ᠵᠣᠬᠢᠶᠠᠭᠴᠢ᠄ ᠰᠠ᠊ ·ᠪᠤᠶᠠᠨᠳᠠᠯᠠᠢ

ᠨᠠᠮᠤᠷ᠎ᠤᠨ ᠰᠥᠨᠢ ᠪᠣᠷᠣᠭ᠎ᠠ ᠴᠢᠩᠨᠠᠬᠤ᠎ᠳᠤ

ᠨᠠᠪᠴᠢᠨ ᠳᠡᠭᠡᠷ᠎ᠡ ᠬᠠᠢ᠌ᠷ᠎ᠠ ᠪᠠᠭᠤᠬᠤ ᠮᠡᠳᠡᠷᠡᠭᠳᠡᠨ᠎ᠡ

ᠤᠳᠠᠵᠤ ᠥᠩᠭᠡᠷᠡᠬᠦ ᠴᠠᠭ᠎ᠤᠨ ᠵᠡᠭᠦᠦ

ᠤᠶᠠᠩᠭ᠎ᠠ ᠳᠠᠭᠤᠯᠠᠵᠤ ᠨᠢᠰᠴᠦ ᠱᠤᠤᠭᠢᠬᠤ᠎ᠨᠢ ᠴᠢᠩᠨᠠᠬᠳᠠᠨ᠎ᠠ

ᠨᠠᠮᠤᠷ᠎ᠤᠨ ᠰᠥᠨᠢ ᠪᠣᠷᠣᠭ᠎ᠠ ᠴᠢᠩᠨᠠᠬᠤ᠎ᠳᠤ

ᠨᠠᠢ᠌ᠷᠠᠭ᠎ᠤᠨ ᠬᠤᠷ᠎ᠠ ᠵᠢᠷᠦᠬᠡ ᠲᠦᠭᠰᠢᠭᠦᠯᠦᠨ ᠱᠠᠭᠢᠨ᠎ᠠ

ᠠᠮᠢᠳᠤᠷᠠᠯ ᠳᠠᠭᠤᠯᠠᠭᠰᠠᠨ ᠭᠣᠯᠢᠶᠠᠨ ᠳᠠᠭᠤᠨ

ᠠᠷᠤ ᠰᠢᠯᠢ ᠵᠢᠨ ᠰᠠᠯᠬᠢ ᠵᠢ ᠰᠡᠮᠡᠷᠡᠭᠦᠯᠦᠨ᠎ᠡ

ᠨᠠᠮᠤᠷ᠎ᠤᠨ ᠰᠥᠨᠢ ᠪᠣᠷᠣᠭ᠎ᠠ ᠴᠢᠩᠨᠠᠬᠤ᠎ᠳᠤ

ᠨᠡᠭᠦᠳᠡᠯ᠎ᠤᠨ ᠭᠠᠩᠭ᠋ᠠᠨᠠᠭ᠎ᠠ ᠰᠥᠨᠢ ᠵᠢᠨ ᠬᠥᠮ᠎ᠢ ᠡᠪᠳᠡᠨ᠎ᠡ

ᠨᠠᠢ᠌ᠷᠠᠭ ᠠᠢ᠌ᠷᠠᠭ ᠠᠭᠤᠰᠤᠨ ᠠᠯᠳᠠᠬᠤ᠎ᠳᠤ

ᠨᠠᠰᠣᠨ᠎ᠤ ᠥᠷᠳᠡᠭ ᠳᠤᠷᠠᠰᠤᠯ ᠳᠠᠮᠨᠠᠨ ᠦᠷᠭᠦᠯᠵᠢᠯᠡᠨ᠎ᠡ

ᠨᠠᠮᠤᠷ᠎ᠤᠨ ᠰᠥᠨᠢ ᠪᠣᠷᠣᠭ᠎ᠠ ᠴᠢᠩᠨᠠᠬᠤ᠎ᠳᠤ

ᠡᠪᠦᠭᠡᠳ᠎ᠤᠨ ᠠᠯᠬᠤᠴᠠ ᠮᠡᠲᠦ ᠳᠡᠯᠡᠬᠡᠢ ᠡᠷᠭᠢᠨ᠎ᠡ

ᠪᠦᠷᠦᠢ ᠭᠡᠭᠡ ᠵᠢᠨ ᠳᠤᠮᠳᠠᠭᠤᠷ

ᠪᠦᠭᠦ ᠵᠦᠢ᠍ᠯᠡᠰ ᠭᠡᠷᠡᠯ ᠳᠠᠳᠠᠨ ᠥᠩᠭᠡᠷᠡᠨ᠎ᠡ

ᠨᠠᠮᠤᠷ᠎ᠤᠨ ᠰᠥᠨᠢ ᠪᠣᠷᠣᠭ᠎ᠠ ᠴᠢᠩᠨᠠᠬᠤ᠎ᠳᠤ

ᠰᠠᠷᠠᠪᠴᠢᠨ᠎ᠤ ᠤᠰᠤ ᠶᠡᠨᠳᠡᠷ ᠴᠣᠭᠤᠯᠬᠤ ᠲᠥᠰᠥᠭᠡᠯᠡᠭᠳᠡᠨ᠎ᠡ

ᠴᠡᠴᠡᠭ᠎ᠤᠨ ᠬᠡᠪᠡᠯᠢ᠎ᠳᠤ ᠦᠷ᠎ᠡ ᠭᠦᠪᠦᠷᠡᠵᠥ

ᠴᠡᠩᠭᠡᠯ᠎ᠤᠨ ᠠᠶᠠᠰ ᠬᠥᠭᠵᠢᠮᠳᠡᠬᠦ᠎ᠨᠢ ᠰᠣᠨᠣᠰᠳᠠᠨ᠎ᠠ᠃