ᠪᠣᠷᠣᠭ᠋ᠠᠨᠤ ᠤᠯᠠᠷᠢᠯ
ᠨᠡᠶ᠋ᠢᠲᠡᠯᠡᠭᠰᠡᠨ ᠴᠠᠭ᠄ 2024-08-07
ᠵᠣᠬᠢᠶᠠᠭᠴᠢ᠄ ᠰ᠊ ·ᠰᠡᠴᠡᠨᠳᠠᠯᠠᠢ
ᠬᠠᠰᠢᠷᠠᠲᠠᠯᠠ ᠣᠷᠣᠳᠠᠭ ᠪᠣᠷᠣᠭ᠋ᠠᠨ ᠥᠨᠵᠢᠵᠦ ᠬᠣᠨᠣᠬᠤ ᠦᠭᠡᠢ ᠱᠠᠭᠢᠨᠠ
ᠬᠠᠷᠠ ᠨᠢᠳᠦᠨ ᠪᠤᠷᠮᠠ ᠠᠷᠪᠠᠨ ᠨᠠᠢ᠍ᠮᠠᠳᠠᠢ ᠭᠤᠩᠬᠠᠨᠠ
ᠬᠠᠶᠠ ᠨᠢᠭᠡ ᠤᠴᠠᠷᠠᠬᠤᠳᠤ ᠬᠡᠯᠡᠵᠦ ᠪᠠᠷᠢᠬᠤᠪᠠᠨ ᠠᠯᠳᠠᠭ᠋ᠠᠳ
ᠬᠠᠯᠵᠠ ᠮᠥᠷᠭᠥᠯᠳᠦᠭᠰᠡᠨ ᠬᠠᠷᠠᠴᠠ ᠴᠢᠨᠢ ᠵᠢᠷᠦᠬᠡᠨᠳᠤ ᠣᠷᠣᠲᠠᠯᠠ ᠲᠤᠶᠠᠭ᠋ᠠᠷᠠᠨᠠ
ᠬᠤᠯᠠ ᠵᠢᠨ ᠠᠭᠤᠯᠠᠰᠤᠨ ᠣᠷᠣᠢᠪᠠᠷ ᠬᠤᠷᠠ ᠵᠢᠨ ᠡᠭᠦᠯᠡᠰ ᠬᠦᠳᠡᠩᠲᠦᠨᠡ
ᠬᠣᠷᠣᠮ ᠵᠠᠭᠤᠷᠠ ᠵᠢᠨ ᠬᠣᠭᠣᠷᠣᠨᠳᠤ ᠠᠶᠤᠩᠭᠠ ᠴᠠᠭᠢᠯᠭ᠋ᠠᠨ ᠭᠢᠯᠠᠰᠤᠨᠠ
《ᠬᠣᠶᠠᠭᠤᠯᠠ ᠶᠤᠮ ᠴᠢᠨᠢ ᠬᠠᠮᠢᠶᠠ ᠦᠭᠡᠢ》 ᠭᠡᠵᠦ ᠡᠷᠡ ᠵᠢᠨ ᠰᠦᠷ ᠵᠶ᠋ᠠᠨ ᠭᠠᠢ᠌ᠬᠠᠭᠤᠯᠤᠨᠠ
ᠬᠤᠪᠴᠠᠰᠤᠪᠠᠨ ᠭᠦᠷᠳᠡᠯᠡ ᠲᠠᠢ᠌ᠯᠵᠦ ᠴᠢᠨᠦ ᠳᠡᠭᠡᠷᠡ ᠨᠥᠮᠥᠷᠦᠭᠦᠯᠦᠨᠡ
ᠰᠤᠪᠤᠳᠷᠠᠨ ᠪᠠᠭᠤᠬᠤ ᠳᠤᠰᠤᠯ ᠴᠡᠴᠡᠭᠡᠰᠤᠨ ᠳᠡᠯᠪᠢᠳᠤ ᠪᠥᠵᠢᠨᠡ
ᠰᠣᠯᠣᠩᠭᠠ ᠲᠠᠲᠠᠭᠰᠠᠨ ᠨᠠᠭᠤᠷᠲᠤ ᠤᠰᠤᠨᠤ ᠰᠢᠪᠠᠭᠤᠳ ᠭᠠᠩᠭ᠋ᠠᠨᠠᠨᠠ
ᠰᠣᠴᠢᠭᠰᠠᠨ ᠶᠤᠮᠰᠢᠭ ᠴᠠᠭᠤᠨ ᠵᠡᠭᠦᠦ ᠬᠤᠷᠳᠤ ᠮᠡᠳᠡᠨ ᠵᠢᠷᠢᠢ᠍ᠵᠦ
ᠰᠣᠷᠢᠶᠠ ᠭᠦᠢ᠍ᠴᠡᠭᠰᠡᠨ ᠦᠷᠢᠶᠡ ᠰᠢᠭ ᠳᠤᠠᠠᠳᠤᠯᠤᠠᠠᠰᠠᠨ ᠵᠢᠷᠦᠬᠡ ᠥᠨᠳᠡᠯᠵᠡᠨᠡ
ᠳᠡᠷᠡ ᠯᠡ ᠴᠠᠭᠠᠴᠠ ᠬᠣᠢ᠌ᠰᠢ ᠪᠤᠷᠮᠠ ᠪᠣᠷᠣᠭ᠋ᠠᠨ ᠬᠣᠶᠠᠷ
ᠲᠡᠰᠬᠡᠯ ᠦᠭᠡᠢ ᠨᠠᠰᠤᠨᠤ ᠮᠢᠨᠢ ᠬᠦᠰᠡᠯ ᠪᠣᠯᠣᠨ ᠵᠦᠰᠡᠷᠡᠭᠰᠡᠨ ᠰᠠᠨ
ᠳᠡᠭᠡᠵᠦ ᠯᠡ ᠨᠢᠭᠡ ᠨᠣᠷᠣᠭᠰᠠᠨ ᠬᠠᠢ᠌ᠷᠠ ᠵᠢᠨ ᠵᠥᠭᠡᠯᠡᠨ ᠬᠤᠷᠠ ᠵᠢ
ᠲᠡᠮᠳᠡᠭᠯᠡᠯᠤᠨ ᠳᠡᠪᠲᠡᠷᠠᠴᠠᠪᠠᠨ ᠤᠩᠰᠢᠬᠤᠳᠤ ᠴᠢᠭᠢᠭᠤᠨ ᠦᠨᠦᠷᠨᠢ ᠠᠩᠬᠢᠯᠤᠨᠠ
ᠠᠷᠭ᠋ᠠᠯ ᠰᠡᠪᠡᠷᠡᠭᠡᠬᠦ ᠵᠠᠪ ᠦᠭᠡᠢ ᠮᠦᠭᠦᠨ ᠬᠤᠷᠠ ᠴᠠᠢ᠌ᠷᠠᠭ᠋ᠠᠳ
ᠠᠳᠤᠭᠤᠨᠳᠠᠭᠠᠨ ᠭᠠᠷᠤᠭ᠋ᠠᠳ ᠳᠤᠷᠠᠨᠳᠠᠬᠤᠳᠤ ᠵᠢᠭ᠋ᠠᠬᠠᠨ ᠪᠤᠷᠮᠠ ᠭᠤᠩᠬᠠᠭ᠋ᠠᠳ
ᠶᠠᠮᠠᠷ ᠰᠠᠢ᠌ᠬᠠᠨ ᠴᠠᠭ ᠪᠤᠢ᠂ ᠵᠠᠯᠠᠭᠤ ᠬᠠᠯᠠᠭᠤᠨ ᠨᠠᠰᠤ ᠠ᠋ ᠭᠡᠵᠢ
ᠶᠠᠭ᠋ᠠᠬᠢᠭᠰᠠᠨ ᠭᠠᠩᠭ᠋ᠠᠩ ᠪᠠᠢ᠌ᠭ᠋ᠠᠯᠢ ᠪᠤᠢ᠂ ᠵᠤᠨᠤ ᠳᠠᠩᠰᠤᠭ ᠤᠯᠠᠷᠢᠯ ᠠ᠋ ᠭᠡᠵᠢ
ᠢᠷᠡᠯᠲᠡ᠄ ᠳᠤᠮᠳᠠᠲᠤ ᠤᠯᠤᠰᠤᠨ ᠮᠣᠩᠭᠤᠯ ᠬᠡᠯᠡᠨᠤ ᠰᠣᠨᠢᠨ ᠮᠡᠳᠡᠭᠡ ᠵᠢᠨ ᠰᠦᠯᠵᠢᠶᠡ