ᠨᠠᠮᠤᠷ
ᠨᠡᠶ᠋ᠢᠲᠡᠯᠡᠭᠰᠡᠨ ᠴᠠᠭ᠄ 2024-08-16
ᠵᠣᠬᠢᠶᠠᠭᠴᠢ᠄ ᠰ᠊·ᠥᠨᠳᠥᠷᠯᠢᠭ
ᠨᠠᠷᠢᠮᠤ ᠵᠢᠨ ᠲᠦᠷᠦᠭᠦᠦ ᠨᠠᠰᠤᠪᠠᠨ ᠳᠠᠭ᠋ᠠᠭ᠋ᠠᠮᠠ ᠦᠭᠡᠢ ᠪᠥᠬᠥᠢ᠌ᠨᠡ
ᠨᠠᠮᠤᠷ ᠪᠣᠯᠵᠤ ᠳ᠋ᠠ᠂ ᠬᠥᠭᠡᠷᠦᠬᠦᠢ！
ᠲᠠᠢ᠌ᠪᠤᠩ ᠳᠡᠯᠡᠬᠡᠢ ᠵᠢᠨ ᠲᠠᠷᠢᠬᠢᠨᠢ ᠲᠠᠷᠴᠠ ᠵᠢᠨ ᠲᠠᠭᠤᠨᠳᠤ ᠪᠤᠴᠠᠯᠤᠨᠠ
ᠲᠡᠷᠡᠨᠢ ᠨᠠᠮᠤᠷᠤᠨ ᠦᠳᠡᠰᠢ ᠮᠥᠨ
ᠦᠨᠳᠦᠰᠦ ᠤᠷᠤᠭᠤᠪᠠᠨ ᠤᠩᠰᠢᠵᠤ ᠥᠯᠮᠡᠢ ᠳᠡᠭᠡᠷᠡᠪᠠᠨ ᠥᠲᠡᠯᠦᠨᠡ
ᠦᠵᠡᠰᠡ᠂ ᠡᠷᠳᠡᠨᠢ ᠰᠢᠰᠢ ᠵᠢᠨ ᠦᠷᠡ ᠵᠢᠮᠢᠰ ᠡᠢ᠌ᠮᠦ ᠯᠡ
ᠮᠥᠴᠢᠷᠠᠴᠠᠪᠠᠨ ᠤᠢ᠌ᠳᠤᠭᠰᠠᠨ ᠵᠢᠮᠢᠰᠤᠨ ᠲᠠᠰᠤᠷᠠᠬᠤᠨᠢ ᠬᠥᠭᠵᠢᠮ
ᠪᠥᠮᠪᠥᠷᠴᠡᠭᠤᠨ ᠲᠠᠲᠠᠬᠤ ᠬᠦᠴᠦᠨᠤ ᠠᠶᠠᠯᠭᠤ
ᠪᠤᠴᠠᠬᠤ ᠭᠠᠯᠠᠭᠤᠳᠤᠨ ᠪᠤᠷᠴᠠᠭᠤᠨ ᠴᠢᠨᠡᠭᠡᠨ ᠭᠤᠨᠢᠭ
ᠪᠣᠷᠣᠭ ᠡᠪᠡᠰᠦᠨ ᠳᠡᠭᠡᠷᠡ ᠤᠨᠠᠨᠠ
ᠪᠠᠭᠠ ᠵᠢᠨ ᠳᠡᠯᠡᠬᠡᠢᠳᠤ ᠪᠠᠭᠪᠠᠭ᠋ᠠᠢ ᠴᠡᠴᠡᠭᠤᠨ ᠦᠳᠦᠨ ᠮᠠᠯᠠᠭ᠋ᠠᠢᠨᠢ ᠬᠡᠢ᠌ᠰᠦᠨᠡ
ᠪᠠᠷᠤᠭ ᠯᠡ ᠨᠠᠮᠤᠷ ᠪᠣᠯᠵᠤ ᠳ᠋ᠠ
ᠵᠡᠭᠦᠨ ᠠᠭᠤᠯᠠᠨᠤ ᠪᠠᠲᠤᠴᠠᠭ᠋ᠠᠨᠤ ᠵᠡᠭᠦᠳᠡᠭ ᠤᠯᠠᠭ᠋ᠠᠨ ᠠᠯᠴᠢᠭᠤᠷᠨᠢ ᠨᠠᠮᠢᠷᠠᠨᠠ
ᠵᠡᠭᠦᠳᠦᠨᠤ ᠠᠮᠠᠷᠠᠭ ᠮᠢᠨᠢ ᠢᠷᠡᠭᠡ ᠴᠣ᠌ ᠶᠤᠮ ᠤᠤ？
ᠪᠠᠷᠠᠭᠤᠨ ᠵᠢᠯᠠᠭᠠ ᠵᠢᠨ ᠪᠤᠭᠤ ᠤᠷᠤᠮᠳᠠᠬᠤᠨᠢ ᠬᠥᠭᠵᠢᠮ
ᠪᠤᠳᠤᠯᠤᠨ ᠦᠵᠦᠭᠦᠷᠲᠤ ᠨᠠᠮᠤᠷ ᠰᠠᠭ᠋ᠠᠲᠠᠭᠠ ᠭᠡᠵᠢ ᠤᠤ？
ᠤᠳᠪᠠᠯᠠ ᠴᠡᠴᠡᠭ ᠤᠷᠤᠭᠤᠯᠤᠨ ᠪᠤᠳᠤᠭ ᠵᠶ᠋ᠠᠨ ᠭᠦᠷᠳᠡᠯᠡ ᠥᠭᠡᠷᠡᠴᠢᠯᠡᠵᠡᠢ
ᠤᠷᠤᠭᠤᠨ ᠭᠠᠵᠠᠷᠲᠠᠭᠠᠨ ᠪᠠᠷᠤᠭ ᠯᠡ ᠥᠲᠡᠯᠦᠭᠡᠳ ᠮᠣᠷᠳᠠᠭᠰᠠᠨ ᠪᠠᠢ᠌ᠬᠤ ᠳ᠋ᠠ
ᠬᠡᠨᠵᠡ ᠨᠣᠭᠣᠭᠠ ᠪᠤᠬᠠᠯᠤᠨ ᠬᠥᠯᠳᠤ ᠡᠷᠡᠦ ᠵᠢᠨ ᠰᠠᠬᠠᠯ ᠰᠢᠭ᠋ ᠡᠷᠪᠡᠢ᠌ᠵᠦ ᠬᠠᠷᠠᠭᠳᠠᠨᠠ
ᠬᠡᠭᠡᠷᠡ ᠵᠢᠨ ᠭᠡᠰᠦᠭᠦᠯ ᠰᠠᠯᠬᠢ ᠬᠤᠷᠤᠭᠤᠨ ᠥᠨᠳᠡᠭᠡ ᠡᠰᠭᠡᠮᠡ ᠵᠢᠩᠳᠡᠭᠦᠨ
ᠵᠠᠳᠠᠭ᠋ᠠᠢ ᠲᠠᠯᠠ ᠵᠢᠨ ᠨᠠᠮᠤᠷᠤᠨ ᠤᠳᠪᠠᠯᠠ ᠵᠢ ᠪᠤᠯᠢᠶᠠᠯᠳᠤᠵᠤ
ᠵᠠᠭ᠋ᠠᠨᠤ ᠰᠣᠶᠣᠭᠠ ᠰᠢᠭ᠋ ᠠᠭᠤᠯᠠᠰ ᠡᠩᠭᠡᠷ ᠵᠠᠭ᠋ᠠᠮᠠᠪᠠᠨ ᠠᠪᠤᠯᠴᠠᠨᠠ
ᠬᠡᠨᠵᠡ ᠬᠤᠷᠠᠭᠠ ᠬᠡᠨᠵᠡ ᠨᠣᠭᠣᠭᠠ ᠴᠢᠮᠬᠢᠯᠡᠵᠦ ᠮᠠᠢ᠌ᠯᠠᠨᠠ
ᠬᠡᠭᠡᠷᠡ ᠵᠢᠨ ᠰᠥᠯ ᠳᠡᠭᠡᠷᠡ ᠬᠥᠭᠡᠷᠦᠬᠦᠨ ᠲᠠᠭᠤᠨᠢ ᠴᠠᠷᠴᠠᠭᠤ
ᠨᠢᠯᠪᠤᠰᠤᠨ ᠲᠤᠰᠤᠯ ᠰᠢᠭ᠋ ᠬᠡᠯᠬᠢᠯᠳᠦᠨ ᠲᠠᠰᠤᠷᠠᠬᠤ ᠨᠠᠮᠤᠷᠤᠨ ᠨᠠᠪᠴᠢᠰ
ᠨᠦᠮᠵᠦᠭᠬᠡᠨ ᠰᠡᠳᠬᠢᠯᠤᠨ ᠨᠠᠮᠠᠭ᠋ᠠᠨᠠᠴᠠ ᠬᠡᠢ᠌ᠰᠦᠨ ᠬᠡᠢ᠌ᠰᠦᠨ ᠤᠨᠠᠨᠠ
ᠴᠢᠨᠦ ᠬᠦᠵᠦᠭᠦᠨᠤ ᠣᠷᠢᠶᠠᠯᠲᠠ ᠰᠢᠭ᠋ ᠴᠠᠭ᠋ᠠᠨ ᠡᠭᠦᠯᠡ
ᠴᠢᠮᠠ ᠵᠢ ᠮᠥᠷᠥᠭᠡᠳᠦᠭᠰᠡᠨ ᠰᠡᠳᠬᠢᠯᠤᠨ ᠬᠢᠵᠠᠭ᠋ᠠᠷᠠᠴᠠ
ᠴᠡᠴᠡᠭᠡᠰᠤᠨ ᠦᠨᠦᠷᠲᠠᠢ ᠪᠣᠷᠣᠭᠠᠲᠠᠢᠪᠠᠨ ᠴᠠᠭᠤᠨ ᠪᠠᠭᠤᠴᠠᠨᠳᠤ ᠬᠣᠯᠠᠳᠠᠨᠠ
ᠮᠢᠨᠤ ᠳᠤᠷᠠᠯᠠᠯᠤᠨ ᠪᠣᠯᠵᠣᠭᠠ ᠰᠢᠭ᠋ ᠠᠮᠠᠷᠠᠭ ᠨᠣᠭᠣᠭ᠋ᠠᠨ ᠵᠤᠨ
ᠳᠤᠷᠠᠰᠤᠯᠤᠨ ᠮᠥᠴᠢᠷᠠᠴᠠ ᠵᠠᠯᠠᠭᠤ ᠨᠠᠰᠤ ᠰᠢᠭ᠋ ᠬᠠᠭᠳᠠᠷᠠᠨ ᠬᠠᠭᠳᠠᠷᠠᠨ
ᠴᠠᠰᠤᠨ ᠭᠦᠷᠮᠡᠲᠠᠢ ᠡᠪᠦᠯ ᠤᠷᠤᠭᠤ ᠤᠨᠠᠨᠠ
ᠬᠠᠨ ᠳᠡᠯᠡᠬᠡᠢᠳᠤ ᠬᠠᠢ᠌ᠷᠠ ᠢᠯᠴᠢᠪᠠᠨ ᠬᠠᠷᠠᠮ ᠦᠭᠡᠢ ᠶᠡᠭᠦᠯᠡᠭᠰᠡᠭᠡᠷ
ᠬᠠᠳᠠᠮᠤᠨ ᠵᠶ᠋ᠠᠨ ᠭᠠᠵᠠᠷᠲᠤ ᠨᠠᠷᠠ ᠥᠲᠡᠯᠦᠨᠡ
ᠲᠣᠪ ᠲᠤᠩᠭ᠋ᠠᠯᠠᠭ ᠨᠢᠯᠪᠤᠰᠤᠨᠤ ᠳᠣᠲᠣᠷᠠ
ᠲᠣᠳᠣ ᠲᠣᠳᠣᠬᠠᠨ ᠪᠦᠲᠦᠳᠡᠭ ᠵᠢᠷᠤᠭᠨᠢ ᠭᠠᠪ ᠰᠢᠷᠠ ᠥᠩᠭᠡᠲᠠᠢ
ᠨᠠᠮᠤᠷᠤᠨ ᠵᠢᠩᠳᠡᠭᠦᠨ ᠰᠡᠪᠰᠢᠶᠡᠨᠢ
ᠨᠤᠯ ᠨᠣᠭᠣᠭ᠋ᠠᠨ ᠥᠩᠭᠡ ᠵᠢ ᠠᠷᠴᠢᠭᠰᠠᠨ ᠭᠠᠷ ᠠᠯᠴᠢᠭᠤᠷ ᠮᠥᠨ
ᠬᠦᠢ᠍ᠲᠡᠨ ᠬᠢᠷᠠᠭᠤ ᠳᠣᠯᠢᠶᠠᠭᠰᠠᠨ ᠨᠠᠷᠠᠨᠤ ᠭᠡᠯᠡᠨᠢ ᠵᠢᠩᠳᠡᠨᠡ
ᠬᠦᠷᠢᠶᠡᠲᠦ ᠵᠢᠨ ᠨᠠᠭᠤᠷᠤᠨ ᠤᠰᠤᠨ ᠳᠡᠭᠡᠷᠡ ᠬᠤᠷᠤᠭᠤ ᠵᠤᠵᠠᠭ᠋ᠠᠨ ᠥᠷᠥᠮᠡ ᠰᠠᠭᠤᠨᠠ
ᠬᠡᠰᠢᠭᠲᠠᠢ ᠰᠢᠷᠠ ᠲᠠᠯᠠ ᠵᠢᠨ ᠨᠠᠮᠤᠷ ᠬᠡᠰᠡᠭᠲᠠᠢ ᠴᠠᠭ᠋ᠠᠨ ᠬᠤᠷᠤᠳ ᠰᠢᠭ᠋ ᠮᠢᠨᠴᠢᠢ᠍ᠨᠡ
ᠬᠡᠭᠡᠷᠡ ᠵᠢᠨ ᠡᠪᠡᠰᠦᠨᠤ ᠰᠤᠷ ᠳᠡᠭᠡᠭᠦᠷ ᠵᠡᠭᠡᠷᠡ ᠵᠢᠨ ᠭᠦᠶᠦᠳᠡᠯᠲᠠᠢ ᠰᠠᠯᠬᠢ ᠱᠣᠭᠰᠢᠨᠠ
ᠢᠷᠡᠯᠲᠡ᠄ ᠳᠤᠮᠳᠠᠲᠤ ᠤᠯᠤᠰᠤᠨ ᠮᠣᠩᠭᠤᠯ ᠬᠡᠯᠡᠨᠤ ᠰᠣᠨᠢᠨ ᠮᠡᠳᠡᠭᠡ ᠵᠢᠨ ᠰᠦᠯᠵᠢᠶᠡ