ᠪᠤᠭᠤᠷᠤᠯ ᠱᠠᠩᠰᠢ
ᠨᠡᠶ᠋ᠢᠲᠡᠯᠡᠭᠰᠡᠨ ᠴᠠᠭ᠄ 2024-08-27
ᠵᠣᠬᠢᠶᠠᠭᠴᠢ᠄ ᠡ᠊·ᠮᠠᠩᠯᠠᠢ
ᠦᠯᠢᠶᠡᠬᠦ ᠰᠠᠯᠬᠢᠨᠤ ᠢᠯᠪᠢᠯᠲᠡᠪᠠᠷ
ᠥᠩᠭᠡ ᠵᠢᠨ ᠳᠠᠷᠴᠤᠭ ᠵᠶ᠋ᠠᠨ ᠰᠠᠵᠢᠯᠠᠭᠤᠯᠵᠤ
ᠦᠢ᠍ᠯᠡ ᠶᠡᠬᠡᠲᠡᠢ ᠣᠷᠴᠢᠯᠠᠩᠤᠨ
ᠬᠠᠲᠠᠭᠤ ᠵᠥᠭᠡᠯᠡᠨᠢ ᠲᠡᠭᠰᠢᠯᠡᠵᠦ
ᠥᠨᠳᠥᠷ ᠠᠭᠤᠯᠠᠨᠤ ᠨᠠᠷᠠᠰᠤ ᠰᠢᠭ᠋
ᠬᠡᠭᠡᠨᠴᠢᠷ ᠭᠤᠪᠠᠢ ᠬᠠᠷᠠᠭᠳᠠᠭᠠ ᠦᠭᠡᠢ ᠴᠦ᠍
ᠦᠨᠳᠦᠰᠦ ᠨᠠᠮᠠᠭᠠᠪᠠᠨ ᠪᠡᠬᠢᠯᠡᠵᠦ
ᠨᠤᠲᠤᠭ ᠵᠶ᠋ᠠᠨ ᠰᠠᠬᠢᠭᠠ ᠰᠢᠲᠦᠭᠡᠨ ᠮᠢᠨᠢ
ᠨᠠᠷᠠᠨ ᠤᠷᠭᠤᠬᠤ ᠥᠷᠯᠥᠭᠡᠪᠠᠷ
ᠡᠵᠢ ᠵᠢᠨ ᠮᠢᠨᠢ ᠰᠠᠴᠤᠯᠢ ᠵᠢ ᠲᠤᠰᠴᠦ
ᠨᠠᠪᠴᠢᠨ ᠴᠡᠯᠡᠭᠡᠷ ᠰᠠᠯᠠᠭ᠋ᠠᠨᠳᠠᠭᠠᠨ
ᠰᠢᠪᠠᠭᠤ ᠱᠠᠭ᠋ᠠᠵᠠᠭ᠋ᠠᠢᠪᠠᠨ ᠵᠢᠷᠭᠢᠭᠦᠯᠵᠦ
ᠨᠠᠢ᠌ᠷ ᠬᠥᠭᠵᠢᠭᠡᠭᠰᠡᠨ ᠠᠶᠠᠯᠭᠤᠨᠳᠤ
ᠣᠨ ᠵᠢᠯ ᠵᠶ᠋ᠠᠨ ᠮᠠᠷᠲᠠᠵᠤ
ᠨᠢᠯᠬᠠ ᠪᠠᠭᠠ ᠵᠢ ᠮᠢᠨᠢ ᠥᠯᠥᠭᠡᠢ᠌ᠳᠡᠨ
ᠦᠯᠢᠭᠡᠷ ᠬᠦᠦᠷᠨᠢᠳᠡᠭ ᠬᠠᠢ᠌ᠯᠠᠰᠤ ᠮᠢᠨᠢ
ᠴᠡᠭᠡᠨ ᠰᠠᠷᠠᠨᠤ ᠲᠤᠶᠠᠭ᠋ᠠᠨᠳᠤ
ᠠᠮᠲᠠᠲᠤ ᠵᠡᠭᠦᠳᠦ ᠵᠢ ᠮᠢᠨᠢ ᠰᠠᠭ᠋ᠠᠲᠠᠭᠤᠯᠵᠤ
ᠴᠡᠴᠡᠭ ᠠᠯᠠᠭᠯᠠᠭᠰᠠᠨ ᠲᠠᠯᠠᠪᠠᠨ
ᠦᠷᠡᠪᠠᠨ ᠶᠤᠮᠰᠢᠭ ᠦᠭᠦᠭᠡᠷᠳᠦᠵᠦ
ᠴᠡᠩᠭᠡᠭ ᠤᠰᠤᠨᠤ ᠬᠥᠪᠡᠭᠡᠨ ᠳᠡᠭᠡᠷᠡ
ᠬᠦᠦᠪᠠᠨ ᠰᠠᠷᠠᠪᠴᠢᠯᠠᠵᠤ ᠬᠦᠯᠢᠶᠡᠬᠦ ᠰᠢᠭ
ᠴᠠᠷᠢᠭᠤᠨ ᠬᠦᠰᠡᠯᠤᠨ ᠮᠢᠨᠢ ᠴᠠᠮᠬᠠᠭ
ᠬᠠᠢ᠌ᠷᠠ ᠵᠢᠨ ᠤᠩᠭᠤᠨ ᠰᠠᠬᠢᠭᠤᠰᠤ ᠮᠢᠨᠢ
ᠬᠠᠷᠠᠩᠭᠤᠢ ᠴᠦᠯᠢ ᠲᠤᠭᠤᠯᠵᠤ
ᠬᠠᠷᠢᠬᠤ ᠵᠢᠨ ᠬᠡᠴᠡᠭᠦᠦ ᠳᠠᠪᠠᠭ᠋ᠠᠨ ᠳᠡᠭᠡᠷᠡ
ᠬᠠᠯᠠᠭᠤᠨ ᠡᠪᠦᠷ ᠵᠶ᠋ᠠᠨ ᠳᠡᠯᠭᠡᠭᠡᠳ
ᠲᠠᠮᠠᠬᠢᠯᠠᠵᠤ ᠰᠠᠭᠤᠳᠠᠭ ᠡᠪᠦᠭᠡ ᠰᠢᠭ
ᠬᠠᠯᠠᠲᠠᠢ ᠡᠯᠡᠲᠠᠢ ᠠᠮᠢᠳᠤᠷᠠᠯᠳᠤ
ᠬᠠᠯᠠᠰᠢᠷᠠᠵᠤ ᠪᠤᠬᠢᠨᠢᠳᠤᠵᠤ ᠪᠠᠢ᠌ᠬᠤᠳᠤ
ᠬᠠᠲᠠᠭᠤ ᠰᠤᠷᠭ᠋ᠠᠯ ᠵᠶ᠋ᠠᠷ ᠵᠶ᠋ᠠᠨ ᠴᠢᠩᠭ᠋ᠠᠯᠠᠳᠠᠭ
ᠬᠠᠳᠠᠨ ᠵᠣᠷᠢᠭᠲᠤ ᠠᠪᠤ ᠰᠢᠭ᠋
ᠬᠠᠪᠤᠷᠤᠨ ᠬᠠᠷᠠ ᠰᠠᠯᠬᠢᠨᠳᠤ
ᠵᠦᠭ ᠵᠶ᠋ᠠᠨ ᠣᠯᠬᠤ ᠦᠭᠡᠢ ᠲᠥᠭᠡᠷᠢᠬᠦᠳᠤ
ᠬᠠᠮᠢᠭᠠ ᠬᠤᠯᠠᠠᠴᠠ ᠳᠠᠯᠠᠯᠳᠠᠭ
ᠡᠵᠢ ᠵᠢᠨ ᠲᠣᠷᠭ᠋ᠠᠨ ᠠᠯᠴᠢᠭᠤᠷ ᠰᠢᠭ᠋
ᠭᠠᠩᠤᠨ ᠬᠠᠯᠠᠭᠤᠨ ᠵᠤᠨ ᠵᠶ᠋ᠠᠷ
ᠭᠤᠨᠳᠠᠵᠤ ᠭᠣᠢ᠌ᠭᠣᠷᠴᠤ ᠶᠠᠪᠤᠬᠤᠳᠤ
ᠭᠠᠷᠤᠨ ᠵᠶ᠋ᠠᠨ ᠠᠯᠠᠭ᠋ᠠᠨ ᠳᠡᠭᠡᠷᠡ ᠪᠥᠭᠡᠴᠡᠢ᠌ᠯᠡᠳᠡᠭ
ᠭᠠᠨᠳᠠᠷᠢᠰᠤᠨ ᠰᠡᠷᠢᠭᠦᠨ ᠪᠠᠭᠤᠴᠠ ᠰᠢᠭ᠋
ᠬᠣᠩᠭᠣᠷ ᠨᠠᠮᠤᠷᠤᠨ ᠤᠶᠠᠩᠭᠠᠳᠤ
ᠰᠢᠷᠭ᠋ᠠᠯ ᠨᠠᠪᠴᠢᠰ ᠵᠶ᠋ᠠᠨ ᠪᠥᠵᠢᠭᠯᠡᠭᠦᠯᠦᠨ
ᠬᠤᠯᠠ ᠵᠢᠨ ᠬᠤᠯᠠ ᠮᠥᠷᠥᠭᠡᠳᠦᠯᠢ
ᠬᠥᠭᠡᠮᠡᠢ ᠵᠢᠨ ᠡᠭᠡᠰᠢᠭ ᠵᠶ᠋ᠠᠷ ᠳᠡᠩᠳᠡᠭᠦᠯᠵᠦ
ᠲᠡᠰᠭᠢᠮᠡ ᠬᠦᠢ᠍ᠲᠡᠨ ᠡᠪᠦᠯᠤᠨ
ᠲᠡᠰᠬᠦᠳᠤ ᠪᠡᠷᠬᠡ ᠣᠷᠴᠢᠨᠳᠤ
ᠲᠡᠮᠡᠦᠯᠦᠭᠰᠡᠨ ᠵᠦᠭᠲᠡᠭᠡᠨ ᠵᠣᠷᠢ ᠭᠡᠵᠦ
ᠲᠡᠩᠬᠡᠭᠡ ᠰᠡᠯᠪᠢᠭᠰᠡᠨ ᠰᠦᠯᠳᠡ ᠮᠢᠨᠢ
ᠶᠢᠷᠲᠢᠨᠴᠦ ᠵᠢᠨ ᠤᠯᠠᠭ᠋ᠠᠨ ᠲᠣᠭᠣᠰᠣᠨᠳᠤ
ᠢᠷᠡᠵᠦ ᠪᠤᠴᠠᠬᠤ ᠲᠠᠪᠢᠯᠠᠩᠳᠤ
ᠡᠪᠤᠨ ᠵᠢᠷᠤᠮᠢ ᠡᠷᠬᠢᠮᠯᠡ ᠭᠡᠳᠡᠭ
ᠡᠷᠳᠡᠨᠢ ᠵᠢᠨ ᠰᠤᠷᠭ᠋ᠠᠯ ᠰᠢᠪᠡᠨᠡᠭᠰᠡᠨ
ᠪᠤᠷᠬᠠᠨᠠᠴᠠ ᠢᠯᠡᠭᠡᠭᠰᠡᠨ ᠡᠯᠴᠢᠨ
ᠪᠤᠮᠠᠨ ᠦᠰᠦᠭᠲᠠᠢ ᠰᠤᠳᠤᠷ
ᠪᠤᠶᠠᠨ ᠬᠤᠷᠤᠢ᠌ᠯᠠᠭᠰᠠᠨ ᠬᠤᠪᠢᠯᠭ᠋ᠠᠨ
ᠪᠤᠭᠤᠷᠤᠯ ᠲᠤᠮᠤᠭᠤᠨ ᠱᠠᠩᠰᠢ ᠮᠢᠨᠢ
ᠢᠷᠡᠯᠲᠡ᠄ ᠥᠪᠥᠷ ᠮᠣᠩᠭᠣᠯᠤᠨ ᠡᠳᠦᠷᠤᠨ ᠰᠣᠨᠢᠨ