ᠪᠣᠷᠣᠭ᠋ᠠᠨᠤ ᠥᠩᠭᠡ
ᠨᠡᠶ᠋ᠢᠲᠡᠯᠡᠭᠰᠡᠨ ᠴᠠᠭ᠄ 2024-07-30
ᠵᠣᠬᠢᠶᠠᠭᠴᠢ᠄ ᠡᠷᠬᠢᠮᠲᠣᠭᠲᠠᠬᠤ
ᠪᠣᠷᠣᠭ᠋ᠠᠨ —
ᠪᠤᠲᠠᠷᠠᠵᠦ ᠪᠤᠢ ᠣᠰᠣᠨ ᠴᠡᠴᠡᠭᠡᠰ
ᠪᠣᠷᠣᠭ᠋ᠠᠨ —
ᠪᠤᠲᠠᠯᠠᠵᠦ ᠪᠤᠢ ᠡᠪᠡᠰᠦᠨᠤ ᠠᠮᠢᠰᠬᠣᠭᠠ
ᠪᠣᠷᠣᠭ᠋ᠠᠨ —
ᠪᠤᠳᠠᠷ ᠪᠤᠳᠠᠷ ᠴᠢᠯᠠᠭᠤᠳᠤᠨ ᠬᠦᠯᠢᠶᠡᠯᠲᠡ
ᠪᠣᠷᠣᠭ᠋ᠠᠨ —
ᠪᠣᠳᠢ ᠴᠠᠭ᠋ᠠᠨ ᠪᠤᠲᠣᠯᠤᠨ ᠨᠢᠯᠪᠤᠰᠤ
ᠲᠠᠩᠭᠢᠰᠤᠨᠬᠢ ᠪᠣᠯᠬᠣᠷ ᠪᠣᠷᠣᠭ᠋ᠠᠨ
ᠲᠡᠷᠡ ᠴᠢᠭ ᠵᠢᠡᠷ ᠵᠢᠡᠨ ᠴᠡᠩᠬᠡᠷ ᠥᠩᠭᠡᠲᠠᠢ
ᠲᠠᠯᠠ ᠵᠢᠨ ᠡᠪᠡᠰᠦᠨᠳᠤ ᠵᠤᠰᠠᠳᠠᠭ ᠪᠣᠯᠬᠣᠷ
ᠲᠤᠩᠭ᠋ᠠᠯᠠᠭ ᠮᠡᠯᠮᠡᠢᠨᠢ ᠨᠣᠭᠣᠭ᠋ᠠᠨ ᠥᠩᠭᠡᠲᠠᠢ
ᠡᠭᠦᠯᠡᠨ ᠱᠠᠩᠬᠤᠠᠴᠠ ᠪᠤᠲᠠᠷᠠᠲᠠᠬ ᠪᠣᠯᠬᠣᠷ
ᠡᠷᠬᠢᠮᠰᠦᠭ ᠪᠤᠲᠣᠬᠨᠢ ᠬᠥᠬᠡ ᠥᠩᠭᠡᠲᠠᠢ
ᠡᠩᠭᠡᠷᠤᠨ ᠴᠢᠯᠠᠭᠤᠨᠳᠤ ᠰᠢᠩᠭᠡᠳᠡᠭ ᠪᠣᠯᠬᠣᠷ
ᠡᠯᠪᠡᠭ ᠭᠡᠷᠡᠯᠨᠢ ᠴᠡᠭᠡᠨ ᠥᠩᠭᠡᠲᠠᠢ
ᠠᠯᠠᠭ᠋ᠠᠨ ᠬᠣᠩᠬᠣᠷᠲᠤ ᠡᠷᠬᠡᠯᠡᠳᠡᠭ ᠪᠣᠯᠬᠣᠷ
ᠠᠰᠢᠭᠦᠢ ᠪᠠᠰᠠ ᠮᠢᠨᠤ ᠥᠩᠭᠡᠲᠠᠢ
ᠠᠮᠠᠷᠠᠭᠤᠨ ᠰᠢᠬᠦᠷᠲᠤ ᠲᠣᠰᠲᠠᠬ ᠪᠣᠯᠬᠣᠷ
ᠠᠷᠢᠭᠤᠨ ᠬᠠᠢ᠌ᠷᠠ ᠵᠢᠨ ᠵᠢᠷᠦᠬᠡᠨ ᠥᠩᠭᠡᠲᠠᠢ
ᠨᠣᠮᠣᠨ ᠰᠣᠯᠣᠩᠭᠠ ᠲᠠᠲᠠᠳᠠᠭ ᠪᠣᠯᠬᠣᠷ
ᠨᠠᠷᠠᠨ ᠴᠢᠯᠠᠭᠤᠨᠤ ᠬᠠᠴᠢᠨ ᠥᠩᠭᠡᠲᠠᠢ
ᠨᠠᠮᠤᠷᠤᠨ ᠬᠢᠷᠠᠭᠤᠳᠤ ᠵᠤᠯᠭ᠋ᠠᠷᠠᠳᠠᠭ ᠪᠣᠯᠬᠣᠷ
ᠨᠠᠪᠴᠢ ᠴᠡᠴᠡᠭᠤᠨ ᠰᠢᠷᠭ᠋ᠠᠯ ᠥᠩᠭᠡᠲᠠᠢ
ᠡᠷᠭᠢ ᠵᠢᠨ ᠣᠰᠣᠨᠳᠤ ᠳᠠᠭᠤᠯᠠᠳᠠᠭ ᠪᠣᠯᠬᠣᠷ
ᠡᠭᠡᠰᠢᠭᠨᠢ ᠭᠦᠷᠲᠡᠯᠡ ᠲᠣᠮᠣᠬᠤᠨ ᠥᠩᠭᠡᠲᠠᠢ
ᠦᠷ ᠪᠦᠷᠦᠢᠪᠠᠷ ᠠᠩᠬᠢᠯᠳᠠᠭ ᠪᠣᠯᠬᠣᠷ
ᠡᠵᠢ ᠬᠥᠮᠥᠨᠤ ᠰᠦ ᠵᠢᠨ ᠥᠩᠭᠡᠲᠠᠢ
ᠭᠦᠯᠦᠭᠤᠨ ᠲᠡᠯᠳᠤ ᠭᠡᠷᠡᠯᠲᠦᠲᠡᠭᠤᠨ ᠤᠴᠢᠷ
ᠬᠡᠭᠡᠷᠡ ᠲᠠᠯᠠ ᠵᠢᠨ ᠰᠠᠯᠬᠢᠨᠤ ᠥᠩᠭᠡᠲᠠᠢ
ᠬᠥᠬᠡᠮᠳᠦᠭ ᠬᠠᠢ᠌ᠷᠬᠠᠨᠳᠤ ᠤᠨᠢᠶᠠᠷᠲᠤᠬᠤ ᠵᠢᠨ ᠤᠴᠢᠷ
ᠬᠥᠪᠴᠢ ᠮᠣᠳᠣᠨᠤ ᠭᠦᠨ ᠥᠩᠭᠡᠲᠠᠢ
ᠨᠠᠭ᠋ᠠᠳᠤᠮᠤᠨ ᠲᠣᠭᠣᠰᠣ ᠳᠠᠯᠠᠯᠳᠠᠭᠤᠨ ᠤᠴᠢᠷ
ᠨᠤᠲᠤᠭ ᠲᠦᠮᠡᠨᠤ ᠰᠦᠯᠳᠡ ᠵᠢᠨ ᠥᠩᠭᠡᠲᠠᠢ
ᠨᠠᠯᠠᠭ᠋ᠠᠷ ᠣᠷᠴᠢᠯᠠᠩ ᠵᠢᠷᠤᠳᠠᠭᠤᠨ ᠤᠴᠢᠷ
ᠨᠢᠭᠡᠯᠡ ᠥᠪᠡᠷ ᠵᠢᠡᠨ ᠤᠯᠠᠷᠢᠯᠤᠨ ᠥᠩᠭᠡᠲᠠᠢ
ᠰᠦᠷᠦᠭᠤᠨ ᠪᠡᠯᠴᠢᠭᠡᠷᠲᠤ ᠨᠠᠯᠠᠢ᠌ᠬᠤ ᠵᠢᠨ ᠤᠴᠢᠷ
ᠰᠡᠳᠬᠢᠯᠤᠨ ᠬᠢᠵᠠᠭ᠋ᠠᠷᠲᠤ ᠡᠩᠬᠡ ᠵᠢᠨ ᠥᠩᠭᠡᠲᠠᠢ
ᠰᠢᠪᠠᠭᠤᠳᠤᠨ ᠳᠠᠯᠠᠪᠴᠢᠨᠳᠤ ᠢᠰᠬᠡᠷᠬᠦ ᠵᠢᠨ ᠤᠴᠢᠷ
ᠰᠠᠨᠰᠠᠷᠤᠨ ᠲᠠᠩᠨᠠᠢᠳᠤ ᠮᠥᠩᠬᠡ ᠵᠢᠨ ᠥᠩᠭᠡᠲᠠᠢ
ᠵᠥᠭᠡᠯᠡᠨ ᠵᠥᠭᠡᠯᠡᠨ ᠠᠰᠬᠠᠷᠠᠬᠤ ᠵᠢᠨ ᠤᠴᠢᠷ
ᠵᠢᠷᠦᠬᠡᠨ ᠲᠠᠯᠠᠳᠤ ᠪᠤᠲᠣᠯᠤᠨ ᠥᠩᠭᠡᠲᠠᠢ
ᠵᠠᠭᠤᠨ ᠮᠢᠩᠭ᠋ᠠᠨᠳᠤ ᠦᠷᠭᠦᠯᠵᠢᠯᠡᠬᠦ ᠵᠢᠨ ᠤᠴᠢᠷ
ᠵᠥᠪᠤᠨ ᠵᠦᠭᠲᠤ ᠦᠨᠡᠨᠤ ᠥᠩᠭᠡᠲᠠᠢ
ᠪᠣᠷᠣᠭ᠋ᠠᠨ —
ᠣᠷᠭᠣᠵᠦ ᠪᠤᠢ ᠡᠭᠦᠯᠡᠰᠤᠨ ᠭᠡᠯᠡ
ᠪᠣᠷᠣᠭ᠋ᠠᠨ —
ᠤᠷᠤᠰᠴᠤ ᠪᠤᠢ ᠭᠣᠣᠯᠤᠨ ᠬᠥᠯ
ᠪᠣᠷᠣᠭ᠋ᠠᠨ—
ᠤᠯᠠᠯᠵᠠᠵᠤ ᠪᠤᠢ ᠵᠤᠯᠠ ᠵᠢᠨ ᠮᠢᠨᠢ ᠬᠤᠷᠤᠢ
ᠪᠣᠷᠣᠭ᠋ᠠᠨ —
ᠤᠩᠰᠢᠵᠤ ᠪᠤᠢ ᠰᠤᠳᠤᠷᠤᠨ ᠮᠢᠨᠢ ᠤᠷᠠᠢ
ᠢᠷᠡᠯᠲᠡ᠄