ᠳᠡᠭᠡᠳᠦᠯᠡᠨ ᠠᠮᠢᠨᠴᠢᠯᠠᠬᠤ ᠮᠢᠨᠢ ᠶᠠᠭ᠋ᠠᠬᠢᠯᠠ
ᠨᠡᠶ᠋ᠢᠲᠡᠯᠡᠭᠰᠡᠨ ᠴᠠᠭ᠄ 2024-07-30
ᠵᠣᠬᠢᠶᠠᠭᠴᠢ᠄ ᠪᠣᠷᠵᠢᠭᠢᠨ ᠬᠤᠪᠢᠰᠬᠠᠯᠲᠤ
ᠨᠠᠷᠠᠨᠤ ᠠᠯᠳᠠᠨ ᠰᠠᠴᠤᠷᠠᠭ ᠵᠶ᠋ᠠᠷ
ᠴᠠᠢ ᠰᠦᠯᠡᠵᠦ ᠪᠤᠯᠳᠠᠭ ᠰᠠᠨ ᠪᠣᠯ
ᠨᠠᠰᠤᠲᠠᠨ ᠪᠤᠭᠤᠷᠤᠯ ᠠᠪᠤ ᠡᠵᠢ ᠵᠢᠪᠠᠨ
ᠠᠴᠢᠯᠠᠨ ᠬᠦᠨᠳᠦᠯᠡᠬᠦ ᠮᠢᠨᠢ ᠶᠠᠭ᠋ᠠᠬᠢᠯᠠ ᠳ᠋ᠠ
ᠰᠠᠷᠠᠨᠤ ᠮᠥᠩᠭᠥᠨ ᠲᠤᠶᠠᠭᠠᠪᠠᠷ
ᠳᠤᠷᠠᠯᠠᠯ ᠵᠶ᠋ᠠᠨ ᠠᠷᠭ᠋ᠠᠮᠵᠢᠵᠤ ᠪᠤᠯᠳᠠᠭ ᠰᠠᠨ ᠪᠣᠯ
ᠰᠠᠢ᠌ᠬᠠᠨ ᠬᠣᠩᠭᠣᠷ ᠲᠡᠭᠦᠨᠢᠪᠠᠨ
ᠰᠠᠨᠠᠵᠤ ᠪᠠᠶᠠᠷᠯᠠᠭᠤᠯᠬᠤ ᠮᠢᠨᠢ ᠶᠠᠭ᠋ᠠᠬᠢᠯᠠ ᠳ᠋ᠠ
ᠤᠳᠤ ᠰᠤᠪᠤᠷᠠᠬᠤ ᠠᠨᠢᠷ ᠵᠶ᠋ᠠᠷ
ᠣᠷᠴᠢᠯᠠᠩᠢ ᠤᠬᠠᠵᠤ ᠪᠤᠯᠳᠠᠭ ᠰᠠᠨ ᠪᠣᠯ
ᠤᠷᠭ᠋ᠠᠨ ᠰᠠᠭ᠋ᠠᠷᠠᠯ ᠵᠶ᠋ᠠᠨ ᠡᠮᠡᠭᠡᠯᠯᠡᠵᠦ
ᠣᠮᠣᠭᠯᠠᠩ ᠳᠠᠪᠬᠢᠬᠤ ᠮᠢᠨᠢ ᠶᠠᠭ᠋ᠠᠬᠢᠯᠠ ᠳ᠋ᠠ
ᠨᠥᠮᠥᠭᠡᠨ ᠴᠠᠭ᠋ᠠᠨ ᠡᠭᠦᠯᠡ ᠵᠢ
ᠡᠰᠬᠡᠵᠦ ᠵᠦᠢ᠍ᠵᠦ ᠪᠤᠯᠳᠠᠭ ᠰᠠᠨ ᠪᠣᠯ
ᠨᠠᠮᠵᠠᠷ ᠰᠠᠢ᠌ᠬᠠᠨ ᠲᠡᠪᠡᠯ ᠣᠶᠣᠭᠤᠯᠵᠤ
ᠡᠮᠦᠰᠴᠦ ᠭᠠᠩᠭ᠋ᠠᠷᠠᠬᠤ ᠮᠢᠨᠢ ᠶᠠᠭ᠋ᠠᠬᠢᠯᠠ ᠳ᠋ᠠ
ᠪᠣᠷᠣᠭ᠋ᠠᠨᠤ ᠴᠡᠩᠬᠡᠷ ᠲᠤᠰᠤᠯ ᠵᠶ᠋ᠠᠷ
ᠡᠷᠢᠭᠡ ᠬᠡᠯᠬᠢᠵᠦ ᠪᠤᠯᠳᠠᠭ ᠰᠠᠨ ᠪᠣᠯ
ᠪᠤᠶᠠᠨ ᠵᠠᠶᠠᠭᠠᠪᠠᠨ ᠳᠠᠭ᠋ᠠᠳᠬᠠᠵᠤ
ᠡᠩᠬᠡ ᠵᠢᠷᠭ᠋ᠠᠬᠤ ᠮᠢᠨᠢ ᠶᠠᠭ᠋ᠠᠬᠢᠯᠠ ᠳ᠋ᠠ
ᠲᠡᠭᠷᠢ ᠵᠢᠨ ᠤᠷᠢᠬᠠᠨ ᠰᠠᠯᠬᠢᠪᠠᠨ
ᠲᠡᠭᠰᠢ ᠰᠠᠢ᠌ᠬᠠᠨ ᠰᠡᠪᠡᠯᠵᠡᠭᠦᠯᠳᠡᠭ ᠰᠠᠨ ᠪᠣᠯ
ᠲᠡᠨᠢᠭᠡᠷᠭᠡᠨ ᠬᠥᠳᠡᠭᠡᠪᠠᠨ ᠪᠠᠬᠠᠳᠤᠵᠤ
ᠳᠡᠭᠡᠳᠦᠯᠡᠨ ᠠᠮᠢᠨᠴᠢᠯᠠᠬᠤ ᠮᠢᠨᠢ ᠶᠠᠭ᠋ᠠᠬᠢᠯᠠ ᠳ᠋ᠠ᠃
ᠢᠷᠡᠯᠲᠡ᠄ ᠳᠤᠮᠳᠠᠲᠤ ᠤᠯᠤᠰᠤᠨ ᠮᠣᠩᠭᠤᠯ ᠬᠡᠯᠡᠨᠤ ᠰᠣᠨᠢᠨ ᠮᠡᠳᠡᠭᠡ ᠵᠢᠨ ᠰᠦᠯᠵᠢᠶᠡ