ᠵᠤᠨᠢ ᠪᠢ ᠪᠣᠷᠣᠭ᠋ᠠᠨᠲᠠᠢᠨᠢ ᠵᠢᠷᠤᠶᠠ
ᠨᠡᠶ᠋ᠢᠲᠡᠯᠡᠭᠰᠡᠨ ᠴᠠᠭ᠄ 2024-06-22
ᠵᠣᠬᠢᠶᠠᠭᠴᠢ᠄ ᠣ·ᠮᠥᠩᠬᠡ
ᠵᠡᠭᠡᠷᠡ ᠵᠢᠨ ᠭᠦᠶᠦᠳᠡᠯ ᠨᠡᠬᠡᠵᠦ
ᠬᠡᠭᠡᠷᠡ ᠵᠢᠨ ᠰᠠᠯᠬᠢ ᠳᠠᠪᠬᠢᠭᠤᠯᠤᠨᠠ
ᠵᠡᠷᠭᠡᠯᠭᠡ ᠰᠦᠮᠡᠯᠵᠡᠭᠦᠯᠦᠨ ᠬᠣᠯᠠᠳᠠᠬᠤᠳᠤᠨᠢ
ᠪᠤᠷᠭᠢᠯᠤᠭᠠ ᠪᠤᠯᠠᠭᠤᠳ ᠯᠠ ᠮᠡᠯᠮᠡᠷᠡᠨᠡ
ᠭᠠᠵᠠᠷᠤᠨ ᠠᠮᠢᠰᠬᠤᠭᠠ ᠴᠢᠩᠨᠠᠭᠰᠠᠨ
ᠭᠠᠩᠭ᠋ᠠᠩ ᠴᠡᠴᠡᠭᠡᠰ ᠳᠣᠬᠢᠯᠵᠠᠨᠠ
ᠭᠠᠯᠠᠭᠤᠳᠤᠨ ᠡᠭᠡᠰᠢᠭᠲᠤ ᠤᠶᠠᠷᠠᠭᠰᠠᠨ
ᠴᠢᠯᠠᠭᠤᠳᠤᠨ ᠵᠡᠭᠦᠳᠦᠨ ᠴᠤ᠌ ᠨᠢᠯᠪᠤᠰᠤᠷᠠᠨᠠ
ᠬᠦᠷᠡᠩ ᠠᠭᠤᠯᠠᠰᠤᠳ ᠨᠠᠮᠵᠤᠷᠳᠠᠨ
ᠬᠥᠨᠳᠡᠢ ᠵᠢᠯᠠᠭᠠᠲᠠᠢᠪᠠᠨ ᠬᠦᠦᠷᠨᠢᠯᠳᠦᠨᠡ
ᠬᠥᠳᠡᠭᠡ ᠰᠢᠯᠢ ᠵᠢᠨ ᠲᠤᠤᠯᠢᠰ
ᠬᠥᠯᠭᠡᠨ ᠰᠤᠳᠤᠷ ᠪᠣᠯᠵᠤ ᠡᠪᠬᠡᠭᠳᠡᠨᠡ
ᠭᠠᠩᠤᠨ ᠰᠢᠷᠠ ᠲᠠᠢ᠌ᠯᠤᠭᠳᠠᠬᠤᠳᠤ
ᠭᠠᠯᠲᠠᠢ ᠨᠠᠷᠠ ᠴᠤ᠌ ᠴᠢᠭᠢᠭᠲᠦᠮᠡᠷ
ᠭᠠᠢ᠌ᠬᠠᠮᠰᠢᠭᠲᠤ ᠮᠣᠷᠢᠳ ᠢᠨᠴᠠᠭ᠋ᠠᠬᠤᠳᠤ
ᠭᠠᠯᠪᠠ ᠵᠢᠨ ᠦᠵᠡᠰᠭᠦᠯᠡᠩ ᠲᠣᠳᠣᠷᠠᠮᠠᠷ
ᠰᠦᠷᠦᠭᠨᠢ ᠰᠦᠷᠦᠭᠲᠠᠢᠪᠠᠨ ᠨᠡᠢ᠌ᠯᠡᠯᠳᠦᠭᠡᠳ
ᠰᠥᠨᠢ ᠵᠢᠨ ᠣᠳᠣᠳᠲᠠᠢ ᠵᠠᠯᠭ᠋ᠠᠯᠳᠤᠮᠠᠷ
ᠰᠦᠵᠢᠭᠨᠢ ᠰᠦᠵᠢᠭᠲᠠᠢᠪᠠᠨ ᠰᠢᠲᠦᠯᠴᠡᠭᠡᠳ
ᠰᠦᠷᠯᠢᠭ ᠤᠪᠤᠭ᠋ᠠᠳᠲᠠᠢᠪᠠᠨ ᠪᠣᠷᠣᠭ᠋ᠠᠰᠢᠮᠠᠷ
ᠶᠠᠮᠠᠷ ᠳᠣᠲᠣᠨᠣᠬᠠᠨ ᠤᠯᠠᠷᠢᠯ ᠶᠤᠮ ᠳ᠋ᠠ
ᠶᠠᠭ᠋ᠠᠬᠢᠬᠤᠳᠠᠭᠠᠨ ᠲᠠᠰᠤᠯᠬᠠᠨ ᠰᠠᠨᠠᠭᠳᠠᠳᠠᠭ ᠶᠤᠮ ᠳ᠋ᠠ
ᠨᠠᠢ᠌ᠷ ᠬᠠᠢ᠌ᠷᠠ ᠳᠠᠪᠬᠤᠴᠠᠭᠰᠠᠨ
ᠡᠢ᠌ᠮᠦ ᠰᠠᠢ᠌ᠬᠠᠨ ᠤᠯᠠᠷᠢᠯᠢ ᠪᠢ
ᠨᠠᠯᠠᠭ᠋ᠠᠷ ᠨᠠᠮᠤᠷ ᠵᠦᠭ ᠤᠶᠠᠩᠭ᠋ᠠᠷᠠᠵᠤ ᠳᠠᠭᠤᠷᠢᠰᠳᠠᠭ
ᠨᠠᠪᠴᠢᠨ ᠨᠣᠭᠣᠭ᠋ᠠᠨ ᠵᠤᠨ ᠮᠢᠨᠢ ᠭᠡᠵᠦ ᠵᠢᠷᠤᠬᠤ ᠤᠤ
ᠨᠠᠮᠠ ᠵᠢ ᠴᠢᠮᠠ ᠵᠢ ᠮᠠᠷᠲᠠᠭᠤᠯᠵᠤ ᠴᠢᠳᠠᠬᠤ ᠦᠭᠡᠢ
ᠨᠡᠢ᠌ᠳᠡᠮ ᠰᠡᠩᠰᠡᠷᠡᠳᠡᠭ ᠪᠣᠷᠣᠭ᠋ᠠᠨᠲᠠᠢᠨᠢ ᠵᠢᠷᠤᠬᠤ ᠤᠤ
ᠢᠷᠡᠯᠲᠡ᠄ ᠳᠤᠮᠳᠠᠲᠤ ᠤᠯᠤᠰᠤᠨ ᠮᠣᠩᠭᠤᠯ ᠬᠡᠯᠡᠨᠤ ᠰᠣᠨᠢᠨ ᠮᠡᠳᠡᠭᠡ ᠵᠢᠨ ᠰᠦᠯᠵᠢᠶᠡ