《ᠰᠠᠨ ᠱᠧᠩ ᠭᠦᠩ》 ᠭᠡᠰᠡᠨ ᠨᠡᠷᠡ ᠵᠢᠨ ᠢᠷᠡᠯᠲᠡ
ᠨᠡᠶ᠋ᠢᠲᠡᠯᠡᠭᠰᠡᠨ ᠴᠠᠭ᠄ 2021-11-25
ᠰᠠᠨ ᠱᠧᠩ ᠭᠦᠩ ᠭᠡᠰᠡᠨ ᠨᠡᠷᠡ ᠵᠢᠨ ᠲᠤᠬᠠᠢ ᠪᠠᠰᠠ ᠨᠢᠭᠡ ᠤᠯᠠᠮᠵᠢᠯᠠᠯ ᠶᠠᠷᠢᠶᠠ ᠪᠠᠶ᠋ᠢᠳᠠᠭ᠃ 《ᠰᠠᠨ ᠱᠧᠩ ᠭᠦᠩ》 ᠭᠡᠰᠡᠨ ᠭᠠᠵᠠᠷᠤᠨ ᠨᠡᠷᠡ ᠨᠢᠭᠡᠨᠲᠡ ᠵᠠᠭᠤ ᠭᠠᠷᠤᠢ ᠵᠢᠯᠤᠨ ᠲᠡᠦᠬᠡᠲᠠᠢ ᠪᠣᠯᠵᠠᠢ᠃ ᠲᠦᠷᠦᠭᠦᠦ ᠬᠡᠳᠥᠨ ᠵᠢᠯ ᠬᠠᠯᠠᠮᠰᠢᠯ ᠪᠣᠯᠵᠤ ᠪᠠᠶ᠋ᠢᠭᠰᠠᠨ 《ᠴᠢᠶᠣᠣ ᠣᠪᠣᠭᠲᠤ ᠵᠢᠨ ᠶᠡᠬᠡ ᠭᠡᠷ》ᠲᠠᠢ ᠬᠣᠯᠪᠣᠭᠠᠲᠠᠢ ᠪᠠᠶ᠋ᠢᠳᠠᠭ᠃ ᠲᠩᠷᠢ ᠲᠡᠳᠬᠦᠭᠴᠢ ᠵᠢᠨ ᠡᠬᠢᠨᠤ ᠣᠨᠳᠤ᠂ ᠱᠠᠨ ᠰᠢ ᠵᠢᠨ ᠬᠤᠳᠠᠯᠳᠤᠭ᠋ᠠᠴᠢᠨᠤ ᠲᠥᠯᠥᠭᠡᠯᠡᠬᠦ ᠬᠥᠮᠥᠨ ᠪᠣᠯᠬᠤ ᠴᠢᠶᠣᠣ ᠭᠦᠢ ᠹᠠ ᠠᠮᠢᠳᠤᠷᠠᠬᠤ ᠵᠢᠨ ᠲᠥᠯᠥᠭᠡ ᠪᠠᠷᠠᠭᠤᠨᠰᠢ ᠪᠣᠭᠣᠮᠲᠠᠪᠠᠷ ᠭᠠᠷᠴᠤ᠂ ᠪᠤᠭᠤᠲᠤ ᠵᠢᠨ ᠨᠢᠭᠡ ᠳᠠᠨᠵᠢ ᠵᠢᠨ ᠫᠦᠰᠡᠳᠤ ᠵᠠᠷᠤᠴᠠ ᠪᠣᠯᠵᠤ ᠪᠠᠶ᠋ᠢᠵᠠᠢ᠃ ᠠᠷᠪᠠᠨ ᠬᠡᠳᠥᠨ ᠵᠢᠯᠤᠨ ᠳᠠᠷᠠᠭᠠ᠂ ᠴᠢᠶᠣᠣ ᠭᠦᠢ ᠹᠠ ᠪᠣᠯᠤᠨ ᠴᠢᠨ ᠣᠪᠣᠭᠲᠤ ᠨᠤᠲᠤᠭᠤᠨ ᠬᠥᠮᠥᠨ ᠭᠤᠸᠠᠩ ᠱᠧᠩ ᠭᠦᠩ ᠳᠡᠯᠭᠡᠭᠦᠷᠢ ᠨᠡᠭᠡᠭᠡᠵᠡᠢ᠃ ᠰᠡᠭᠦᠯᠡᠷᠨᠢ ᠡᠨᠡ ᠳᠡᠯᠭᠡᠭᠦᠷ ᠵᠶ᠋ᠠᠨ ᠹᠦ᠋ ᠱᠧᠩ ᠭᠦᠩ ᠪᠣᠯᠭ᠋ᠠᠵᠠᠢ᠃ ᠴᠢᠶᠣᠣ ᡁᠢ ᠶᠦᠩ ᠴᠢᠶᠣᠣ ᠣᠪᠣᠭᠲᠤ ᠵᠢᠨ ᠬᠣᠶᠠᠳᠠᠬᠢ ᠭᠡᠷᠤᠨ ᠡᠵᠡᠨ ᠪᠣᠯᠬᠤ ᠦᠶᠡᠰ᠂ ᠹᠦ᠋ ᠱᠧᠩ ᠭᠦᠩ ᠳᠡᠯᠭᠡᠭᠦᠷᠨᠢ ᠨᠢᠭᠡᠨᠲᠡ ᠪᠤᠭᠤᠲᠤ ᠵᠢᠨ ᠨᠢᠭᠡᠳᠥᠭᠡᠷ ᠲᠣᠮᠣ ᠬᠤᠳᠠᠯᠳᠤᠭ᠋ᠠᠨᠤ ᠳᠡᠯᠭᠡᠭᠦᠷ ᠪᠣᠯᠵᠤ᠂ ᠪᠦᠬᠦᠶ᠋ᠢᠯᠡ ᠪᠤᠭᠤᠲᠤ ᠵᠢᠨ ᠵᠠᠬᠠ ᠳᠡᠯᠭᠡᠭᠦᠷᠢ ᠡᠵᠡᠮᠰᠢᠬᠦᠳᠤ ᠬᠦᠷᠴᠡᠢ᠃ ᠪᠣᠷᠣᠲᠣᠬᠣᠢ ᠣᠷᠣᠨᠨᠢ ᠪᠤᠭᠤᠲᠤᠲᠠᠢ ᠵᠠᠬᠠ ᠨᠡᠶ᠋ᠢᠯᠡᠵᠦ ᠪᠠᠶ᠋ᠢᠳᠠᠭ ᠪᠥᠭᠡᠳ ᠲᠠᠷᠢᠶᠠᠯᠠᠩ ᠬᠥᠭᠵᠢᠩᠭᠦᠢ ᠪᠠᠶ᠋ᠢᠭᠰᠠᠨ ᠲᠤᠯᠠ ᠴᠢᠶᠣᠣ ᡁᠢ ᠶᠦᠩ ᠪᠣᠷᠣᠲᠣᠬᠣᠢ ᠣᠷᠣᠨᠳᠤ ᠰᠠᠯᠪᠤᠷᠢ ᠳᠡᠯᠭᠡᠭᠦᠷ ᠭᠠᠷᠭ᠋ᠠᠬᠤ ᠪᠣᠳᠣᠯ ᠣᠷᠣᠵᠠᠢ᠃ ᠰᠠᠨ ᠱᠧᠩ ᠭᠦᠩ ᠪᠣᠯ ᠳᠠᠷᠤᠢ ᠴᠢᠶᠣᠣ ᠣᠪᠣᠭᠲᠤ ᠵᠢᠨᠬᠢᠨᠤ ᠠᠯᠠᠱ᠌ᠠ ᠬᠣᠱ᠌ᠤᠳ ᠴᠢᠨ ᠸᠠᠩᠤᠨ ᠬᠠᠷᠢᠶᠠᠨᠳᠠᠬᠢ ᠰᠠᠨ ᠳ᠋ᠣᠣ ᠾᠧ （ᠥᠨᠥ ᠵᠢᠨ ᠳ᠋ᠧᠩᠺᠧᠦ ᠰᠢᠶᠠᠨ）ᠳᠤ ᠪᠠᠶ᠋ᠢᠭᠤᠯᠤᠭᠰᠠᠨ ᠰᠠᠯᠪᠤᠷᠢ ᠪᠠᠶ᠋ᠢᠵᠤ᠂ ᠲᠣᠰᠣ ᠰᠢᠬᠠᠬᠤ ᠦᠢ᠍ᠯᠡᠳᠬᠡᠯᠤᠨ ᠭᠠᠵᠠᠷ ᠪᠠᠶ᠋ᠢᠵᠠᠢ᠃ ᠰᠠᠨ ᠭᠡᠳᠡᠭᠨᠢ ᠰᠠᠨ ᠳ᠋ᠣᠣ ᠾᠧ ᠵᠢᠨ ᠲᠦᠷᠦᠭᠦᠦ ᠦᠰᠦᠭ ᠪᠠᠶ᠋ᠢᠵᠤ᠂ ᠱᠧᠩ ᠭᠦᠩ ᠭᠡᠳᠡᠭᠨᠢ ᠭᠣᠣᠯᠴᠢ ᠲᠡᠭᠰᠢᠪᠠᠷ ᠠᠷᠠᠯᠵᠢᠶᠠᠯᠠᠵᠤ᠂ ᠬᠠᠮᠲᠤᠪᠠᠷ ᠪᠠᠶᠠᠵᠢᠬᠤ ᠭᠡᠰᠡᠨ ᠦᠭᠡ ᠪᠣᠯᠣᠨᠠ᠃ ᠲᠤᠰ ᠦᠢ᠍ᠯᠡᠳᠬᠡᠯᠤᠨ ᠭᠠᠵᠠᠷᠤᠨ ᠵᠠᠩᠭᠤᠶ᠋ᠢᠳᠠᠨᠢ ᠶᠤᠸᠠᠨ ᠣᠪᠣᠭᠲᠠᠢ ᠪᠠᠶ᠋ᠢᠵᠠᠢ᠃ 1875 ᠣᠨᠳᠤ ᠪᠧᠯᠬᠢ ᠵᠢᠨ ᠱᠠᠰᠢᠨ ᠳᠡᠯᠭᠡᠷᠡᠭᠦᠯᠦᠭᠴᠢ ᠠᠯᠠᠱ᠌ᠠ ᠴᠢᠨ ᠸᠠᠩᠤᠨ ᠵᠥᠪᠰᠢᠶᠡᠷᠡᠯ ᠵᠶ᠋ᠠᠷ ᠬᠠᠷᠢᠶᠠ ᠣᠷᠣᠨᠳᠤᠨᠢ ᠱᠠᠰᠢᠨ ᠳᠡᠯᠭᠡᠷᠡᠭᠦᠯᠵᠦ ᠡᠬᠢᠯᠡᠵᠡᠢ᠂ ᠲᠡᠭᠡᠭᠡᠳ ᠲᠡᠷᠡ 《ᠰᠠᠨ ᠱᠧᠩ ᠭᠦᠩ》 ᠲᠣᠰᠣ ᠰᠢᠬᠠᠬᠤ ᠦᠢ᠍ᠯᠡᠳᠬᠡᠯᠤᠨ ᠭᠠᠵᠠᠷᠤᠨ ᠬᠡᠰᠡᠭ ᠭᠡᠷ ᠪᠠᠶ᠋ᠢᠰᠢᠩᠢ ᠬᠤᠳᠠᠯᠳᠤᠨ ᠠᠪᠴᠠᠢ᠃ ᠰᠡᠭᠦᠯᠡᠷᠨᠢ 《ᠰᠠᠨ ᠱᠧᠩ ᠭᠦᠩ》 ᠳᠡᠯᠭᠡᠭᠦᠷ ᠠᠭ᠋ᠠᠵᠢᠮ ᠵᠶ᠋ᠠᠷ ᠳᠣᠷᠣᠶ᠋ᠢᠲᠠᠵᠠᠢ᠂ ᠬᠠᠷᠢᠨ ᠲᠡᠭᠦᠨᠤ ᠰᠠᠭᠤᠷᠢᠨ ᠳᠡᠭᠡᠷᠡ ᠪᠠᠶ᠋ᠢᠭᠤᠯᠤᠭᠳᠠᠭᠰᠠᠨ 《ᠰᠠᠨ ᠱᠧᠩ ᠭᠦᠩ》 ᠺᠠᠲ᠋ᠣᠯᠢᠭ ᠱᠠᠰᠢᠨᠤ ᠰᠦᠮᠡᠨᠢ ᠬᠠᠷᠢᠨ ᠪᠠᠷᠠᠭᠤᠨ ᠡᠮᠦᠨᠡᠲᠦ ᠮᠣᠩᠭᠣᠯ ᠣᠷᠣᠨᠤ ᠭᠣᠣᠯ ᠰᠦᠮᠡ ᠪᠣᠯᠵᠠᠢ᠃ ᠬᠥᠮᠥᠨᠤ ᠨᠡᠮᠡᠭᠳᠡᠯ ᠪᠠ ᠱᠠᠰᠢᠨᠤ ᠡᠪᠯᠡᠯᠤᠨ ᠨᠥᠯᠥᠭᠡ ᠴᠢᠩᠭ᠋ᠠᠷᠠᠬᠤ ᠵᠢ ᠳᠠᠭ᠋ᠠᠯᠳᠤᠨ 《ᠰᠠᠨ ᠱᠧᠩ ᠭᠦᠩ》 ᠭᠡᠰᠡᠨ ᠨᠡᠷᠡ ᠬᠣᠯᠠ ᠣᠶ᠋ᠢᠷᠠᠳᠤ ᠠᠯᠳᠠᠷᠰᠢᠵᠤ᠂ ᠤᠤᠯᠤᠨ 《ᠰᠠᠨ ᠳ᠋ᠣᠣ ᠾᠧ》 ᠭᠡᠰᠡᠨ ᠨᠡᠷᠡ ᠬᠠᠷᠢᠨ ᠠᠭ᠋ᠠᠵᠢᠮ ᠵᠶ᠋ᠠᠷ ᠮᠠᠷᠲᠠᠭᠳᠠᠵᠠᠢ᠃ 1958 ᠣᠨᠳᠤ ᠪᠠᠶᠠᠨᠨᠠᠭᠤᠷ ᠠᠶ᠋ᠢᠮᠠᠭᠤᠨ ᠨᠠᠮ ᠵᠠᠰᠠᠭ ᠰᠠᠨ ᠱᠧᠩ ᠭᠦᠩᠳᠤ ᠨᠡᠭᠦᠵᠦ ᠢᠷᠡᠬᠦ ᠵᠢᠨ ᠬᠠᠮᠲᠤ ᠰᠢᠨᠡ ᠲᠣᠭᠣᠷᠢᠭ ᠪᠠᠶ᠋ᠢᠭᠤᠯᠵᠤ᠂ ᠺᠠᠲ᠋ᠣᠯᠢᠭ ᠱᠠᠰᠢᠨᠤ ᠰᠦᠮᠡ ᠵᠢᠨ ᠬᠠᠪᠢ ᠭᠠᠵᠠᠷᠢ ᠬᠠᠭᠣᠴᠢᠨ ᠲᠣᠭᠣᠷᠢᠭ ᠪᠣᠯᠭ᠋ᠠᠵᠠᠢ᠃ ᠰᠢᠨᠡ ᠲᠣᠭᠣᠷᠢᠭᠢ 《ᠪᠠᠶᠠᠨᠭᠣᠣᠯ》 ᠬᠡᠮᠡᠵᠦ᠂ 《ᠪᠠᠶᠠᠨ ᠲᠠᠩᠰᠤᠭ ᠭᠣᠣᠯ》 ᠭᠡᠰᠡᠨ ᠤᠳᠬᠠᠲᠠᠢ ᠶᠤᠮ᠃
ᠢᠷᠡᠯᠲᠡ᠄ ᠲᠤᠰ ᠰᠦᠯᠵᠢᠶᠡ