷᠲᠤ ᠬᠤᠷᠸᠠ ᠲᠠᠩᠰᠤᠭ ᠵᠢᠷᠭ᠋ᠠᠬᠤ ᠶᠣᠰᠣᠲᠠᠢ᠃
ᠪᠢ ᠡᠬᠡ ᠣᠷᠣᠨᠳᠠᠭᠠᠨ ᠬᠡᠰᠡᠭ ᠴᠢᠯᠠᠭᠤ ᠪᠣᠯᠵᠤ ᠤᠷᠭᠤᠨᠠᠮ⁈
ᠭᠡᠷᠡᠯ ᠤᠷᠤᠭᠤ ᠲᠡᠮᠡᠦᠯᠵᠦ ᠤᠷᠤᠰᠬᠤ ᠢᠨᠵᠠᠭ᠋ᠠᠨ ᠭᠤᠣᠯᠤᠨ ᠰᠢᠷᠤᠩᠬᠠᠢ ᠮᠢᠨᠤ ᠵᠢᠷᠦᠬᠡᠨ ᠴᠣᠬᠢᠯᠭᠠᠲᠠᠢ ᠠᠶ᠋ᠢᠵᠠᠮ ᠨᠡᠶ᠋ᠢᠯᠡᠬᠦᠪᠠᠷ ᠨᠠᠶ᠋ᠢᠷᠠᠭᠤᠨ ᠣᠩᠭᠤᠳ ᠪᠣᠯᠵᠤ ᠬᠤᠪᠢᠯᠤᠭ᠋ᠠᠳ ᠬᠤᠭᠤᠷᠤᠨ ᠠᠶᠠᠯᠭᠤᠨᠳᠤ ᠬᠥᠭᠯᠡᠭᠳᠡᠳᠡᠭ᠃
ᠥᠭᠡᠳᠡ ᠥᠭᠡᠳᠡᠠᠴᠠᠪᠠᠨ ᠬᠠᠷᠠᠭᠰᠠᠨ ᠪᠣᠰᠤᠭᠠ ᠬᠤᠶᠠᠷ ᠡᠷᠭᠢᠨᠢ ᠨᠠᠷᠠᠨ ᠰᠠᠷᠠᠨᠤᠪᠠᠨ ᠣᠷᠣᠰᠢᠬᠤᠢ ᠵᠢᠨ ᠵᠢᠮᠡᠪᠠᠷ ᠰᠡᠬᠦᠶ᠋ᠢᠵᠦ ᠭᠤᠣᠯᠤᠨ ᠤᠰᠤᠨᠤᠪᠠᠨ ᠠᠯᠤᠰᠤᠨ ᠬᠦᠰᠡᠯ᠂ ᠠᠷᠢᠭᠤᠨ ᠰᠠᠨᠠᠭᠠ᠂ ᠥᠭᠭᠢᠶᠡᠮᠦᠷ ᠬᠠᠶ᠋ᠢᠷᠠᠳᠤ ᠳᠣᠲᠣᠷᠠᠠᠴᠠᠪᠠᠨ ᠭᠡᠭᠡᠷᠡᠨᠡ᠃ ᠤᠰᠤᠨᠳᠤ ᠮᠡᠳᠡᠷᠡᠮᠵᠢᠲᠠᠢ᠂ ᠤᠢ ᠤᠬᠠᠭ᠋ᠠᠨᠲᠠᠢᠨᠢ ᠦᠨᠡᠨ᠃ ᠲᠡᠭᠦᠨᠳᠤ ᠪᠠᠰᠠ ᠥᠪᠡᠷᠤᠨ ᠭᠡᠬᠦ ᠦᠭᠡ ᠭᠡᠯᠡᠲᠠᠢ ᠴᠦ᠍ ᠮᠠᠭ᠋ᠠᠳ᠃ ᠣᠬᠢᠯᠠᠭᠰᠠᠨ ᠵᠢᠭ᠋ᠠᠰᠤᠨᠤᠪᠠᠨ ᠨᠢᠯᠪᠤᠰᠤ ᠵᠢ ᠤᠰᠤᠪᠠᠷ ᠵᠶ᠋ᠠᠨ ᠨᠢᠭᠤᠳᠠᠭᠢ ᠪᠤᠳᠤᠬᠤᠠᠴᠠ ᠦᠷᠡ ᠬᠡᠦᠬᠡᠳ ᠵᠶ᠋ᠠᠨ ᠭᠡᠳᠡᠭ ᠡᠵᠢ ᠵᠢ ᠮᠢᠨᠢ ᠰᠠᠨᠠᠭᠳᠠᠭᠤᠯᠤᠨᠠ᠃ 《ᠴᠡᠩᠬᠡᠷ ᠲᠤᠩᠭ᠋ᠠᠯᠠᠭ ᠤᠰᠤᠨᠳᠤ ᠪᠠᠰᠠ ᠪᠤᠷᠬᠠᠨ ᠪᠠᠶ᠋ᠢᠳᠠᠭ ᠴᠦ᠍ ᠶᠤᠮ ᠤᠤ⁈》 ᠭᠡᠵᠦ ᠪᠢ ᠦᠷᠭᠦᠯᠵᠢ ᠪᠤᠳᠤᠨᠠᠮ᠃
ᠤᠷᠭᠤᠮᠠᠯᠤᠨ ᠠᠮᠢ ᠨᠠᠰᠤ ᠪᠣᠯ ᠤᠰᠤ᠃ ᠬᠥᠮᠥᠨ ᠠᠮᠢᠳᠠᠨ᠂ ᠠᠷᠢᠶᠠᠲᠠᠨ ᠵᠢᠭᠦᠷᠲᠡᠨᠤ ᠠᠮᠢ ᠨᠠᠰᠤ ᠴᠦ᠍ ᠤᠰᠤ᠃ ᠥᠴᠥᠬᠡᠨ ᠰᠢᠮᠠᠭᠤᠯ ᠭᠦᠷᠳᠡᠯᠡ ᠠᠩᠭ᠋ᠠᠬᠤᠳᠠᠭᠠᠨ ᠤᠰᠤᠨᠳᠤ ᠪᠠᠭᠤᠨᠠ᠃ ᠭᠦᠨ ᠲᠠᠯᠠᠢ ᠵᠢᠨ ᠢᠷᠤᠭ᠋ᠠᠷᠠᠴᠠ ᠤᠷᠭᠤᠭᠰᠠᠨ ᠴᠢᠯᠠᠭᠤ ᠴᠦ᠍ ᠤᠰᠤᠨᠠᠴᠠ ᠰᠠᠯᠬᠤᠪᠠᠷ ᠬᠠᠳᠠᠵᠦ ᠬᠠᠭ᠋ᠠᠷᠠᠬᠤ ᠤᠴᠢᠷᠲᠠᠢ᠃ ᠣᠷᠴᠢᠯᠠᠩ ᠤᠰᠤᠨᠤ ᠠᠮᠢᠲᠠᠢ᠂ ᠤᠰᠤᠨᠠᠴᠠ ᠰᠠᠯᠵᠤ ᠪᠤᠯᠬᠤ ᠦᠭᠡᠢ ᠪᠠᠷᠢᠯᠳᠤᠯᠭᠠᠲᠠᠢ ᠪᠠᠶ᠋ᠢᠵᠤ ᠲᠠᠭ᠋ᠠᠷᠠᠨᠠ᠃
ᠴᠢᠭᠢᠭᠯᠢᠭ ᠰᠡᠷᠢᠭᠦᠨ ᠦᠷᠤᠨ ᠵᠢᠪᠠᠷ ᠤᠰᠤᠨᠤ ᠰᠠᠳᠤᠨ᠃ ᠭᠦᠨ ᠴᠡᠩᠬᠡᠷ ᠴᠠᠯᠭᠢᠯᠠᠭᠰᠠᠨ ᠠᠭ᠋ᠠᠷ ᠤᠰᠤᠨᠤ ᠲᠦᠷᠦᠯ᠃ ᠨᠡᠭᠦᠳᠡᠯᠤᠨ ᠰᠢᠪᠠᠭᠤᠳ ᠴᠦ᠍ ᠤᠰᠤᠨᠤᠪᠠᠨ ᠭᠡᠯᠡᠪᠠᠷ ᠵᠢᠷᠭᠢᠨᠡ᠃ ᠰᠠᠷᠠ ᠪᠦᠭᠴᠢᠮ ᠬᠠᠯᠠᠭᠤᠨ ᠦᠳᠡᠰᠢ ᠤᠰᠤᠨᠳᠤ ᠢᠷᠡᠵᠦ ᠤᠮᠪᠠᠨᠠ᠃ ᠲᠡᠭᠷᠢ ᠴᠦ᠍ ᠬᠠᠯᠠᠭᠤᠷᠠᠭ᠋ᠠᠳ ᠲᠡᠰᠬᠦ ᠦᠭᠡᠢᠳᠡᠭᠡᠨ ᠤᠰᠤᠨᠳᠤ ᠢᠷᠡᠨᠡ᠃ ᠭᠡᠬᠦᠳᠡᠭᠡᠨ ᠲᠡᠭᠷᠢ ᠵᠢᠨ ᠪᠤᠳᠤᠭ ᠤᠰᠤᠨᠳᠤ ᠰᠢᠩᠭᠡᠵᠦ ᠥᠩᠭᠡᠨᠢ ᠢᠵᠢᠯᠢᠰᠢᠭᠰᠡᠨ ᠪᠠᠶ᠋ᠢᠳᠠᠭ᠃ ᠤᠰᠤᠨᠤ ᠠᠮᠢ ᠮᠥᠩᠬᠡ ᠵᠢᠨᠬᠢ ᠪᠣᠯᠤᠭᠰᠠᠨᠨᠢ ᠲᠡᠷᠡ ᠴᠦ᠍ ᠶᠤᠮ ᠤᠤ？ ᠡᠰᠡᠬᠦᠯᠡ ᠪᠥᠮᠪᠥᠷᠴᠡᠭ ᠳᠡᠯᠡᠬᠡᠢ ᠵᠢᠨ ᠪᠤᠶᠠᠨ ᠵᠶ᠋ᠠᠷ ᠴᠦ᠍ ᠶᠤᠮ ᠤᠤ？
ᠶᠢᠷᠲᠢᠨᠴᠦ ᠲᠣᠭᠲᠠᠭᠰᠠᠨᠠᠴᠠ ᠨᠠᠭ᠋ᠠᠰᠢ ᠤᠰᠤᠪᠠᠷ ᠯᠡ ᠠᠮᠢ ᠭᠤᠣᠯᠲᠠᠢ᠂ ᠥᠭᠡᠳᠡ ᠥᠯᠵᠡᠢᠲᠠᠢ ᠶᠠᠪᠤᠨᠠ᠃ ᠭᠡᠬᠦᠳᠡᠭᠡᠨ ᠮᠣᠩᠭᠤᠯᠴᠤᠳ 《ᠲᠤᠰᠤᠯ ᠤᠰᠤ ᠵᠢ ᠴᠦ᠍ ᠬᠠᠶ᠋ᠢᠷᠠᠯᠠᠵᠤ ᠭᠠᠮᠨᠠᠵᠤ ᠶᠠᠪᠤᠭ᠋ᠠᠷᠠᠢ》 ᠬᠡᠮᠡᠨ ᠬᠡᠦᠬᠡᠳ ᠵᠶ᠋ᠠᠨ ᠰᠤᠷᠭ᠋ᠠᠳᠠᠭᠨᠢ ᠬᠤᠯᠠ ᠵᠢᠨ ᠪᠤᠳᠤᠯ᠂ ᠬᠦᠰᠡᠯ ᠢᠲᠡᠭᠡᠯ᠂ ᠬᠥᠮᠥᠨᠴᠢ ᠴᠢᠨᠠᠷᠤᠨ ᠬᠢᠨᠢ ᠢᠯᠡᠷᠡᠯ ᠶᠤᠮ᠃
ᠤᠬᠠᠭ᠋ᠠᠨᠲᠤ ᠳᠡᠭᠡᠳᠦᠰ ᠮᠠᠨᠢ ᠪᠤᠯᠠᠭ ᠣᠷᠭᠢᠯᠤᠭᠰᠠᠨ ᠨᠠᠪᠳᠠᠭ ᠰᠠᠪᠳᠠᠭᠲᠠᠢ ᠨᠠᠭᠤᠷᠲᠤ ᠪᠡᠶᠡᠪᠠᠨ ᠤᠬᠢᠶᠠᠬᠤ ᠪᠤᠶᠤ ᠬᠤᠪᠴᠠᠰᠤ ᠤᠬᠢᠶᠠᠬᠤ ᠵᠢ ᠴᠡᠭᠡᠷᠯᠡᠭᠦᠯᠦᠨ ᠰᠤᠷᠭ᠋ᠠᠳᠠᠭ᠃ ᠡᠨᠡᠨᠢ ᠲᠡᠭᠦᠨᠤ ᠤᠰᠤᠨᠳᠤ ᠬᠠᠶ᠋ᠢᠷᠠᠲᠠᠢ ᠰᠡᠳᠬᠢᠯᠢ ᠬᠠᠷᠠᠭᠤᠯᠵᠤ ᠪᠠᠶ᠋ᠢᠬᠤᠪᠠᠷ ᠪᠠᠷᠠᠬᠤ ᠦᠭᠡᠢ ᠴᠡᠪᠡᠷ ᠠᠷᠢᠭᠤᠨ ᠠᠮᠢᠳᠤ ᠤᠰᠤ ᠵᠢ ᠪᠤᠵᠠᠷᠳᠠᠭᠤᠯᠵᠦ ᠰᠢᠷᠭᠢᠭᠦᠯᠬᠦᠠᠴᠠ ᠪᠣᠯᠭᠤᠮᠵᠢᠯᠠᠭᠰᠠᠨ ᠠᠭᠤᠤ ᠶᠡᠭᠡ ᠢᠷᠡᠭᠡᠳᠦᠶ᠋ᠢᠴᠢ ᠦᠵᠡᠯ ᠤᠬᠠᠮᠰᠠᠷᠤᠨ ᠭᠡᠷᠡᠯ ᠭᠡᠭᠡ ᠶᠤᠮ᠃
ᠪᠠᠶ᠋ᠢᠭ᠋ᠠᠯᠢ ᠥᠪᠡᠷᠢᠪᠠᠨ ᠦᠪᠡᠰᠦᠪᠡᠨ ᠡᠪᠳᠡᠳᠡᠭ ᠦᠭᠡᠢ᠃ ᠨᠠᠭᠤᠷ ᠤᠰᠤᠨ ᠴᠦ᠍ ᠥᠪᠡᠷ ᠵᠶ᠋ᠠᠨ ᠬᠠᠳᠠᠵᠦ ᠬᠠᠭᠰᠠᠷᠠᠬᠤ ᠦᠭᠡᠢ᠃ ᠬᠥᠮᠥᠨ ᠯᠡ ᠪᠠᠶ᠋ᠢᠭ᠋ᠠᠯᠢᠪᠠᠨ ᠴᠢᠯᠡᠭᠡᠵᠦ᠂ ᠨᠠᠭᠤᠷ ᠴᠦᠭᠦᠷᠤᠮ᠂ ᠭᠤᠣᠯ ᠮᠥᠷᠡᠨ ᠵᠶ᠋ᠠᠨ ᠭᠤᠮᠣᠳᠠᠭ᠋ᠠᠳᠠᠭᠢ ᠭᠦᠪᠡᠭᠡᠨᠢ ᠰᠡᠮᠡᠷᠡᠭᠰᠡᠨ ᠲᠠᠯᠠ ᠬᠠᠩᠭ᠋ᠠᠢ᠂ ᠲᠠᠲᠠᠭᠤᠷᠠᠵᠤ ᠨᠠᠷᠢᠰᠤᠭᠰᠠᠨ ᠤᠷᠤᠰᠬᠠᠯ ᠤᠰᠤᠨ᠂ ᠰᠢᠷᠭᠢᠮᠡᠷ ᠪᠣᠯᠤᠭᠰᠠᠨ ᠨᠣᠭᠤᠭ᠋ᠠᠨ ᠪᠦᠷᠢᠳᠦ ᠵᠢᠨ 《ᠦᠷᠡ ᠬᠤᠶ᠋ᠢᠴᠢᠰᠤᠨ ᠵᠶ᠋ᠠᠨ ᠮᠠᠷᠭ᠋ᠠᠰᠢ ᠵᠢ ᠪᠣᠳᠣᠯᠬᠢᠯᠠ》 ᠭᠡᠰᠡᠨ ᠤᠳᠬᠠ ᠤᠴᠢᠷᠲᠠᠢ ᠰᠢᠪᠡᠨᠡᠭᠡᠠᠴᠠ ᠰᠡᠷᠡᠵᠦ ᠰᠡᠬᠡᠭᠡᠷᠡᠵᠦ ᠪᠣᠯᠣᠨᠠ᠃ ᠬᠥᠮᠥᠰ ᠮᠢᠨᠢ！
ᠤᠰᠤᠨᠳᠤ ᠡᠵᠢ ᠵᠢᠨ ᠬᠠᠶ᠋ᠢᠷᠠᠠᠴᠠ ᠭᠠᠳᠠᠨᠠ᠂ ᠠᠪᠤ ᠵᠢᠨ ᠠᠷᠠᠨᠰᠢᠨ ᠴᠦ᠍ ᠪᠤᠢ᠃ ᠦᠶᠡᠷᠯᠡᠨ ᠳᠠᠪᠠᠯᠭ᠋ᠠᠯᠠᠵᠤ᠂ ᠤᠶ᠋ᠢᠯᠰᠤᠨ ᠬᠦᠷᠬᠢᠷᠡᠬᠦᠨᠢ ᠤᠰᠤᠨᠤ ᠠᠭᠤᠷ ᠬᠢᠯᠢᠩ ᠪᠢᠵᠡ？ ᠶᠡᠨᠳᠡᠷᠤᠨ ᠴᠢᠯᠠᠭᠤ ᠵᠢ ᠨᠦᠬᠡᠯᠡᠳᠡᠭ ᠲᠤᠰᠤᠯ ᠤᠰᠤᠨᠠᠴᠠ ᠲᠡᠭᠦᠨᠤ ᠬᠠᠳᠠᠨᠠᠴᠠ ᠳᠠᠪᠠᠭᠰᠠᠨ ᠬᠠᠲᠠᠭᠤ ᠴᠢᠨᠠᠷᠢ ᠴᠦ᠍ ᠤᠬᠠᠭ᠋ᠠᠷᠠᠵᠤ ᠮᠠᠳᠠᠨᠠ᠃ ᠬᠦᠷᠬᠢᠷᠡᠠᠴᠠ ᠰᠦᠷ ᠶᠡᠭᠡ ᠬᠦᠴᠦᠨ ᠴᠢᠳᠠᠯᠢ ᠴᠦ᠍ ᠣᠯᠵᠤ ᠬᠠᠷᠠᠨᠠ᠃ ᠤᠰᠤᠨᠠᠴᠠ ᠪᠢᠳᠡ ᠴᠠᠭᠢᠯᠭ᠋ᠠᠨ ᠭᠠᠷᠭ᠋ᠠᠨᠠ᠃ ᠤᠰᠤᠨᠠᠴᠠ ᠪᠢᠳᠡ ᠦᠯᠡᠮᠵᠢ ᠵᠢᠨ ᠡᠬᠢ ᠪᠠᠶᠠᠯᠢᠭᠢ ᠱᠦᠭᠦᠨᠡ᠃ ᠬᠤᠯᠪᠣᠨ ᠪᠣᠳᠣᠯᠲᠠ ᠵᠢᠨ ᠬᠢᠵᠠᠭ᠋ᠠᠷ ᠦᠭᠡᠢ ᠡᠷᠬᠡ ᠴᠢᠯᠦᠭᠡ ᠤᠰᠤ ᠮᠢᠨᠤ᠃ ᠴᠢ ᠭᠤᠸᠠ ᠰᠠᠶ᠋ᠢᠬᠠᠨᠤ ᠳᠣᠲᠣᠷᠠᠬᠢ ᠭᠤᠸᠠ ᠰᠠᠶ᠋ᠢᠬᠠᠨ ᠴᠦ᠍ ᠶᠤᠮ ᠤᠤ⁈
ᠪᠢ ᠲᠤᠰᠤᠯ ᠤᠰᠤᠨ ᠪᠣᠯᠵᠤ ᠡᠬᠡ ᠣᠷᠣᠨᠤᠪᠠᠨ ᠠᠨᠠᠪᠠᠳ ᠲᠠᠯᠠᠢᠳᠤ ᠬᠦᠷᠬᠢᠷᠡᠨᠡᠮ⁈
ᠤᠷᠭᠤᠵᠦ ᠰᠠᠴᠤᠷᠠᠭᠰᠠᠨ ᠨᠠᠷᠠᠨᠤ ᠦᠨᠦᠷᠲᠠᠢ᠂ ᠥᠨᠢ ᠮᠥᠩᠬᠡ ᠵᠢᠨ ᠤᠰᠤ ᠮᠢᠨᠢ ᠳ᠋ᠧ᠃ ᠪᠢ ᠴᠢᠮᠠᠳᠤ ᠬᠠᠶ᠋ᠢᠷᠠᠲᠠᠢ ᠪᠣᠯᠬᠤᠷ ᠦᠷᠭᠦᠯᠵᠢ ᠡᠯᠢᠭᠡ ᠨᠢᠭᠡᠲᠡᠢ ᠡᠬᠡ ᠣᠷᠣᠨᠳᠠᠭᠠᠨ ᠲᠤᠰᠤᠯ ᠤᠰᠤ ᠪᠣᠯᠵᠤ ᠠᠯᠠᠭ᠋ᠠᠨ ᠳᠡᠭᠡᠷᠡᠨᠢ ᠠᠭᠤᠰᠤᠨ ᠵᠢᠷᠭ᠋ᠠᠵᠤ ᠪᠤᠢ ᠬᠡᠮᠡᠨ ᠵᠡᠭᠦᠳᠦᠯᠡᠳᠡᠭ ᠪᠠᠶ᠋ᠢᠯᠠ ᠁ ᠬᠥᠭᠵᠢᠯ ᠮᠠᠨᠳᠤᠯᠤᠨ ᠠᠯᠳᠠᠨ ᠲᠦᠷᠦᠭᠡ ᠬᠠᠩᠭᠢᠨᠠᠭᠤᠯᠵᠤ ᠲᠤᠷᠤᠨᠠ ᠵᠢᠨ ᠲᠣᠷᠭ᠋ᠠᠨ ᠡᠯᠢᠭᠡᠨᠳᠤ ᠲᠦᠮᠡᠨ ᠨᠢᠳᠦᠲᠠᠢ ᠲᠡᠭᠷᠢ ᠰᠢᠭ ᠰᠦᠷ ᠭᠡᠷᠡᠯᠲᠠᠢ᠂ ᠨᠠᠮ ᠲᠠᠶ᠋ᠢᠪᠤᠩ ᠣᠷᠣᠰᠢᠬᠤ ᠪᠤᠷᠬᠠᠨ ᠡᠬᠡ ᠣᠷᠣᠨ ᠮᠢᠨᠢ᠃ ᠲᠠᠨᠤ ᠴᠢᠮᠬᠢ ᠰᠢᠷᠣᠢ᠂ ᠥᠨᠥᠴᠢᠨ ᠨᠠᠪᠴᠢ᠂ ᠥᠴᠥᠬᠡᠨ ᠰᠢᠷᠭᠤᠯᠵᠢ ᠁ ᠴᠢᠨᠢ ᠠᠳᠠᠯᠠ ᠮᠢᠨᠤ ᠰᠡᠳᠬᠢᠯᠳᠤ ᠠᠯᠳᠠᠪᠠᠷ ᠰᠣᠯᠢᠬᠤ ᠦᠭᠡᠢ ᠦᠨᠡᠲᠦ ᠡᠷᠳᠡᠨᠢ ᠶᠤᠮᠰᠠᠨ᠃ ᠬᠤᠯᠠᠳᠠᠬᠤᠪᠠᠷ ᠵᠡᠭᠦᠳᠦᠨᠳᠤ ᠡᠷᠭᠢᠴᠡᠨᠡ᠃ ᠣᠶ᠋ᠢᠷᠠᠳᠬᠤᠪᠠᠷ ᠵᠢᠷᠦᠬᠡᠨᠳᠤ ᠭᠡᠷᠡᠯᠲᠦᠨᠡ᠃
ᠡᠵᠢ — ᠨᠠᠷᠠᠨᠤ ᠦᠨᠦᠷᠲᠠᠢ ᠡᠬᠡ ᠣᠷᠣᠨ ᠮᠢᠨᠢ᠃
ᠡᠬᠡ ᠣᠷᠣᠨ — ᠰᠢᠲᠦᠭᠡᠨ ᠲᠡᠭᠷᠢ ᠡᠵᠢ ᠮᠢᠨᠢ ᠠ᠋᠃
ᠢᠷᠡᠯᠲᠡ᠄ ᠲᠤᠮᠳᠠᠳᠤ ᠤᠯᠤᠰᠤᠨ ᠮᠣᠩᠭᠤᠯ ᠬᠡᠯᠡᠨᠤ ᠰᠣᠨᠢᠨ ᠮᠡᠳᠡᠭᠡ ᠵᠢᠨ ᠰᠦᠯᠵᠢᠶᠡ