ᠬᠠᠨᠤ ᠦᠶᠡ ᠵᠢᠨ ᠵᠢᠢ ᠯᠦ᠍ ᠰᠠᠢ ᠪᠣᠭᠣᠮᠲᠠ᠄ ᠾᠦᠩᠨᠦ ᠰᠢᠶᠦ᠋ᠩᠨᠦ ᠵᠢᠨ ᠪᠠᠭ᠋ᠠᠲᠤᠷᠯᠢᠭ ᠬᠡᠶ᠋ᠢᠮᠣᠷᠢ ᠵᠢ ᠪᠠᠷᠠᠯᠠᠨ ᠵᠣᠭᠰᠣᠬᠤ ᠴᠠᠶ᠋ᠢᠵᠠ
ᠨᠡᠶ᠋ᠢᠲᠡᠯᠡᠭᠰᠡᠨ ᠴᠠᠭ᠄ 2021-11-25
ᠵᠢᠢ ᠯᠦ᠍ ᠰᠠᠢ ᠪᠣᠭᠣᠮᠲᠠᠨᠢ ᠱᠠᠵᠢᠨᠲᠣᠬᠣᠢ ᠰᠤᠮᠤ ᠵᠢᠨ ᠬᠠᠷᠠᠭᠤᠨᠠ ᠠᠭᠤᠯᠠ ᠵᠢᠨ ᠠᠮᠠᠨᠳᠤ ᠪᠠᠶ᠋ᠢᠷᠢᠯᠠᠵᠤ᠂ ᠬᠠᠨᠤ ᠦᠶᠡᠳᠤ ᠮᠤᠨᠠ ᠠᠭᠤᠯᠠ ᠵᠢ ᠨᠡᠪᠲᠡᠷᠡᠨ ᠭᠠᠷᠬᠤ ᠴᠢᠬᠤᠯᠠ ᠴᠠᠶ᠋ᠢᠵᠠ ᠪᠡᠬᠢᠯᠡᠯᠲᠡ ᠪᠣᠯᠵᠤ ᠪᠠᠶ᠋ᠢᠵᠠᠢ᠃ ᠪᠠᠷᠠᠭᠤᠨ ᠬᠠᠨ ᠤᠯᠤᠰᠤᠨ ᠦᠶᠡᠰ᠂ ᠲᠤᠰ ᠪᠣᠭᠣᠮᠲᠠᠨᠢ ᠳᠣᠲᠣᠷ ᠣᠷᠣᠨ ᠪᠣᠯᠤᠨ ᠾᠦᠩᠨᠦ ᠤᠯᠤᠰᠤᠨ ᠤᠯᠤᠰ ᠲᠥᠷᠥ ᠵᠢᠨ ᠶᠠᠪᠤᠯᠴᠠᠭ᠋ᠠᠨᠤ ᠴᠢᠬᠤᠯᠠ ᠨᠡᠪᠲᠡᠷᠡᠬᠦ ᠪᠣᠭᠣᠮᠲᠠ ᠪᠣᠯᠵᠤ ᠪᠠᠶ᠋ᠢᠭᠰᠠᠨ ᠪᠥᠭᠡᠳ᠂ ᠮᠠᠨᠤ ᠤᠯᠤᠰᠤᠨ ᠬᠠᠮᠤᠭ ᠡᠷᠲᠡᠨᠤ ᠬᠠᠯᠬᠠᠭᠠ ᠪᠣᠭᠣᠮᠲᠠ ᠵᠢᠨ ᠵᠠᠭᠪᠤᠷ ᠪᠣᠯᠵᠤ ᠪᠠᠶ᠋ᠢᠳᠠᠭ᠃ ᠲᠡᠦᠬᠡᠨ ᠲᠡᠮᠳᠡᠭᠯᠡᠯᠢ ᠦᠨᠳᠥᠰᠦᠯᠡᠪᠡᠯ᠂ ᠨᠡᠶ᠋ᠢᠲᠡ ᠵᠢᠨ ᠣᠨ ᠲᠣᠭ᠋ᠠᠯᠠᠯᠠᠴᠠ ᠡᠮᠦᠨᠡ ᠬᠣᠶᠠᠳᠤᠭ᠋ᠠᠷ ᠵᠠᠭᠤᠨᠤ ᠦᠶᠡᠰ᠂ ᠸᠧᠢ ᠴᠢᠩ ᠵᠠᠩᠵᠤᠨ ᠤᠮᠠᠷᠠᠰᠢ ᠾᠦᠩᠨᠦ ᠤᠯᠤᠰᠢ ᠳᠠᠶ᠋ᠢᠯᠠᠵᠤ᠂ ᠡᠨᠳᠡ ᠴᠡᠷᠢᠭ ᠰᠠᠭᠤᠯᠭ᠋ᠠᠨ ᠪᠡᠬᠢᠯᠡᠨ ᠰᠠᠬᠢᠵᠤ ᠪᠠᠶ᠋ᠢᠵᠠᠢ᠃ ᠡᠨᠡ ᠬᠦ᠌ ᠴᠢᠯᠠᠭᠤᠨ ᠪᠣᠭᠣᠮᠲᠠᠨᠢ ᠳᠥᠷᠪᠡᠯᠵᠢᠨ ᠬᠡᠯᠪᠡᠷᠢᠲᠠᠢ ᠪᠠᠶ᠋ᠢᠵᠤ᠂ ᠴᠢᠯᠠᠭᠤ᠂ ᠰᠢᠷᠣᠢᠪᠠᠷ ᠥᠷᠥᠵᠦ ᠪᠦᠲᠦᠭᠡᠵᠡᠢ᠃ ᠲᠠᠯᠠ ᠵᠢᠨ ᠤᠷᠲᠤᠨᠢ 58.5 ᠮᠧᠲᠷ᠂ 4692.25 ᠲᠡᠭᠰᠢ ᠳᠥᠷᠪᠡᠯᠵᠢᠨ ᠮᠧᠲᠷ ᠭᠠᠵᠠᠷ ᠡᠵᠡᠯᠡᠵᠦ᠂ ᠡᠪᠳᠡᠷᠬᠡᠢ ᠬᠡᠷᠡᠮᠤᠨ ᠥᠨᠳᠥᠷᠨᠢ ᠪᠠᠷᠤᠭ 8 ᠮᠧᠲᠷ ᠪᠤᠢ᠃ ᠬᠦᠷᠢᠶᠡᠨᠤ ᠳᠥᠷᠪᠡᠨ ᠥᠨᠴᠥᠭᠲᠤ ᠪᠦᠷ ᠪᠡᠬᠢᠯᠡᠯᠲᠡ ᠬᠡᠷᠡᠮᠲᠠᠢ ᠪᠠᠶ᠋ᠢᠵᠤ᠂ ᠡᠭᠦᠳᠡᠨᠢ ᠡᠮᠦᠨᠡᠰᠢ ᠬᠠᠨᠳᠤᠵᠤ ᠪᠠᠶ᠋ᠢᠳᠠᠭ᠃ ᠡᠨᠡ ᠬᠦ᠌ ᠪᠣᠭᠣᠮᠲᠠᠨᠢ 《ᠨᠢᠭᠡᠨ ᠡᠷᠡ ᠰᠠᠬᠢᠪᠠᠰᠤ ᠲᠦᠮᠡᠨ ᠴᠡᠷᠢᠭ ᠲᠤᠭᠤᠯᠬᠤᠶᠠ ᠪᠡᠷᠬᠡ》 ᠪᠠᠶ᠋ᠢᠳᠠᠯᠲᠠᠢ ᠪᠠᠶ᠋ᠢᠵᠤ᠂ ᠶᠡᠬᠡ ᠰᠦᠷᠯᠢᠭ ᠪᠠᠶ᠋ᠢᠳᠠᠭ᠃ 《ᠬᠠᠨᠤ ᠪᠢᠴᠢᠭ · ᠾᠦᠩᠨᠦ ᠵᠢᠨ ᠨᠠᠮᠲᠠᠷ》ᠲᠠᠬᠢ ᠲᠡᠮᠳᠡᠭᠯᠡᠯᠢ ᠦᠨᠳᠥᠰᠦᠯᠡᠪᠡᠯ᠂ ᠨᠡᠶ᠋ᠢᠲᠡ ᠵᠢᠨ ᠣᠨ ᠲᠣᠭ᠋ᠠᠯᠠᠯᠠᠴᠠ ᠡᠮᠦᠨᠡ 33 ᠣᠨᠳᠤ᠂ ᠬᠤᠬᠠᠨ ᠴᠠᠨ ᠢᠦᠢ ᠴᠠᠩ ᠠᠨᠳᠤ ᠬᠦᠷᠴᠦ ᠨᠠᠶ᠋ᠢᠷᠠᠮᠳᠠᠬᠤ ᠵᠢ ᠬᠦᠰᠡᠭᠰᠡᠨᠳᠤ᠂ ᠬᠠᠨ ᠶᠤᠸᠠᠨ ᠳ᠋ᠢ ᠬᠠᠭ᠋ᠠᠨ ᠵᠣᠣ ᠵᠢᠶᠦ᠋ᠨᠢ ᠪᠡᠷᠢ ᠪᠣᠯᠭ᠋ᠠᠨ ᠬᠦᠷᠭᠡᠵᠡᠢ᠃ ᠲᠡᠳᠡ ᠲᠤᠰ ᠵᠢᠯᠳᠡᠭᠡᠨ ᠤᠮᠠᠷᠠᠰᠢ ᠪᠤᠴᠠᠬᠤ ᠦᠶᠡᠰ ᠵᠢᠢ ᠯᠦ᠍ ᠰᠠᠢ ᠪᠣᠭᠣᠮᠲᠠᠪᠠᠷ ᠥᠩᠭᠡᠷᠡᠵᠦ᠂ ᠡᠨᠳᠡ ᠬᠣᠶᠠᠷ ᠵᠢᠯ ᠰᠠᠭᠤᠵᠠᠢ᠃
ᠢᠷᠡᠯᠲᠡ᠄ ᠲᠤᠰ ᠰᠦᠯᠵᠢᠶᠡ