ᠰᠦᠨ ᠴᠠᠭ᠋ᠠᠨ ᠰᠠᠷᠠ
ᠨᠡᠶ᠋ᠢᠲᠡᠯᠡᠭᠰᠡᠨ ᠴᠠᠭ᠄ 2024-08-07
ᠵᠣᠬᠢᠶᠠᠭᠴᠢ᠄ ᠪᠣᠷᠵᠢᠭᠢᠨ ᠷ᠊·ᠨᠠᠰᠤᠨᠬᠡᠰᠢᠭ
ᠣᠪᠣᠭᠠ ᠣᠩᠭᠣᠳᠢ ᠭᠡᠢ᠌ᠭᠦᠯᠬᠦ ᠭᠡᠵᠦ ᠣᠳᠣᠳᠲᠠᠢ ᠬᠠᠮᠲᠤ ᠬᠠᠨᠢᠰᠴᠤ
ᠣᠷᠴᠢᠯᠠᠩᠤᠨ ᠠᠯᠢᠪᠠ ᠵᠢ ᠲᠠᠨᠢᠭᠳᠠᠭᠤᠯᠬᠤ ᠭᠡᠵᠦ ᠳᠡᠰᠤ ᠬᠠᠷᠠᠩᠭᠤᠢ ᠵᠢ ᠵᠦᠰᠦᠭᠰᠡᠨ
ᠠᠳᠤᠭᠤᠳᠤᠨ ᠬᠥᠯᠥᠰᠦᠲᠠᠢ ᠠᠮᠢᠰᠬᠤᠯᠯᠠᠬᠤ ᠭᠡᠵᠦ ᠨᠠᠮᠤᠭᠤᠬᠠᠨ ᠬᠥᠳᠡᠭᠡᠪᠠᠨ ᠪᠠᠷᠠᠯᠠᠵᠤ
ᠠᠭ᠋ᠠᠭᠲᠠᠢ ᠴᠠᠢ ᠰᠦᠯᠡᠬᠦ ᠭᠡᠵᠦ ᠦᠷᠤᠨ ᠲᠤᠶᠠᠭᠠᠲᠠᠢ ᠮᠡᠨᠳᠦᠴᠢᠯᠡᠳᠡᠭ ᠶᠤᠮ
ᠡᠵᠢ ᠵᠢᠨ ᠬᠠᠷᠠᠴᠠᠲᠠᠢ ᠠᠯᠤᠰᠤᠨ ᠠᠯᠤᠰᠢ ᠡᠨᠡᠷᠢᠯ ᠬᠠᠢ᠌ᠷᠠᠪᠠᠷ ᠲᠡᠷᠭᠡᠯᠰᠢᠭᠦᠯᠵᠦ
ᠡᠵᠡᠨ ᠰᠠᠭᠤᠴᠠᠲᠠᠢ ᠪᠣᠷᠣᠬᠠᠨ ᠲᠠᠯᠠᠪᠠᠨ ᠨᠠᠷᠠᠲᠠᠢ ᠢᠵᠢᠯᠢᠬᠡᠨ ᠪᠦᠪᠡᠢ᠌ᠯᠡᠭᠰᠡᠨ
ᠡᠩ ᠦᠭᠡᠢ ᠡᠬᠡ ᠳᠡᠯᠡᠬᠡᠢᠪᠠᠨ ᠥᠪᠡᠷᠲᠡᠭᠡᠨ ᠲᠣᠯᠢᠳᠠᠬᠤ ᠵᠢᠨ ᠤᠴᠢᠷ
ᠡᠨᠡᠬᠡᠨ ᠬᠣᠷᠸᠠ ᠵᠢᠨ ᠠᠶᠠᠯᠭᠤ ᠪᠦᠭᠦᠨᠢ ᠡᠭᠡᠰᠢᠭ ᠳᠦᠷᠥᠭᠦᠯᠵᠤ ᠬᠥᠭᠵᠢᠮᠳᠡᠳᠡᠭ ᠶᠤᠮ
ᠣᠨ ᠣᠨᠤ ᠴᠡᠴᠡᠭᠲᠦ ᠵᠤᠨᠢ ᠴᠢᠯᠠᠭᠤᠳᠤᠨ ᠡᠯᠢᠭᠡᠨᠳᠤ ᠳᠡᠯᠭᠡᠷᠡᠭᠦᠯᠵᠦ
ᠤᠷᠭᠤᠬᠤ ᠡᠭᠦᠯᠡᠰᠤᠨ ᠰᠡᠮᠭᠡᠨ ᠨᠡᠭᠦᠳᠡᠯ ᠳᠡᠷᠡ ᠤᠷᠤᠭᠤ ᠭᠦᠪᠤᠯᠵᠡᠭᠰᠡᠨ
ᠬᠥᠮᠥᠨ ᠵᠤᠨᠤ ᠬᠥᠬᠡ ᠳᠤᠮᠤᠭᠢ ᠳᠡᠭᠡᠳᠦ ᠲᠡᠭᠷᠢ ᠢᠪᠡᠭᠡᠬᠦᠳᠤ
ᠬᠥᠬᠡᠷᠡᠬᠦ ᠲᠠᠪᠢᠯᠠᠩᠤᠨ ᠠᠮᠢᠯᠠᠯ ᠪᠦᠭᠦᠨ ᠦᠷᠡ ᠦᠨᠳᠦᠰᠦᠲᠠᠢ ᠦᠷᠭᠦᠯᠵᠢᠯᠡᠳᠡᠭ ᠶᠤᠮ
ᠲᠡᠷᠲᠡᠭᠡᠬᠢ ᠨᠠᠷᠠᠪᠴᠢᠨᠠᠴᠠ ᠳᠡᠪᠳᠡᠷᠢᠨ ᠨᠢᠰᠬᠦ ᠬᠥᠬᠥᠭᠡ ᠵᠢᠨ ᠳᠠᠭᠤᠨᠢ ᠴᠢᠩᠨᠠᠵᠤ
ᠳᠠᠩᠳᠠᠪᠠᠨ ᠶᠠᠷᠢᠭᠳᠠᠳᠠᠭ ᠦᠯᠢᠭᠡᠷᠤᠨ ᠶᠢᠷᠲᠢᠨᠴᠦ ᠭᠦᠨ ᠰᠥᠨᠢᠪᠠᠷ ᠳᠤᠤᠨᠢᠬᠰᠠᠨ
ᠵᠥᠭᠡᠯᠡᠬᠡᠨ ᠮᠡᠯᠮᠡᠯᠵᠡᠬᠦ ᠴᠡᠭᠡᠨ ᠤᠰᠤᠨᠠ ᠠᠭᠤᠯᠠᠰᠤᠨ ᠥᠩᠭᠡ ᠪᠤᠭᠤᠷᠤᠯᠲᠤᠬᠤᠳᠤ
ᠵᠥᠩᠳᠡᠭᠡᠨ ᠡᠷᠢᠭᠳᠡᠬᠦ ᠥᠴᠥᠭᠡᠳᠦᠷᠤᠨ ᠲᠤᠬᠠᠢ ᠥᠨᠥᠴᠢᠨ ᠨᠢᠯᠪᠤᠰᠤᠲᠠᠢ ᠬᠣᠨᠣᠳᠠᠭ ᠶᠤᠮ
ᠡᠷᠲᠡ ᠡᠳᠦᠭᠡ ᠵᠢᠨ ᠴᠠᠭ ᠬᠤᠭᠤᠴᠠᠭᠠ ᠠᠯᠳᠠᠩᠬᠠᠨ ᠬᠠᠷᠭᠤᠢᠳᠤ ᠮᠥᠷᠳᠡᠭᠳᠡᠵᠦ
ᠡᠷᠭᠢᠨ ᠬᠠᠷᠠᠬᠤ ᠤᠯᠠ ᠮᠥᠷ ᠴᠠᠰᠤ ᠪᠣᠷᠣᠭ᠋ᠠᠨᠲᠠᠢ ᠡᠭᠡᠯᠵᠢᠯᠡᠭᠰᠡᠨ
ᠡᠯᠢᠭᠡ ᠪᠦᠲᠦᠨ ᠬᠣᠩᠭᠤᠷᠬᠠᠨ ᠮᠥᠷᠥᠭᠡᠳᠦᠯ ᠥᠨᠢᠳᠡ ᠵᠢᠨ ᠰᠡᠳᠬᠢᠯᠢ ᠠᠷᠭ᠋ᠠᠮᠵᠢᠬᠤᠳᠤ
ᠠᠮᠤᠷ ᠠᠮᠤᠭᠤᠯᠠᠩᠤᠨ ᠭᠡᠷᠡᠯ ᠭᠡᠭᠡ ᠵᠠᠭᠤᠨ ᠥᠭᠡᠳᠡ ᠲᠤᠨᠤᠯᠵᠠᠳᠠᠭ ᠶᠤᠮ
ᠢᠷᠡᠯᠲᠡ᠄ ᠳᠤᠮᠳᠠᠲᠤ ᠤᠯᠤᠰᠤᠨ ᠮᠣᠩᠭᠤᠯ ᠬᠡᠯᠡᠨᠤ ᠰᠣᠨᠢᠨ ᠮᠡᠳᠡᠭᠡ ᠵᠢᠨ ᠰᠦᠯᠵᠢᠶᠡ